ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Թրամփը ճանաչեց Երուսեղմն իբրև Իսրայելի մայրաքաղաք

06 դեկտեմբերի, 2017 | 19:10

ՎԱՇԻՆԳՏՈՆ. – Միացյալ Նահանգների նախագահ Դոնալդ Թրամփը պաշտնապես ճանաչեց Երուսաղեմն իբրև Իսրայելի մայրաքաղաք, ինչպես հայտարարել էր իր նախընտրական խոստումներում։  Այսպիսով նա կտրուկ փոխում է ԱՄՆի արտաքին քաղաքականության յոթ տասնամյակների ուղղվածությունը և խոստանում Միացյալ Նահանգների դեսպանատունը Թել Ավիվից տեղափոխել Երուսաղեմ։

Ըստ Թրամփի, Իսրայելն անկախ ու ինքնիշխան պետություն է և ցանկացած այլ ինքնիշխան պետության նման իրավունք ունի ընտրելու իր երկրի մայրաքաղաքը։ Փաստն այն է, որ ՄԱԿը չի ընդունում Իսրայելի ինքնիշխան վերահսկողությունն Երուսաղեմի վրա, այդ իսկ պատճառով բոլոր պետությունների դեսպանատներն աշխատում են Թել Ավիվում։

Պարզից էլ պարզ է, որ Թրամփի հայտարարությունները խճճելու են Մերձավոր Արևելքի առանց այն էլ  ոչ պարզ իրավիճակը, սրելու են կացությունը և հանգեցնելու բռնությունների, բախումների ու ահաբերչական գործողությունների նոր ալիքի։

Պետք է նկատել, որ իր ողջ ելույթի ժամանակ Թրամփն ընդգծված կերպով արտասանում էր «Իսրայել» և «պաղեստինցիներ», ոչ թե «Պաղեստին», ինչը նույնպես նախագահի աշխարհաքաղաքական մոտեցումների շրջանակներում է։

Թե ինչու հիմա Թրամփը հանդես եկավ նման հայտարարությամբ, շատ փորձագետներ մեկնաբանում են այն հանգամանքով, որ ԱՄՆի նախագահը հիմա ծայրահեղ աջերի ու հրեական լոբբիի մեծ ճնշման տակ է։

Աննա Կարապետյան


Առնչվող նյութեր
1. ԱՄՆ նախագահ Թրամփը շնորհավորել է վարչապետ Փաշինյանին
2. ԲՈԼՏՈՆԵԱՆ «ՀԱԿԱԻՐԱՆ ՃԱՆԱՊԱՐՀԱՅԻՆ ՔԱՐՏԷԶԸ»…
3. Նախագահ Թրամփը մեկ շաբաթվա ընթացքում երկու ապտակ ստացավ ՄԱԿ-ում
4. Թրամբէն առաջ Էրտողան Երուսաղէմը Իսրայէլի մայրաքաղաք ճանչցած է. Փայլան
5. Մայր Աթոռն ու Երուսաղեմի պատրիարքարանը մտահոգություն են հայտնել Թրամփի հայտարարության վերաբերյալ
6. Արամ Ա. Կը Մերժէ Երուսաղէմը Իսրլայէլի Մայրաքաղաք Նկատելու Մասին Նախագահ Թրամփի Յայտարարութիւնը
7. Թրամբ երկու միլիառ իսլամի դէմ յանդիման պիտի կանգնի. Աքսայի իմամ
8. Հարցը կարող է լուծվել բանակցությունների միջոցով. Նալբանդյանը՝ Երուսաղեմի կարգավիճակի մասին
9. Կթվայնացվեն Երուսաղեմի Գյուլբենկյան Մատենադարանի ձեռագրերի մի մասը. Սիոն ամսագրի բոլոր համարները եւ Մայր Ցուցակ Ձեռագրացի 12 հատորները
10. Հրեաների, քրիստոնյաների, հայերի եւ մահմեդականների քաղաքը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: