ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Առաջիկա տարիներին Արցախը դառնալու է սև խավիարի խոշոր արտահանող

28 հոկտեմբերի, 2014 | 00:37

CaviarՎերջերս ԼՂՀ վարչապետ Արայիկ Հարությունյանը հայտարարել էր, որ Արցախի Մարտակերտի շրջանի Մատաղիս համայնքում սփյուռքի ներդրումներով եւ գերմանացի մասնագետների օժանդակությամբ շուտով կմեկնարկի սեւ խավիարի արտադրություն, որից  նախատեսվում է նաեւ արտահանում:

Արցախի կառավարության լրատվական ծառայության փոխանցմամբ, վարչապետ Արայիկ Հարությունյանը հոկտեմբերի 26-ին այցելել է սահմանամերձ Մատաղիս համայնք, որտեղ շվեյցարահայ գործարար Վարդան Սերմաքեշի ֆինանսական ներդրումներով մեկնարկել է սեւ խավիարի արտադրության ենթակառուցվածքների շինարարությունը:

Կառուցվող ձկնաբուծարանի  շուրջ 350 ջրավազաններում նախատեսվում է, որ  շուտով կդրվեն առաջին ձկնկիթները: Ըստ նախագծի՝ առաջիկա տարիներին Արցախը դառնալու է այդ սննդամթերքի խոշոր արտահանող:  Բացի ակնկալվող տնտեսական նշանակությունից, Արցախի վարչապետը կարեւորել է ծրագրի`  սահմանամերձ համայնքում իրագործվելու հանգամանքը:

Նշենք, որ վարչապետի նախապես կատարած հայտարարության համաձայն, սեւ խավիարի առաջին խմբաքանակն Արցախից կարտահանվի մոտ չորս տարի հետ, իսկ յոթ տարի անց տարեկան կարտադրվի երեսուն տոննա սեւ խավիար` Արցախը դարձնելով այդ  շուկայի խոշոր արտահանողներից մեկը:

Մեդիամաքս-ի թղթակիցը եւս օրեր առաջ եղել է Մատաղիսի սեւ խավիարի արտադրամասի շինհրապարակում եւ ծրագրի մասին զրուցել համայնքի ղեկավարի հետ:

Մատաղիս համայնքի ղեկավար Զավեն Ավանեսյանի փոխանցմամբ, սպասվում է բավական լուրջ արտադրություն, որն իր հետ նոր աշխատատեղեր կբացի` նպաստելով սահմանամերձ համայնքի զարգացմանը:

«Նախնական տվյալներով ձկնաբուծարանում կլինի 50-60 աշխատատեղ, որից 30-40-ը նախատեսված են  երիտասարդ կանանց համար: Մատաղիսում հիմնականում կանայք ունեն գործազրկության խնդիր: Աշխատավարձի ակնկալիքը եւս մեծ է»,-ասել է համայնքի ղեկավարը եւ նշել, որ վարչապետի հետ ունեցած պայմանավորվածության  համաձայն, համայնքի շատ բնակիչներ անհրաժեշտության դեպքում վերապատրաստման փուլ կանցնեն` արտադրամասում աշխատելու համար:

«Ներդրողը  վստահեցնում է, որ այստեղ Կասպից ծովի արտադրանքից ավելին է լինելու:  Ներդրումային ծրագրի արժեքը $ 30 մլն է»,-ասել է Զավեն Ավանեսյանը:

Նա նշել է, որ արտադրամասի տարածքի կառուցման աշխատանքները մեկնարկել են մոտ 10 օր առաջ, որի ընթացքում արվել է մեծաքանակ հողաշինարարական աշխատանքներ, տարածքի հարթեցում: Նախատեսվում է մինչ նոյեմբերի 20-նն ավարտին հասցնել առաջին փուլը, որի արդյունքում պատրաստ կլինի 1250 քմ տարածքով շենքը, ավատված կլինեն նաեւ բետոնային հարթեցման աշխատանքները:

Արտադրամասը կառուցվում է  Մատաղիսի ջրամբարին կից տարածքում, որտեղից վայրկյանում 80 խմ արագությամբ ջուր կմատակարարվի արտադրության համար:

Հարցին, թե ի՞նչ տեխնոլոգիա կկիրառվի արտադրության ժամանակ` մեր զրուցակիցը դժվարացել է  պատասխանել, փոխարենը նշել է, որ լաբորատոր հետազոտության արդյունքում, անգամ ամենակեղտոտ ժամանակաշրջանում,  ջուրը համապատասխանում է նախատեսվող արտադրության համար:

banks.am


Առնչվող նյութեր
1. Հայաստանի եւ Արցախի նախագահները Ստեփանակերտի հուշահամալիրում հարգանքի տուրք են մատուցել հերոսների հիշատակին
2. Ադրբեջանական կողմին խորհուրդ եմ տալիս այդքան վստահ չլինել նրանում, որ ինքը վերահսկում է ռազմական դրության էսկալացիայի հարցը.Դավիթ Տոնոյան
3. Հասմիկ Պապյանի մենահամերգը Շուշիում
4. «ԲրուտԱրտ» կավագործության միջազգային սիմպոզիումը Արցախում
5. Վարչապետը ժամանել է Արցախ. Նիկոլ Փաշինյանն ու Բակո Սահակյանն այցելել են Ճարտարի նորակառույց Սուրբ Վարդանանք եկեղեցի
6. Հայաստանի եւ Արցախի նախագահները հանդիպել են Ստեփանակերտում
7. Հայաստանի ԱԳ նախարարն ընդունեց Մինսկի խմբի համանախագահներին
8. Տիգրան Բալայանի մեկնաբանությունը Արցախի պաշտպանության բանակի զինծառայողի սպանության մասին
9. Արցախի պետնախարար նշանակվեց Գրիգորի Մարտիրոսյանը. Նախագահի կողմից կատարվել են նոր նշանակումներ
10. Նիկոլ Փաշինյանի կոչը նպաստեց Ստեփանակերտի բողոքի ակցիայի խաղաղ հանգուցալուծմանը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: