ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հայաստանի Ազգային Ժողովը վավերացրեց ՀՀ-ԵՄ նոր շրջանակային համաձայնագիրը

11 ապրիլի, 2018 | 13:19

Ապրիլի 11-ին ՀՀ Ազգային Ժողովը միաձայն քվեարկությամբ վավերացրեց ՀՀ-ԵՄ Համապարփակ և ընդլայնված գործընկերության համաձայնագիրը։

Դրան նախորդել էր «Հայաստանի Հանրապետության` մի կողմից, Եվրոպական միության և Ատոմային էներգիայի եվրոպական համայնքի ու դրանց անդամ պետությունների` մյուս կողմից, միջև Համապարփակ և ընդլայնված գործընկերության համաձայնագիր»-ը վավերացնելու մասին» ՀՀ օրենքի նախագծի քննարկումը ապրիլի 9-ին ՀՀ ԱԺ Արտաքին հարաբերությունների և Եվրոպական ինտեգրման հարցերի մշտական հանձնաժողովների համատեղ նիստում:

Ապրիլի 10-ին ՀԸԳՀ-ի վավերացման մասին ՀՀ օրենքի նախագիծը քննարկվեց Ազգային ժողովի լիագումար նիստում, ուր հարցի գլխավոր զեկուցողն էր արտաքին գործերի նախարարի տեղակալ Կարեն Նազարյանը։

ԱԳ նախարարի տեղակալ Նազարյանը ԱԺ պատգամավորներին ներկայացրեց ՀՀ-ԵՄ նոր համաձայնագրի էությունը, նպատակները, բովանդակությունը և կառուցվածքը, նշելով, որ այն նոր մակարդակի է բարձրացնում ընդհանուր արժեքների և սերտ կապերի վրա հիմնված Հայաստանի Հանրապետության հարաբերությունները Եվրոպական միության հետ։ Նախարարի տեղակալը հավելեց, որ Համաձայնագիրը կանոնակարգում է քաղաքական և տնտեսական բնագավառում ՀՀ-ԵՄ երկխոսությունը, ոլորտային համագործակցությունը և առևտրային հարաբերությունները։

Կարեն Նազարյանն ներկայացրեց նաև Համաձայնագրով ստեղծվելիք ինստիտուցիոնալ շրջանակը, նշելով, մասնավորապես, որ Գործընկերության խորհուրդը, որը կողմերի նախարարական մակարդակով ներկայացուցիչներից բաղկացած բարձրագույն քաղաքական մարմինն է, իրականացնելու է նաև Համաձայնագրի կիրարկման գործընթացի վերահսկումն ու գնահատումը։

Նախարարի տեղակալը նաև կարևորեց համաձայնագրով նախատեսված խորհրդարանական վերահսկման մեխանիզմի՝ Խորհրդարանական գործընկերության կոմիտեի ստեղծումը, որը բաղկացած է լինելու ՀՀ ԱԺ և Եվրոպական խորհրդարանի անդամներից: Կարեն Նազարյանը հատուկ անդրադարձ կատարեց Համաձայնագրի նորամուծություններից մեկի՝ Քաղաքացիական հասարակության հարթակի ստեղծմանը, որը կազմված կլինի ՀՀ և ԵՄ քաղաքացիական հասարակության ներկայացուցիչներից և կգործի թափանցիկության, ներառականության և ռոտացիայի սկզբունքների հիման վրա։

Պատասխանելով պատգամավորների բազմաթիվ հարցերին՝ փոխնախարարը հանգամանորեն առանձնացրեց այն բոլոր ոլորտները և համապատասխան գործիքակազմը, որոնցով Համաձայնագիրը կարող է մեծապես օգտակար լինել հայ գործարարին, գիտնականին, գյուտարարին, հարկատուին, սպառողին և առհասարակ ՀՀ քաղաքացուն։ Նա, մասնավորապես, նշեց, որ համաձայնագրի կիրարկումը բարենպաստ պայմաններ կստեղծի Հայաստանի գործարար միջավայրի և ներդրումների խթանման համար, կընդլայնի ծառայությունների առևտրի ոլորտում հայկական ընկերությունների հնարավորությունները, կնպաստի կոռուպցիայի դեմ պայքարի արդյունավետության բարձրացմանը, մտավոր սեփականության իրավունքի պաշտպանության համակարգի ամրապնդմանը, մրցակցային սկզբունքների ամրապդնմանը, աշխատանքային օրենսդրության կարգավորումների արդիականացմանը, ԵՄ հետազոտությունների և նորարարությունների խոշորագույն՝ «ՀՈՐԻԶՈՆ2020» ծրագրի և «EU4Innovation» նախաձեռնության ներքո գիտահետազոտական ծրագրերին հայկական համալսարանների մասնակցության հնարավորություններին։

Հայաստանի արտաքին քաղաքական գերատեսչության ղեկավարի տեղակալն ադրադարձավ նաև Եվրոպական Միության հանձնառությանը՝ Հայաստանի հետ մուտքի արտոնագրի ազատականացման գործընթացի մեկնարկի վերաբերյալ:

Կարեն Նազարյանն իր ամփոփիչ ելույթում կարևորեց համաձայնագրի, վավերացման ու կիրարկման հարցում յուրաքանչյուրի ներգրավվածությունը և այդ գործընթացների հանդեպ սեփականության զգացումը, քանի որ փաստաթղթի դրույթների հետևողական իրականացումը կապված է ՀՀ ու նրա քաղաքացիների երկարաժամկետ ու կայուն զարգացման առաջընթացի հետ։


Առնչվող նյութեր
1. Հավակնոտ համաձայնագիր, որ կստորագրվի նոյեմբերին. Լուկ Պիեռ Դեվինի բացառիկ հարցազրույցը
2. Մեր նպատակն է շարունակել ուղին դեպի խորը և համապարփակ համագործակցություն Եվրամիության հետ. Է. Նալբանդյան
3. ԵՄ-ի համար կարեւոր է պահպանել սերտ հարաբերությունները Հայաստանի հետ, ասել է Ֆրանսիայի դեսպանը
4. Ուքրանիոյ համար փոխանցման այս շրջանին՝ զերծ մնալն է Ատրպէյճանի խաւիարային դիւանագիտութենէն եւ նիւթական աջակցութենէն
5. ՀՀ նախագահը հստակ ներկայացրել է Մաքսային միությանը միանալու պատճառները, ասել է Եվրախորհրդարանի պատգամավորը
6. Եվրախորհրդարանի բանաձեւում Լեռնային Ղարաբաղի հիմնախնդրի վերաբերյալ ձեւակերպումները հակասում են ԵՄ պաշտոնական դիրքորոշմանը
7. Երկրորդ հայն է սպանվում Ստամբուլում
8. “Հայաստան պէտք է յստակ որոշէ, թէ ի՛նչ դեր կ՚ուզէ խաղալ՝ թէ՛ քաղաքական, թէ՛ տնտեսական համապատկերին մէջ”. Ուիլէմ վան տեր Կեսթ
9. Եվրամիություն-Հայաստան ասոցացման համաձայնագրի բանակցությունների հաջորդ փուլը Երևանում
10. Ստորագրվեց Հայաստանի և ԵՄ-ի միջև մուտքի արտոնագրերի դյուրացման մասին համաձայնագիրը

Մեկնաբանություն

Վերջին լուրեր
1.Սեւան Քէլէշեանը կամրջում է հայաստանցուն եւ սփյուռքահային. «Ի՞նչ Կ’ըսեմ, Ի՞նչ Կ’ըսես» հարղորդումը եթերում
2.Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
3.Էստոնիա. Քննարկվել է հայ-էստոնական թվային ֆորում անցկացնելու գաղափարը
4.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
5.Ին՞չ եփել այսօր՝ քաղաքական կաթսայում. հայացք Երեւանից
6.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
7.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
8.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
9.Րաֆֆի Հերմոն Արաքսին՝ սփյուռքի նախարարության պատվոգիր
10.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: