Որպես ԱՄՆ-ում գործող առաջին ընկերություն, որը լիովին համապատասխանում է Արժեթղթերի և բորսայի հանձնաժողովի կանոններին, և որը թողարկել է ԱՄՆ դոլարի հետ չկապված կայուն արժույթ, HYECoin, Inc.-ը պոտենցիալ համագործակցություն է ստեղծում կրիպտոտեխնոլոգիական նոր ընկերության հետ՝ զարգացնելու նորարարական և ուղիղ (peer-to-peer) նույնականացման տեխնոլոգիան, որով հնարավոր կլինի մեկ օգտատիրոջից մյուսին փոխանցել HYEDram սթեյբլքոին։
Այս շաբաթվա սկզբին Մանհեթենում ունեցած առաջին հանդիպումից և ողջույնից հետո HYECoin, Inc.-ի նախագահ և գլխավոր գործադիր տնօրեն Տիրան Անթապլյանը AUTHTECH-ի համահիմնադիր և գլխավոր տնօրեն Վենհաո Յանգի, ինչպես նաև AUTHTECH-ի եկամուտների գծով գլխավոր տնօրեն Բրյուս Մաքքալիի հետ մեկնեց Լոս Անջելես՝ մասնակցելու 2022 թվականի Սթարթափ էքսպոյին, ուր նոր բիզնեսները, որոնք ներկայումս խոչընդոտում են գոյություն ունեցող արդյունաբերությանը, կարող են ցուցադրել և ներկայացնել իրենց եզակի նորամուծությունները:
HYECoin, Inc.-ի արևմտյան ափի կորպորատիվ թիմը՝ համահիմնադիր Դոնալդ Ուիլսոն Բուշի և տեխնոլոգիական խորհրդատու Գոռ Գևորկյանի գլխավորությամբ, հինգշաբթի երեկոյան ցուցահանդեսի մարդաշատ տանիքի վրա՝ Ուիլշիր ծառուղի 1027 հասցեում հանդիպեց AUTHTECH-ի թիմի հետ՝ այդ նոր տեխնոլոգիան իրական ժամանակում նախնական փորձարկելու համար:
«Իսկապես անգնահատելի է առաջադեմ մտածող այնպիսի ընկերություններ գտնելը, ինչպիսին է AUTHTECH-ը․ խոսքը կրիպտոաշխարհում նորարարական լուծումներով հանդես եկող ընկերությունների մասին է, որոնք մինչ օրս հաշվի են առնում և հարգում իրական աշխարհի իրական շուկաների լավագույն փորձը», – նշել է Դոնալդ Վիլսոն Բուշը:
Ուրբաթ առավոտյան երկու թիմերը հանդիպեցին մեծարգո Արդաշես «Արդի» Քասախյանի հետ, ով Կալիֆորնիայի Գլենդելի քաղաքապետն է․ նորարար մի քաղաք, որը լիցքավորված է հայկական անխոնջ ոգով, և ուր Հյուսիսային Բրենդ ծառուղում գտնվող մի սրճարանում դեռևս 2017 թվականին առաջին անգամ ստեղծվեց HYECoin, Inc. նախագիծը։
AUTHTECH-ը Մանհեթենում հիմնված ծրագրային հավելված մշակող է, որն օգտագործում է տեսախցիկի լապտերի թարթող լույսի ազդանշանները՝ հաստատելու օգտատիրոջ իրավասությունները: Երեք տարեկան այս սթարթափը ձեռնամուխ է եղել բավարարելու տարբեր ոլորտներում, այդ թվում՝ էլեկտրոնային առևտրի, բջջային վճարումների և առողջապահության ոլորտներում նույնականացման ավելի անվտանգ լուծումներ գտնելու պահանջը։ AUTHTECH-ն օգտագործում է արտոնագրված LiFi տեխնոլոգիան, որը թույլ է տալիս լապտերի ազդանշանների միջոցով ապահովել սարքից սարք կապ և առաջարկում է անխոցելի և խիստ համատեղելի լուծում, որը կարող է կիրառվել տարբեր օպերացիոն համակարգերում, սարքերում և ոլորտներում:
#HYECoin #HYEDram #Stablecoin #ArmenianCurrency #Crypto #ArmenianDram #ArtsakhNK #Artsakh #Armenia
