ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Հ.Բ.Ը.Մ.Ի ՆԻՒ ԵՈՐՔԻ ՅԱՏՈՒԿ ՁԵՌՆԱՐԿՆԵՐՈՒ ՅԱՆՁՆԱԽՈՒՄԲԻ ՈՒԹԵՐՈՐԴ ՏԱՐԵԿԱՆ ՀԱՄԵՐԳԸ $50,000 ԿԸ ԳՈՅԱՑՆԷ Ի ՆՊԱՍՏ ԿԱՏԱՐՈՂԱԿԱՆ ԱՐՈՒԵՍՏՆԵՐՈՒ ՆԱԽԱՁԵՌՆՈՒԹԵԱՆՑ

17 դեկտեմբերի, 2015 | 10:03

agbu-nysec-dec2015concert-04Գարնէկի Հոլի համերգը՝ «Յոյսի Մեղեդիներ» Խորագրով, կը նշէ Հայոց Ցեղասպանութեան 100-րդ տարին

Շաբաթ 5 Դեկտեմբերի երեկոյեան, ինը արուեստագէտներ եւ հարիւրաւոր հանդիսականներ հաւաքուած էին Գարնէկի Հոլի Ուէյլ Րիսայթըլ Հոլին մէջ, մասնակցելու համար Նիւ Եորքի Յատուկ Ձեռնարկներու Յանձնախումբի նախաձեռնած Կատարողական Արուեստներու համերգին: Երաժշտական երեկոն, որ խորագրուած էր «Յոյսի Մեղեդիներ», կը յիշատակէր Հայոց Ցեղասպանութեան 100-ամեակ: Ձեռնարկին իբր արդիւնք գոյացաւ $50,000-ի գումար մը, ի նպաստ աշխարհի տարածքին կատարողական արուեստներու նախաձեռնութեանց:

Երերկոյի յայտագրին կը մասնակցէին արուեստագէտներ Հայաստանէն, Աւստրիայէն, Գանատայէն, Չինաստանէն, Մակէդոնեայէն, Փորթուկալէն եւ Միացեալ Նահանգներէն: Բոլորին պարագային ալ ասիկա իրենց առաջին մասնակցութիւնն էր՝ Կատարողական Արուեստներու Համերգներու այս շարքին: Անոնք Հ.Բ.Ը.Մ.ի Կատարողական Արուեստներու կրթական մրցանակներ ստացած էին, ինչ որ օգնած էր իրենց ուսումը կատարելագործելու եւ տաղանդները մշակելու երաժշտական անուանի հասատութիւններէ ներս, ինչպէս Cologne High Institute of Music, Mannes School of Music, Monash University of Melbourne, Manhattan School of Music եւ Shanghai Music Conservatory.

agbu-nysec-dec2015concert-03Այս տարուան արուեստագէտներու միջազգային խումբին մաս կը կազմէին՝ Արփինէ Ազատեան (ջութակ), Սոնա Բարսեղեան (դաշնակ), Վասգօ Տուքովսքի (դուդուկ եւ քլարինէթ), Լուք Րէթքլիֆ Խաչատուրեան (դաշնակ), Արթիւր Մուրատեան (ջութակ եւ վիոլա), Թալին Նալպանտեան (Մեցցօ Սոփրանօ), Աստղիկ Պօղոսեան (ջութակ), Թամարա Սեւունց (դերասան եւ բանաստեղծուհի), եւ Էյմի Չէօփճեան (թաւ ջութակ): Համերգի աւարտին, Սեւունց շեշտեց երիտասարդ արուեստագէտները ի մի բերող այս նախաձեռնութեան կարեւորութիւնը: «Ինծի համար դժուար է իրապէս արտայայտել թէ ինչպիսի հոյակապ զգացում է նման անուանի բեմի մը վրայ համախումբ գտնուիլը արուեստի նոյն կիրքը բաժնող անհատներու հետ, որոնք կու գան աշխարհի բոլոր կողմերէն: Աւելի քան երախտապարտ կը զգամ այս առիթին համար, խանդավառ նաեւ ասկէ բխող կարելիութիւններով: Համոզուած եմ, որ համայնքը եւ երիտասարդութիւնը խորապէս կ’ըմբռնեն, թէ բարձրորակ արուեստը եւ այն բուռն սէրը որով մենք զմեզ նուիրած ենք անոր, անպայման ճամբայ պիտի հարթեն հայ համայնքներու կենսունակութեան»:

Երեկոյի գեղարուեստական ղեկավարն էր Աստղիկ Պօղոսեան, որ յայտագրի բացումը կատարեց, բացատրելով անոր յատկանշական բնոյթը: «Այս տարուան համերգը մասնաւորաբար յատուկ բնոյթ ունի, որովհերեւ ան կը նշէ Հայոց Ցեղասպանութեան հարիւրամեակը: Մինչ այս յատկանշական տարին կը մօտենայ իր աւարտին, մենք այստեղ ենք նշելու հարիւրամեակը, երաժշտութեամբ, դրական տրամադրութիւններով եւ մեր էութիւնը կազմող եւ մեզ միաւորող լաւատեսութեան ոգիով: Այսօր դուք պիտի ունկնդրէք մեղեդիներ նուիրուած խաղաղութեան, որ մեր բոլորիս բաղձանքն է, մեղեդիներ հպարտութեան, որ մեր հարուստ ժառանքին գիտակցութեամբ մենք մեր հետ կը պտտցնենք ամենուր, նաեւ մեղեդիներ յոյսի՝ որ մեզ պիտի առաջնորդէ դէպի փայլուն ապագայ»:

agbu-nysec-dec2015concert-02Համերգի ընտրանի յայտագիրը կազմուած էր արեւմտեան դասական եւ հայկական երաժշտութեան նմուշներով՝ Շարաֆեան, Շոսթաքովիչ, Րախմանինոֆ, Սարեան եւ Պեթովէն: Գարնէկի Հոլի մէջ առաջին անգամ ըլլալով նաեւ հանրութեան ներկայացուեցաւ Սայաթ Նովա Երաժշտական Միջազգային Մրցումին շահող յօրինումը՝ »Գողգոթայի Ծաղիկներ», որուն հեղինակն էր՝ Յովիկ Սարտարեան: Յայտագրին մաս կը կազմէր նաեւ ասմունքային կատարողութիւն՝ Գրիգոր Նարեկացիի եւ Դանիէլ Վարուժանի բանաստեղծութիւններէն: Ներկայացուեցաւ Կոմիտասի ժողովրդային երգը՝ «Ծիծեռնակ»ը, իւրայատուկ կերպով մշակուած Շանկհայի երաժշտանոցի ուսանող Եէնկ Եիյի կողմէ, որպէս նուէր եւ յարգաքի արտայայտութիւն՝ ի պատիւ Հայոց Ցեղասպանութեան յիշատակին:

Հ.Բ.Ը.Մ.ի Կատարողական Արուեստներու Բաժնի տնօրէն Դոկտ. Հայկ Արսէնեան, խօսելով այս տարուան համերգի յատուկ խորագրին մասին, ըսաւ. «Այս տարի ուզեցինք հանդիսականները հաղորդակից դարձնել մեր ժողովուրդի հինէն եկող  երաժշտական աւանդին, միջնադարէն մինչեւ ժամանակակից արուեստի գործերով, ցոյց տալու համար մեր մշակոյթի կենսունակութիւնը, նաեւ քաջալերելու աշխարհի տարածքին մեր արուեստագէտները, մղելով զիրենք նոր ստեղծագործութիւններ կատարելու»:

agbu-nysec-dec2015concert-01Հ.Բ.Ը.Մ.ի Կատարողական Արուեստներու բաժնին վերաբերեալ յաւելեալ տեղեկութիւններու համար հաճեցէք այցելել http://www.agbuperfomingarts.org կայքէջը:

Հիմնուած 1906-ին, Հ.Բ.Ը.Մ.ը (www.agbu.org), աշխարհի մեծագոյն ոչ-շահամէտ հայկական կազմակերպութիւնն է: Միութեան կեդրոնը կը գտնուի Նիւ Եորք, Ամերիկայի Միացեալ Նահանգներ: Հ.Բ.Ը.Մ.ը կը սատարէ հայեցի ինքնութեան եւ ժառանգութեան պահպանումին եւ մշակումին՝ կրթական, մշակութային եւ մարդասիրական ծրագիրներով: Միութեան գործունէութիւնները կ’ընդգրկեն տարեկան աւելի քան 500,000 հայեր, աշխարհի տարածքին:

 

 

 


Առնչվող նյութեր
1. Ամենայն Հայոց Կաթողիկոսն ընդունեց Հայկական Բարեգործական Ընդհանուր Միության նախագահին
2. Հ.Բ.Ը.Միութեան կալուածի վաճառման համաձայնագրի վերջին զարգացումները քննարկվել են Կանադայի թեմի անդամական ժողովում
3. Նոր հնարավորություներ՝ Հայաստանի ֆրանսախոսների համար
4. ՀԲԸՄ-ն սգում է հայ ժողովրդի հպարտություն Շառլ Ազնավուրի կորուստը
5. Ուշագրավ համերգների և դասախոսությունների շարքը հայկական երաժշտությունը հասցրեց Ասիա՝ կամրջելով դարավոր ժողովրդական ավանդույթները
6. Ամենայն Հայոց Կաթողիկոսը և ՀԲԸՄ նախագահը քննարկեցին հայրենական կյանքին և Սփյուռքին վերաբերող հարցեր
7. ՀԲԸՄ-ը նոր թափով պիտի սկսի հասարակական-տնտեսական ծրագիրներու իրականացումը
8. Հ.Բ.Ը.Մ.-Ը ՈՒՍՈՒՄՆԱԿԱՆ ԴՐԱՄԱՇՆՈՐՀՆԵՐ ԿԸ ՏՐԱՄԱԴՐԷ ԼՈՅՍ ՀԻՄՆԱԴՐԱՄԻ ԼՈՒԾԱՐՄԱՆ ՊԱՏՃԱՌՈՎ ՏՈՒԺԱԾ ՈՒՍԱՆՈՂՆԵՐՈՒ
9. ՀԲԸՄ-ն խթանում է Հայաստանի և Սփյուռքի միջև նոր շփումները
10. Creative Armenia-ն և Հայկական Բարեգործական Ընդհանուր Միությունը հայտարարում են նորարար տաղանդավոր արվեստագետներին օժանդակող ծրագրի մեկնարկը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: