ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
25 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ֆրանչիսկոս Պապը կը հանդիպի Հայաստանի Նախագահին եւ երկու Կաթողիկոսներուն

05 ապրիլի, 2018 | 07:36

(Ռատիօ Վատիկան) Հինգշաբթի՝ 5 ապրիլ 2018-ին, Ֆրանչիսկոս Սրբազան Քահանայապետը իր աշխատանքային օրակարգը յատկացուած է հայ ազգին։ Արդարեւ Ան՝ առաւօտեան ժամը 10-ին իր գրասենեակին մէջ կ՛ընդունի Հայաստանի հանրապետութեան նախագահ՝ Վսեմաշուք Տիար Սերժ Սարգիսեանը եւ անոր ընկերացող շքախումբը, ապա 11.45-ին ունկնդրութիւն կը շնորհէ նախ Ամենայն Հայոց Կաթողիկոս Գարեգին Բ-ի, ապա Մեծի Տանն Կիլիկիոյ Կաթողիկոս՝  Արամ Ա-ի։ Այս հանդիպումներէն ետք Ֆրանչիսկոս Սրբազան Քահանայապետը կ՛ուղղուի Վատիկանի Պարտէզներ՝ ուր բացումն ու օրհնութիւնը կը կատարէ Գրիգոր Նարեկացիի արձանին, ի ներկայութեան ՀՀ Նախագահին, Գարեգին Բ եւ Արամ Ա կաթողիկոսներուն ու Տանն Կիլիկիոյ Կաթողիկէ Հայոց Գրիգոր Պետրոս Ի Կաթողիկոս պատրիարքին ու եկեղեցական եւ պետական բարձրաստիճան անձնաւորութիւններուն։

Արձանի օրհնութեան արարողութենէն ետք՝Հայ եկեղեցւոյ երեք հովուապետերը եւ անոնց ընկերացող եպիսկոպոսները կէսօրուայ ճաշի հիւր կը հանդիսանան  Ֆրանչիսկոս Պապին, Անոր Սանթա Մարթայի բնակարանին մէջ։

Նշենք թէ Սուրբ Գրիգոր Նարեկացիի արձանը նուէրն է Նախագահ Սարգիսեանին որ Ֆրանչիսկոս Սրբազան Քահանայապետին Հայաստան կատարած առաքելական ճամբորդութեան առթիւ Անոր նուիրած էր Սուրբին փոքրիկ տարբերակը յոյս յայտնելով որ օր մը Գրիգոր Նարեկացիին արձանը զետեղուէր նաեւ Վատիկանի մէջ, որպէս նշան երկու Պետութիւններու եւ Եկեղեցիներու բարեկամական կապերուն։

Քահանայապետը ընդառաջած էր այդ առաջարկին ու ահա այսօր՝ 5 ապրիլ 2018-ին այդ իղձը կ՛իրականանայ շնորհիւ նաեւ Հայաստանի հանրապետութեան Սուրբ Աթոռի մօտ հաւատարմագրուած դեսպան՝ Տիար Միքայէլ Մինասեանի ջանքերուն ու տնտեսական աջակցութեան։

Սուրբ Գրիգոր Նարեկացիի արձանի այսօրուան արարողութիւնը կը հարստացնէ հայկական ներկայութիւնը Վատիկանէն ներս։ Արդարեւ բացի Նարեկացիի արձանին, Սուրբ Յովհաննէս Պօղոս Բ –ի օրով, Վատիկանի մէջ զետեղուած է նաեւ Սուրբ Գրիգոր Լուսաւորչի հսկայական արձանը, որ կը պարտինք երջանկայիշատակ Ներսէս Պետրոս ԺԹ Տանն Կիլիկիոյ կաթողիկէ Հայոց Կաթողիկոս Պատրիարքի ջանքերուն որուն շնորհիւ նաեւ՝ Պենետիկտոս ԺԶ օրով բացումը կատարուեցաւ Սուրբ Գրիգոր Լուսաւորչի անունը կրող գաւիթին։

Ապա Վատիկանի Պարտէզներու Լուրտի Տիրամօր քարայրին մօտ զետեղուած է Գարեգին Ա-ի կողմէ Սուրբ Յովհաննէս Պօղոս Բ-ին նուիրուած խաչքար մը։ Մինչ այլ խաչքար մը զետեղուած է Վատիկանի թանգարաններուն մէջ։


Մեկնաբանություն

Վերջին լուրեր
1.Սարմեն Բաղդասարյանը` Քուվեյթի Պետությունում Հայաստանի արտակարգ և լիազոր դեսպան
2.Աշխարհի առաջնորդները միավորվում են երիտասարդությանը որակյալ կրթություն տրամադրելու նոր նախաձեռնության շուրջ
3.Նիկոլ Փաշինյանն ու Ամենայն Հայոց կաթողիկոսը այցելել են Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդես
4.Հայ-գերմանա-ֆրանսիական համատեղ միջոցառում Բեռլինում՝ նվիրված Երևանում կայանալիք Ֆրանկոֆոնիայի գագաթաժողովին
5.«Հայրենիքն սկսվում է սահմանից» ռազմահայրենասիրական ցուցահանդեսը «Նարեկացի» արվեստի միությունում
6.Վարչապետ Նիկոլ Փաշինյանը ՄԱԿ-ի կենտրոնակայանում մասնակցել է Նելսոն Մանդելային նվիրված խաղաղության գագաթաժողովի բացմանն ու հանդես եկել ելույթով
7.Անտոնիո Գուտերեշ. Հայաստանի հետ արդյունավետ համագործակցությունն առավել կամրապնդվի և կզարգանա
8.Հայաստանում պետք է իրականացնել ոչ թե բարեգործական, այլ զարգացման ծրագրեր. Նիկոլ Փաշինյան
9.Նորվեգիա. Հայկական խաչքարի օրհնություն և օծում Կրագերո քաղաքում
10.Հայրիկ Մուրադյանի «Հայրենի երգեր» ժողովածուն ներկայացվել է Երեւանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: