Ժամանակակից արվեստի թանգարանը 50 տարեկան է

  • 10.06.2022
  • 0
  • 27 Views

2022 թվականին լրանում է Երևանի Ժամանակակից արվեստի թանգարանի հիմնադրման 50-ամյակը:

Հոբելյանական նշանակալի իրադարձության, ինչպես նաև թանգարանի հիմնադիր, արվեստաբան Հենրիկ Իգիթյանի 90-ամյակի կապակցությամբ Ժամանակակից արվեստի թանգարանի նախաձեռնությամբ հունիսի 16-ին, Հանրապետության հրապարակ, Կառավարական N 2 տան հասցեում (նախկին ԱԳ նախարարության շենք) կմեկնարկի հոբելյանական միջոցառումների շարքը:

2022 թ. հունիսի 17-ից նշված հասցեում երկու ամիս տևողությամբ կգործի բացառիկ ցուցահանդես, որի ընթացքում կներկայացվեն 150 հեղինակի 300-ից ավելի աշխատանքներ,  կցուցադրվեն թանգարանի ստեղծման պատմությանն ու գործունեությանը, հեղինակներին նվիրված տարբեր ժամանակներում նկարահանված ֆիլմեր: Ցուցահանդեսի ընթացքում կկազմակերպվեն տարաբնույթ մշակութային  միջոցառումներ և ծրագրեր:

Ցուցահանդեսը այցելուների համար բաց կլինի յուրաքանչյուր օր, բացի երկուշաբթիից, աշխատանքային ժամերը՝ 11:00-18:00:

Երևանի քաղաքապետարանի աջակցությամբ իրականացվող հոբելյանական միջոցառումների և ցուցահանդեսի պաշտոնական բացումը տեղի կունենա ս. թ. հունիսի 16-ին, ժամը 16:00-ին, որի  շրջանակներում նախատեսվում է.

ü  «Ժամանակակից արվեստի թանգարան» երկլեզու (ռուսերեն, անգլերեն) պատկերագրքի 3-րդ հատորի շնորհանդես

ü  Ժամանակակից տեխնոլոգիաների կիրառմամբ Գայանե Խաչատուրյանի «Սպիտակ կարուսել», Արմեն Գևորգյանի   «Համբարձում» և Աշոտ Բայանդուրի   «Համերգ»   գեղանկարների գրաֆիկական ցուցադրություն:

ü  «Այդ Իգիթյանը…» խորագրով լիամետրաժ ֆիլմի նկարահանման աշխատանքների մեկնարկ՝ մունջ դերասաններով (ռեժիսոր՝ Արամ Շահբազյան, սցեարի հեղինակ՝ Աննա Սարգսյան):

Բացման խոսքով հանդես կգա թանգարանի տնօրեն Նունե Ավետիսյանը:

Միջոցառմանը հրավիրված են մշակույթի և պետական-հասարակական գործիչներ, ՀՀ-ում հավատարմագրված դիվանագիտական կորպուսի ներկայացուցիչներ:

Հանդիսավոր բացման արարողության մուտքը՝ հրավիրատոմսերով:

         Մինչ հոբելյանական միջոցառումների մեկնարկը, ս/թ հունիսի 16-ին, ժամը 15:15-ին, Հանրապետության հրապարակ, Կառավարական N2 տանը կկայանա մամուլի ասուլիս, որին կմասնակցեն

Լևոն Հովհաննիսյան-Երևանի քաղաքապետի առաջին տեղակալ

Նունե Ավետիսյան-Երևանի ժամանակակից արվեստի թանգարանի տնօրեն

Զառա Այրումյան-Երևանի ժամանակակից արվեստի թանգարանի տնօրենի տեղակալ

Լրացուցիչ տեղեկությունների համար զանգահարել 010 53 55 67, 010 53 53 59:

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում