Հայկական Սփիւռքի հարցախոյզը (ՀՍՀ) աշխարհի տարբեր երկիրներու հայկական համայնքներու հանրային կարծիքը ուսումնասիրող գիտահետազօտական աշխատանք մըն է:
Անոր նպատակն է՝ ներկայացնել այն հարցերը, դիրքորոշումները եւ յակումները, որոնք կը բնորոշեն 21րդ դարու հայկական աշխարհը: Հետազօտութեան ամբողջական արդիւնքները հասանելի են հանրութեան եւ գիտաշխատողներու, ինչպէս նաեւ համայնքային ղեկավարներու եւ հանրային քաղաքականութիւն ճշդողներու:
Հայկական Սփիւռքի հարցախոյզը 6 Մայիսին բաց պիտի ըլլայ Հիւսիսային Ամերիկայի հայութեան համար։ Անոր կրնան մասնակցիլ Միացեալ Նահանգներէն եւ Գանատայի Օնթարիոյ նահանգէն (Մոնթրէալի մէջ հարցախոյզը արդէն իրականացած է) 18 տարիքը բոլորած հայեր։ Հարցախոյզը կաելի է ամբողջացնել առցանց կամ տպագիր։
2018էն ի վեր, հարցախոյզներ իրականացած են 10 երկիրներու հայկական առաւել քան 20 համայնքներու մէջ։
ՀՍՀը կը գործէ Լոնտոնի Հայկական հիմնարկին հովանաւորութեամբ եւ «Գալուստ Կիւլպէնկեան» հիմնարկութեան նիւթական աջակցութեամբ: Անոր վարիչն է դոկտ․ Հրաչ Չիլինկիրեան, «Օքսֆըրտ» համալսարանէն։
Յաւելեալ տեղեկութիւններու համար այցելել կայքը։
Հայկական Սփիւռքի Հարցախոյզը 6 Մայիսին Հիւսիսային Ամերիկա Կը Հասնի – Asbarez – Armenian
