24 մայիսին «Ազդակ»-ի խմբագրատուն այցելեց եւ տնօրէնութեան հետ տեսակցութիւն ունեցաւ նուագավար, երգչախմբավար եւ երաժշտագէտ, Փրակի Կարոլեան համալսարանի երաժշտական համոյթներու երաժշտապետ դոկտ. Հայկ սրկ. Իւթիւճեան:
Դոկտ. Իւթիւճեան Լիբանան կը գտնուի Համազգայինի Լիբանանի Շրջանային վարչութեան հրաւէրով` դասախօսելու «Յետցեղասպանութեան ստեղծարարութիւնը` յիշողութեան, արուեստի եւ պահանջատիրութեան միջեւ» խորագիրով երիտասարդական միօրեայ սեմինարին, որ տեղի ունեցաւ շաբաթ, 21 մայիսին, եւ որուն ընթացքին ան զեկուցեց «Հայկական եկեղեցական երաժշտութիւնը Մեծ եղեռնի վաղորդայնին» նիւթին մասին:
Ան մօտէն ծանօթացաւ «Ազդակ»-ի աշխատանքներուն. այնուհետեւ խորհրդակցութիւնը ծաւալեցաւ հայկական երաժշտութեան այսօրուան հարցերուն, նոր սերունդին ունեցած յաջողութիւններուն եւ միջազգային երաժշտութեան մէջ անոր գրաւած տեղերուն մասին:
Այսօր Հայկ Իւթիւճեանը հանդիպումներ ունեցավ նաեւ «ԳՈՀԱՐ» գրադարանի ղեկավարութեան հետ։
Աղբյուր՝ Ազդակ
