ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
24 հունիսի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Տուտագլեանի «Նամակ երկրէն» , բեյրության հարձակումը եւ դրա արձագանքները

07 մարտի, 2018 | 10:55

Ինչպես հայտնի է,փետրուար 26-ի երեկոյան, Բեյրութում՝ Պուրճ Համուտում  հարձակման է ենթարկվել «Թիւֆէնքեան» հիմնադրամի գործադիր վարիչ, հրապարակագիր Րաֆֆի Տուտագլեանը։ Այդ բիրտ արարքին եւ դրա հետեւանքներին է անդրադարձել Փարիզի ,,Նոր Յառաջի,, խմբագիր Ժիրայր Չոլաքյանը, ինչը ներկայացնում ենք ստորեւ։ 

Գրեցէ՛ք, գրեցէ՛ք իրեն
Տուտագլեան Րաֆֆի հայկական ժամանակակից հրապարակախօսութեան ուրոյն դէմք է։ Այն աստիճանի որ իր գրութիւններուն պատճառով յարձակումի ենթարկուեցաւ Պուրճ Համուտի «Շաղզոյեան» կեդրոնի կառատան մէջ։ Անոր «Նամակ երկրէն»-ները մէյմէկ գոհարներ են ճանչնալու խորին Հայաստանն ու Արցախը։ Երկրէն՝ ցեղին ձայնն է։ Իւրաքանչիւր նամակ նաեւ հրաւէր մըն է, սրտառուչ կոչ մը գրելու, անպատասխան չձգելու Րաֆֆիին յղած նամակները՝ «գրեցէ՛ք ինծի»։
Թէեւ այդ նամակները ժամանակակից հայաշխարհէն պատկերներ են, սակայն անոնք նաեւ կ՚ընդգրկեն սուր դիտարկումներ, վերլուծումներ, Հայաստանի քաղաքական ասպարէզի մարդոց մասին։ Անկեղծ, համարձակ ու անշեղ քննադատութիւններ՝ պետական վարչամեքենային, իրենց դիրքերը չարաշահող կուսակցական-պաշտօնեաներուն։ Արդարութեան կարօտեալ ժողովուրդին խօսափողն է։ Մէկ խօսքով, նեղմիտ մարդոց համար անոր ազատամիտ խօսքերը շատ դաժան են։
Հայաստանի մէջ յաճախ կը հանդիպինք բրտութեան օգտագործումին իբրեւ քաղաքական զէնք՝ խեղդելու համար ազատ խօսողներու ձայնը։ Պուրճ Համուտի մէջ ալ նոյնը եղաւ։ Անցնող շաբաթներուն քաղաքական դրդապատճառներով վայրագ դէպքեր անպակաս էին՝ առաջինը «Երկիր ծիրանի» կուսակցութեան անդամուհիներու նկատմամբ բրտութիւնն էր Երեւանի քաղաքապետարանի աւագանիի նիստին, երկրորդը՝ «Սասնայ ծռեր» խմբակի իրաւունքներու պաշտպան եւ կիներու իրաւունքներու պաշտպանութեան ճակատի անդամ՝ Յասմիկ Սարգսեանի դէմ –իր տան առջեւ– կատարուած յարձակումը։
Պատահած է, որ սփիւռքահայերու նկատմամբ Հայաստանի մէջ բիրտ արարքներ գործադրուին՝ դրամական դրդապատճառներէ մղուած։ Սակայն հազուագիւտ է որ Հայաստան հաստատուած եւ այնտեղ աշխատող սփիւռքահայ մտաւորական ու հանրային գործիչ մը յարձակումի ենթարկուի Սփիւռքի մէջ։
Րաֆֆի Տուտագլեան Գանատայի մէջ ունեցած իր հանգիստ կեանքն ու պաշտօնը ձգելով վերջնական կայք հաստատած է Երկրին մէջ։ Հայրենիքին ծառայելը դարձած է իր գլխաւոր առաքելութիւնը։ Ան այն սփիւռքահայերէն է, որոնք Երկիր վերադառնալով իրենց խօսքը վերածած են գործի եւ որոնք հեռու են զգացական ու երազային հայրենասէրներ ըլլալէ։ Հայաստանի նկատմամբ Րաֆֆիի պատկերացումները բնաւ մեղմ եւ այսպէս կոչուած՝ «հեշտանքային» չեն եղած։ Որքան որ Երկիրը սրբութիւն է, նոյնքան ալ՝ անարդարութիւն, կողոպուտ, կեղծիք։ Ինչպէս հաշտեցնել այս երկու անհաշտ եզրերը՝ գրիչով։ Տուտագլեանի դէմ յարձակումը զուտ քաղաքական երանգ ունի եւ իր ազատ խօսքը լռեցնելու նպատակ կը հետապնդէ, որովհետեւ Րաֆֆին ամուր կառչած է հողին, արդարութեան եւ խօսքի ազատութեան…։
Դրական է Հ.Յ.Դաշնակցութեան Լիբանանի կեդրոնական կոմիտէի քայլը, որ դատապարտած է այս երեւոյթը, որ ինքնին կարեւոր է, որովհետեւ երբ Հայաստանի մէջ նմանատիպ դէպքեր տեղի կ՚ունենան, պատասխանատու կուսակցութիւնները կամ կառոյցները երբեք նման դիրքորոշում չեն ցուցաբերեր։
Յամենայն դէպս պէ՛տք է այս արարքին յանցաւորները երեւան հանել, ինչ որ դժուար բան մը չէ, նկատի ունենալով ամէնուր զետեղուած ժամանակակից տեսախցիկները։ Անոնք պէտք է իրենց անարգ արարքին համար պատասխան տան, անցնին արդարադատութեան մականէն։
Ժ.Չ. ■

Րաֆֆի Տուտագլեան Պէյրութի մէջ
յարձակման ենթարկուած է
Երկուշաբթի, Փետրուար 26-ի երեկոյեան, Պուրճ Համուտի մէջ անծանօթներու կողմէ յարձակման ենթարկուած է «Թիւֆէնքեան» հիմնադրամի գործադիր վարիչ, հրապարակագիր Րաֆֆի Տուտագլեան: 
Երկու հոգի յարձակած են, մէկը` ետեւէն, մէկը` դիմացէն: Ան բաւական ծանրօրէն վիրաւորուած է. քիթը կոտրած է, վնասուած է աչքերէն մէկը:
“Զարկին ու փախան, բան չհասկցայ։ Երեւի գրութիւններուս համար էր։ Գողութեան կամ որեւէ այլ նպատակ չկար։ Պատժելու նպատակ կը հետապնդէր կարծես”, ըսած է ան Սիվիլնեթին:
Յիշեցնենք, որ Տուտագլեան «Նամակ երկրէն» խորագրին տակ կը ստորագրէ ու կը պատմէ Հայաստանի ու Արցախի բնակիչներուն մասին ուրախալի, յուզիչ, ոգեւորող ու սրտաճմլիկ լուրեր, դրուագներ, հանդիպումներ ու պատմութիւններ։ Ան յաճախ կ՚անդրադառնայ նաեւ Հայաստանի եւ Սփիւռքի վերնախաւերու ու կառոյցներու փտածութեան։ Արդէն տարի մըն է որ կանոնաւոր կերպով կը գործակցի «Նոր Յառաջ»-ին։
Տուտագլեան ներկայիս արդէն կը գտնուի Երեւան, ուր կը բուժուի: ■

***

Հ.Յ.Դ.-ի հաղորդագրութիւնը Րաֆֆի Տուտագլեանի վրայ կատարուած յարձակման մասին
Երկուշաբթի, 26 Փետրուար 26-ի երեկոյեան, Պուրճ Համուտի մէջ անծանօթներու կողմէ յարձակման ենթարկուած Րաֆֆի Տուտագլեանի հարցին գծով անհրաժեշտ կը նկատենք կատարել հետեւեալ յստակացումները.-

ա) Րաֆֆի Տուտագլեանի նկատմամբ կատարուած յարձակումը անընդունելի է եւ դատապարտելի՝ բնականաբար։

բ) Դէպքը ոչ մէկ կապ ունի Հ. Յ. Դաշնակցութեան հետ։

գ) Կատարուած արարքին պատասխանատւութիւնը Հ. Յ. Դաշնակցութեան վրայ բեռցնելը անպատասխանատու վերաբերում է եւ անընդունելի ամբաստանութիւն։

դ) Դէպքի վայրին եւ ժամանակին ընտրութիւնը՝ «Շաղզոյեան» կեդրոնին մօտ, ինքնին հարցականներու դուռ կը բանայ եւ կ՚իյնայ հակադաշնակցական պայքարի ծիրին մէջ։

ե) Դէպքէն անմիջապէս ետք Հ. Յ. Դաշնակցութեան պատասխանատու ընկերներ կապ հաստատած են Տուտագլեանի հետ եւ դատապարտելով պատահածը զայն նկատած են կասկածելի տարրերու արարք։

զ) Խօսքի ու խղճի ազատութիւնը Հ. Յ. Դաշնակցութեան առաջնահերթութիւններու սկզբունքներէն եղած են ու այդպէս կը մնան։

է) Դէպքէն ետք ծաւալած հակադաշնակցական մթնոլորտը ինքնին կը բացատրէ արարքին տուն տուող թաքուն նպատակները, յատկապէս ներկայ հանգրուանին։
Հ. Յ. Դաշնակցութեան Լիբանանի Կեդրոնական Կոմիտէն դատապարտելով դէպքը կոչ կ՚ուղղէ վերջ տալու այս առիթով կատարուած ցեխարձակումներուն ու այսպէս ըսուած՝ ազատ կարծիքի արգելակման ամբաստանութեանց։

Հ.Յ.Դ. Լիբանանի 
Կեդրոնական Կոմիտէի
Տեղեկատուական 
գրասենեակ 


Մեկնաբանություն

Վերջին լուրեր
1.ՀՈԼԱՆԴԻԱ. Մաստրիխտի քաղաքապետի այցը ,,ԱՆԻ,, հայ համայնք
2.Թագավորական ընտանիքի անունից ընթրիք՝ ի պատիվ Հայաստանի նախագահի
3.Հայաստանը կարևորում է Եվրոպական Միության շարունակական աջակցությունը երկրում իրականացվող բարեփոխումների գործընթացին. նախարար Զ. Մնացականյան
4.Նախագահ Արմեն Սարգսյանին հոբելյանի առթիվ շնորհավորել են Հայաստանի վարչապետն ու Արցախի նախագահը, Ռուսաստանի նախագահ Վ.Պուտինը,
5.Հայ երեխաները դարձան Պրահայի միջազգային երաժշտական փառատոնի դափնեկիրներ
6.Թերեզինում բացվել է «Հոլոքոստ. ոչնչացում, ազատագրում, փրկություն» խորագրով ցուցահանդեսը
7.«Արմաթ» տեխնոլոգիական ճամբար Հայաստանում՝ Գուգարք ճամբարում
8.«Սևան Ստարտափ Սամմիթ 2018»ը տեղի կունենա հուլիսին Սեւանում
9.«Գալուստ Կիւլպէնկեան» հիմնարկությունն ու սփյուռքի նախարարությունը կհամագործակցեն տեղեկատվական տեխնոլոգիաների ոլորտում
10.Ինչպե՞ս է չեխական զենքը հայտնվել Ադրբեջանում. բացահայտում են չեխ լրագրողները
Դիտել բոլորը
Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.Հայ բժշկուհիները օդանավում փրկեցին չինուհու կյանքը
6.Հայաստանի տիկնիկային թատրոնը հաղթեց Պրահայի միջազգային փառատոնում
7.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
8.Կարդինալ Դուկան անտուններին ճաշ տվեց իր նստավայրում, իսկ Պրահայի քաղաքապետը ձկնապուր բաժանեց Ստարոմեստսկա հրապարակում
9.Չեխիայի խորհրդարանը ճանաչեց Հայերի ցեղասպանությունը
10.«Միկոյանն իրադրության պատանդն էր, ինչ-որ չափով՝ ստալինյան զոհ»
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: