Ապրիլի 11-ին Հայաստանի ԱԳ նախարար Արարատ Միրզոյանը հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ:
Նախարարները մտքեր են փոխանակել սահմանազատման ու սահմանային անվտանգության հանձնաժողովի ձևավորման, խաղաղ բանակցությունների նախապատրաստման և հումանիտար խնդիրների վերաբերյալ։
Եվրամիությունը ողջունում է Հայաստանի և Ադրբեջանի ԱԳ նախարարների ուղիղ շփումները և փոխգործակցությունը։ Այս մասին Թվիթերի իր էջում գրում է ԵՄ հատուկ ներկայացուցիչ Տոյվո Կլաարը։
«Կարևոր զարգացում անցած շաբաթվա բրյուսելյան հանդիպումից հետո։ ԵՄ-ն աջակցում է անմիջական շփումներին և ներգրավվածությանը»,- գրել է Կլաարը։
orer.eu
