«Նիւ Եորք Թայմզ»ի Գովազդին Մէջ Բրիտանիոյ Վարչապետին Հայոց Ցեղասպանութիւնը Ճանչնալու Կոչ Կ՛ուղղուի

  • 03.05.2022
  • 0
  • 62 Views

ԵՐԵՒԱՆ, «Էրմենիհապեր».- Աշխարհահռչակ «Նիւ Եորք Թայմզ» օրաթերթի 25 Ապրիլի թիւին մէջ զետեղուած գովազդով, Մեծն Բրիտանիոյ վարչապետ Պորիս Ճոնսընին կոչ կ՛ուղղուի «Հայոց Ցեղասպանութեան արդարութիւն բերելու»: Անոր մէջ կը շեշտուի, որ 1915-1923 թուականներուն 1.5 միլիոն անձեր սպաննուած են:

Թերթի նշեալ թիւի 5րդ էջի ներքեւը պատկերուած է Ճոնսընը, անոր վերի հատուածը՝ օսմանեան Թուրքիոյ վերջին շրջանին կրթութեան եւ ներքին գործոց նախարարի պաշտօնը զբաղեցուցած Ալի Քեմալի նկարը, որ եղած է Ճոնսընի մեծ մեծ հայրը:

Նկարներուն միջեւ կը կարդանք հետեւեալ գրութիւնը.

«Այս մեծ մարդը քու մեծ մեծ հայրն է: Ան թուրք լրագրող եւ քաղաքական գործիչ էր: Զայն դաւաճան յայտարարեցին, անոր՝ Հայոց Ցեղասպանութեան պատասխանատուները պատժելու ճիգերուն համար: Վերջիվերջոյ, ան սպաննուեցաւ փողոցին մէջ»:

Այս նիւթին անդրադարձած են նաեւ թրքական լրատուամիջոցները՝ նշելով, որ գովազդի պատուիրատուն հայ գործարար Րաֆֆի Մանուկեանն է:

orer.eu

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում