Հայոց Ցեղասպանութեան 107-ամեակը հանդիսաւոր կերպով նշուեցաւ Դամասկոսի մէջ

  • 25.04.2022
  • 0
  • 65 Views

Կիրակի, 24 Ապրիլ 2022-ին, Հայոց Ցեղասպանութեան 107-ամեակին առթիւ Դամասկոսի Սուրբ Սարգիս եկեղեցւոյ մէջ հանդիսաւոր պատարագ մատուցուեցաւ:

Օրուայ պատարագիչն էր Դամասկոսի Հայոց Թեմի Առաջնորդ՝ Գերշ. Տ. Արմաշ Եպս. Նալպանտեանը: Սուրբ Պատարագին ներկայ էին Դամասկոսի քոյր եկեղեցիներու Առաջնորդներն ու Եպիսկոպոսները, Սուրիոյ մէջ Հ Հ Դեսպանութեան Հիւպատոս տիար Վարդան Ադամեանը եւ Խորհրդական տիար Ազատ Խաչատրեանը, ՍԴՀԿ Կեդրոնական Վարչութեան Փոխատենապետ Տոքթ. Վազգէն Համալեանը եւ Դամասկոսի Միութեանց վարչականներ ու ներկայացուցիչներ եւ Դամասկահայեր:

Յաւարտ Սբ. Պատարագի Սուրբ Սարգիս Եկեղեցւոյ շրջաբակին մէջ գտնուող Նահատակաց Յուշարձանին առջեւ տեղի ունեցաւ Հայոց Ցեղասպանութեան Սբ. Նահատակաց Բարեխօսական միջեկեղեցական միասնական աղօքթ, մասնակցութեամբ Հ.Մ.Մ.-ի սկաուտական փողերախումբին, որ կատարեց ազգային եւ հայրենասիրական երգեր:Բարեխօսական աղօքթէն ետք պահանջատիրական ոգով ներկաները Հ.Մ.Մ.-ի սկաուտական փողերախումբին նուակագցութեամբ կատարեցին երթ դէպի Հ.Մ.Մ.-ի ամումբ:

Դիւան Ազգ. Առաջնորդարանի

Դամասկոս 24 Ապրիլ 2022

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում