ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Եվրամիությունը եւ Հայաստանը սկսել են բանակցությունները նոր փաստաթղթի շուրջ

07 դեկտեմբերի, 2015 | 16:49

nalbandyan euԵվրամիությունը եւ Հայաստանը սկսել են բանակցությունները երկկողմ հարաբերությունները խորացնելու նոր, առավել ընդգրկուն փաստաթղթի շուրջ: Այս մասին Բրյուսելում այսօր՝ դեկտեմբերի 7-ին, հայտարարել է Եվրամիության արտաքին քաղաքականության եւ անվտանգության հարցերով բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինին ՀՀ արտգործնախարար Էդվարդ Նալբանդյանի հետ հանդիպումից հետո:

«Սա մեզ թույլ կտա շրջել 2013թ. առաջացած  անորոշությունների էջը: Հայաստանի եւ Եվրամիության միջեւ ավելի քան երեք տարի շարունակված լուրջ բանակցությունները եւ աշխատանքը չեն կորի: Մենք չենք սկսի զրոյից, այլ բանակցությունները կկառուցենք նախկինում ձեռքբերածի վրա: Մենք արդեն սահմանել ենք հետագա համագործակցության բավական հավակնոտ շրջանակը: Ապագա համաձայնագիրը կվերսկսի մեր համագործակցությունը Եվրամիության հարեւանության քաղաքականության եւ Արեւելյան գործընկերության վերանայված ու ավելի լայն շրջանակներում»,- ասել է Մոգերինին:

Մոգերինին նշել է, որ Հայաստանի եւ Եվրամիության ընդհանուր արժեքները եւ հավատարմությունը ժողովրդավարության, մարդու իրավունքների, օրենքի գերակայության սկզբունքներ կլինեն նոր համաձայնագրի հիմքում եւ նպաստավոր պայմաններ կստեղծեն առավել ուժեղ համագործակցության համար այնպիսի ոլորտներում, ինչպիսիք են էներգիան, տրանսպորտը եւ շրջակա միջավայրի պահպանությունը, ինչպես նաեւ երկու կողմերի համար առեւտրի եւ ներդրումների ոլորտում համագործակցությունը մեծացնելու նոր հնարավորություններ կստեղծի:  Մոգերինին նաեւ ընդգծել է, որ նոր համաձայնագրով կդյուրացվի տեղաշարժը Հյաստանի եւ Եվրամիության քաղաքացիների համար:

«Մեր նպատակն է հասնել համապարփակ շրջանակային համաձայնագրի, որը կընդգրկի քաղաքական, տնտեսական համագործակցությունը՝ հաշվի առնելով Եվրասիական տնտեսական միությանը միանալուց հետո Հայաստանի ստանձնած պարտավորությունները»,- ասել է Մոգերինին՝ նշելով, որ համաձայնագրի հստակ անունը կորոշվի ավելի ուշ՝ ելնելով բանակցությունների կոնկրետ արդյունքներից:

Մոգերինին հույս եւ համոզմունք է հայտնել, որ նոր համաձայնագրի շուրջ բանակցություները կընթանան համեմատաբար արագ եւ սեղմ ժամկետներում այն ուժի մեջ կմտնի: Նա վստահեցրել է, որ ԵՄ բանակցող թիմը կանի առավելագույնը ԵՄ անդամ երկրներից ստացած մանդատը պատշաճ իրականացնելու համար եւ արդյունքում Երեւանի հետ կստորագրվի ժամանակակից եւ հավակնոտ համաձայնագիր:


Առնչվող նյութեր
1. Մենք կարևորում ենք Արևելյան գործընկերության 20 արդյունք մինչև 2020 թվականը. ասել է Զոհրաբ Մնացականյանը Բրյուսելում
2. Բրյուսելում կայացավ Հայաստան – Եվրամիություն գործընկերության խորհրդի առաջին նիստը
3. Բրյուսելում ստորագրվեց Բենիլյուքսի երկրների հետ ռեադմիսիայի համաձայնագիրը
4. Եվրամիություն.Մնացականյան-Մորեգինի հանդիպում, համատեղ հայտարարություն. ավելի քան 160 մլն եվրո՝ 2017-2021 թվականների համար
5. Արտգործնախարարը Բրյուսելում քննարկեց ԵՄ մուտքի արտոնագրային ռեժիմի դյուրացման հարցը
6. Զոհրաբ Մնացականյանը հանդիպեց Յոհանես Հանի հետ
7. ԱլԳ ՔԱՂԱՔԱՑԻԱԿԱՆ ՀԱՍԱՐԱԿՈՒԹՅԱՆ ՖՈՐՈՒՄԻ ՀԱՅԱՍՏԱՆԻ ԱԶԳԱՅԻՆ ՊԼԱՏՖՈՐՄԻ ՀԱՅՏԱՐԱՐՈՒԹՅՈՒՆԸ
8. Էդվարդ Նալբանդյանն ու Ֆեդերիկա Մոգերինին ստորագրեցին Հայաստան – Եվրոպական միություն գործընկերության առաջահերթությունների իրագործման մասին փաստաթուղթը
9. Համաձայնագիրը կհամարվի ուժի մեջ մտած համաձայնագրի վավերացման կամ հաստատման մասին վերջին ծանուցումն ավանդապահին հանձնելուց հետո-Կարեն Նազարյան
10. Հարավային Կովկասում Եվրամիության հատուկ ներկայացուցիչը ժամանել է Երեւան

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: