ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ԵԽԽՎ նոր նախագահ է ընտրվել Շվեյցարիան ներկայացնող Լիլիան Մորի-Պասկյեն

25 հունիսի, 2018 | 13:36

Եվրոպայի խորհրդի խորհրդարանական վեհաժողովի անդամներն այսօր  նոր նախագահ են ընտրել Շվեյցարիան ներկայացնող Լիլիան Մորի-Պասկյեին:

Մորի-Պասկյեն այս պաշտոնում փոխարինել է իտալացի Միկելե Նիկոլետտիին, ով Իտալիայի խորհրդարանական ընտրություններում չվերընտրվելուց հետո զրկվել էր ԵԽԽՎ նախագահի պաշտոնից:

Պասկյեն ԵԽԽՎ նախագահների թվում 32-րդն է, 4-րդ կին նախագահն ու 1949թ.-ից ի վեր նաև երկրորդ շվեյցարացին, ով զբաղեցնում է այս պաշտոնը:

«Արմենպրես»-ի փոխանցմամբ՝ ԵԽԽՎ նոր ղեկավարն իր առաջին ելույթում հիշեցրել է, որ Եվրոպայի խորհրդի արժեքները քարոզչության ու պահպանման կարիք ունեն ոչ միայն Եվրոպա աշխարհամասում, այլև դրա սահմաններից դուրս:

«Արտագաղթի բարձր ֆոնի վրա ծայրահեղականության, բռնության ու ճնշումների աճը մեզ ստիպում են մեկ անգամ ևս վերահաստատել այն արժեքները, որոնք մեզ միավորում են»,- ասել է Լիլիան Մորի-Պասկյեն:

Նախագահի խոսքով` դա բացարձակ անհրաժեշտություն է Եվրոպական խոշոր երկրներում խոսքի, մամուլի և հավաքների ազատության, հավասարության ու փոքրամասնությունների պաշտպանության համար:

«Մարդու իրավունքները, ժողովրդավարությունը և օրենքի գերակայությունը պետք է վերացնեն տառապանքի, շահագործման և աղքատության միտումը: «Յուրաքանչյուրն իր համար» օտարացման և ատելության գաղափարախոսությանը մեր պատասխանը պետք է լինի արդարությունը, համերաշխությունն ու համախմբումը: Հնարավոր չէ խաղաղություն հաստատել, առանց մեզնից յուրաքանչյուրի և մեր պետությունների ակտիվ մասնակցության: Փոխանակման և երկխոսության ոգին ու մեր միջև տարբերությունների նկատմամբ փոխադարձ հարգանքը պետք է թույլ տան մեզ միասին աշխատել»,- ասել է նախագահը:

Խոսելով ԵԽ-ի, նրա կողմից ընդունված կոնվենցիայի, Եվրոպական դատարանի վրա հարձակումներից ու դրանց նկատմամբ անվստահությունից՝ նախագահը նշել է, որ այդպիսով եվրոպացիները իրենք են թուլացնում իրենց պետությունները` իրենց իրավունքները պաշտպանելու հարցում: Ինչ վերաբերում է ԵԽԽՎ-ի կողմից կոռուպցիայի դեմ պայքարին ուղղված միջոցներին, Մորի-Պասկյեն վստահեցրել է, որ իր նախագահության օրոք վեհաժողովը կշարունակի պահպանել իր պատիվն ու կշարժվի դեպի լիարժեք թափանցիկություն:

«Ազգային կառավարություններն ու խորհրդարանները նույնպես պետք է նույնը անեն, ինչպես իրենց զեկույցն է հորդորում: Նրանք պետք է անհրաժեշտ միջոցներ ձեռնարկեն վերոնշյալ դեպքերի պարագայում և ներկայացնեն վեհաժողովին մինչև 2018թ. ավարտը»,- իր խոսքը եզրափակել է նախագահը:

Լիլիան Մորի-Պասկյեից բացի ԵԽԽՎ նախագահի պաշտոնում այլ թեկնածու չէր առաջադրվել:

Աղբյուր՝ Արմենպրես


Առնչվող նյութեր
1. ԵԽԽՎ-ն Ադրբեջանի կոռուպցիոն սկանդալի գործով պատժամիջոցներ է կիրառել 4 պատգամավորի նկատմամբ
2. Սկսվում է Արցախ-եվրոպական կառույցներ ձեւաչափային գործընթացը. Շահան Գանտահարյան
3. Եվրոպայի խորհրդի խորհրդարանական վեհաժողովի մոնիտորինգի հանձնաժողովի համազեկուցողները կժամանեն Հայաստան
4. Չեխիայի նախագահը վերահաստատեց Հայոց ցեղասպանության վերաբերյալ իր հայտնի դիրքորոշումը. մեկնաբանում է Հայաստանի դեսպան Պարույր Հովհաննիսյանը
5. Ստելլա Կիրիակիդեսը ընտրվեց ԵԽԽՎ նոր նախագահ
6. Ադրբեջանը մեղադրվում է Եվրոպայի խորհրդին միլիոնավոր դոլարների կաշառք տալու մեջ
7. ՊԱՐՈՒՅՐ ՀՈՎՀԱՆՆԻՍՅԱՆ. Եվրոպայի խորհուրդն աջակցում է Հայաստանին
8. Արցախի մարդու իրավունքների պաշտպանի աշխատանքային այցը Ստրասբուրգ
9. «Ժողովրդավարության բնօրրանը քայլ առ քայլ վերածվում է կաշառակերության բնօրրանի»
10. Սկանդալ ԵԽԽՎ-ում՝ հայաստանյան ու ադրբեջանական պատվիրակությունների ու Պեդրո Ագրամունդի մասնակցությամբ

Մեկնաբանություն

Վերջին լուրեր
1.Սեւան Քէլէշեանը կամրջում է հայաստանցուն եւ սփյուռքահային. «Ի՞նչ Կ’ըսեմ, Ի՞նչ Կ’ըսես» հարղորդումը եթերում
2.Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
3.Էստոնիա. Քննարկվել է հայ-էստոնական թվային ֆորում անցկացնելու գաղափարը
4.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
5.Ին՞չ եփել այսօր՝ քաղաքական կաթսայում. հայացք Երեւանից
6.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
7.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
8.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
9.Րաֆֆի Հերմոն Արաքսին՝ սփյուռքի նախարարության պատվոգիր
10.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: