ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
24 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ՀԱՅԿԱԿԱՆ ԲԱՐԵԳՈՐԾԱԿԱՆ ԸՆԴՀՆԱՈՒՐ ՄԻՈՒԹԻՆԸ ՄԷԿ ՄԻԼԻՈՆ ԱՄԵՐԻԿԵԱՆ ՏՈԼԱՐ ԱՐԺՈՂՈՒԹԵԱՄԲ ԿՐԹԱԹՈՇԱԿՆԵՐ ԿԸ ՅԱՏԿԱՑՆԷ ՀԱՄԱԼՍԱՐԱՆԱԿԱՆ ՈՒՍԱՆՈՂՆԵՐՈՒ

30 հունվարի, 2016 | 21:08

AGBU Scholarships - Armig KabrelianՏրամադրուած կրթաթոշակները կ’ընդգրկեն մեծ թիւով մրցունակ ուսանողներ, մօտ 30 երկիրներէ: Անոնց շարքին են յատկապէս կարեւոր թիւով ուսանողուհիներ,  որոնք կը մասնագիտանան գիտական, թուաբանական եւ ճարտարագիտական մարզերու մէջ:

2015-2016 ուսումնական տարեշրջանի ընթացքին 30 տարբեր երկիրներէ 435 ուսանողներ օգտուեցան Հ.Բ.Ը.Միութեան համալսարանական կրթաթոշակներու ծրագրէն, մէկ միլիոն ամերիկեան տոլար ընդհանուր գումարով: Միութեան աւելի քան հարիւր տարուան գործունէութեան ընթացքին տասնեակ հազարաւոր խոստմնալի համալսարանականներ օգտուած են այս կրթաթոշակնրէն իրենց ուսումը կատարելագործելու համար աշխարհի տարածքին լաւագուն համալսարաններէ ներս:

Հ.Բ.Ը.Միութեան կրթաթոշակները կը տրամադրուին գլխաւոր հինգ խմբաւորումներով.

«Ազգային Ժառանգութեան Մրցանակ», որ ամէն տարի կը տրամադրուի Միացեալ Նահանգներու մէջ գործող միութեան երեք դպրոցներէն շրջանաւարտ երեք աշակերտներու որոնք կը յանձնարարուին իրենց տնօրէնութեան եւ ուսուցչակազմին կողմէ որպէս տիպար աշակերտ:

Միացեալ Նահանգներու մէջ գործող համալսարաններէ ներս, Մագիստրոսի կամ Դոկտորայի մասնագիտական աստիճաններուն համար պատրաստուող ուանողներու յատուկ կրթաթոշակներ:

Միջազգային կրթաթոշակներ, Միացեալ Նահանգներէն դուրս ուսանողներու, ներառեալ Պսակաւոր Գիտութեան աստիճանը: Այս մարզէն ներս յատուկ յատակցումներ տրամադրելի են Միացեալ Թագաւորութեան, Ֆրանսայի եւ Սուրիոյ մէջ ուանողներու:

AGBU Scholarships - Arpine MartirosyanԿատարողական Արուեստներու մէջ մասնագիտացող ուսանողներու յատուկ կրթաթոշակներ, մասնագիտական բոլոր աստիճաններուն համար:

Կրօնագիտական եւ հոգեւոր դաստիարակութեան նիւթերու մէջ մասնագիտացող ուսանողներու յատուկ կրթաթոշակներ, որոնք կ’ընգրկեն եկեղեցականներու պատրաստութիւն, ինչպէս նաեւ երիտասարդներու հոգեւորական կեանքին եւ գործունէութիւններուն համար առաջնորդներու պատրաստութեան մարզերը:

Այս տարի կրթաթոշակներու յանձնախումբը յատուկ ուշադրութեան առարկայ դարձուց գիտական, ճարտարագիտական, ճարտարապետական եւ թուաբանական (STEM – Science, Technology, Engineering, Mathematics) նիւթերու մէջ մասնագիտացող խոստմնալից ուսանողուհիները: Այս կողմորոշումը հիմնուած էր գլխաւորաբար այն իրողութեան վրայ, որ այդ նիւթերուն կապուած աշխատանքային մարզերը զարգացումի ընթացք կ’արձանագրեն ներկայիս եւ այդ մարզերէն ներս իգական սեռէն ներկայացուցիչներու թիւը համեմատաբար նուազ է:

Պատկերացում մը տալու համար այս նպատակով տրամադրուած կրթաթոշակներու արժանացած ուսանողուհիներու մասին, ստորեւ կը ներկայացնենք անոնցմէ մէկ քանին:

AGBU Scholarships - Claire AlexanianՍիւզի Սարգսեան, Ուաշինկթընի Համալսարանէն ներս դոկտորականի թեկնածու է կիռարարական թուաբանութեան ճիւղին մէջ: Ըստ իրեն, «Հայաստանի ուսումնական դրութենէն ներս խորհրդային ժամանակներու որոշ աւանդութիւններ կը յամենան տակաւին, ուր շեշտը կը դրուի աւելի տեսական քան կիռարական մօտեցումներու վրայ: Այս նկատառումէն մղուած որոշեցի ուսումս շարունակել արտասահմանի մէջ:» Սիւզի նաեւ կը հաստատէ թէ ուսումը աւարտելէ ետք կը ծրագրէ վերադառնալ Հայաստան, իր ներդրումը բերելու համար կրթական մարզէն ներս կիռարական եւ գործնական մօտեցումները զարգացնելու ուղղութեամբ: «Ինծի համար շատ հետաքրաքրական էր ծանօթանալ այն կարելիութիւններուն զոր թուաբանական կիռարումները կ’նձեռեն բնախօսական, բնութեան վերաբերեալ կանխատեսութիւններու եւ վերլուծական ուսումնասիրութիւններու մարզերէն ներս: Մեծապէս խանդավառ եմ ապագայի այն կարելիութիւններով զորոնք թուբանական մասնագիտութիւնս կարելի կը դարձնէ ինծի համար:» Տարուան ընթացքին Սիւզի կ’աշխատի որպէս օգնական դասախօս եւ հետազօտող, սակայն ամառուան շրջանին եկամուտի աղբիւրներ նուազ տրամադրելի են: «Շատ դժուար է խնայողութեամբ ապրիլ երբ երկամուտ չունիս: Այդ իմաստով խորապէս երախտապարտ եմ որովհետեւ Հ.Բ.Ը.Մ.ի ինծի ընձեռած օժանդակութիւնը կարելի կը դարձնէ որ ես կեդրոնանամ իմ հետազօտական աշխատանքներուս վրայ:»

Հ.Բ.Ը.Մ.ի կրթաթոշակներէն օգտուած է նաեւ Ոաշիկթընի Ճորճթաուն Համալսարանի Բժշկական Դպրոցի առաջին տարուան ուանողուհի Գլէր Ալէքսանեան, որու ընտանիքը միշտ մօտ եղած է բժշկական մարզին: «Մայրս, որ մասնագիտութեամբ մանկաբոյժ է, ուժեղ ազդեցութիւն ձգած է վրաս, պատանութեանս շրջանին: Փոքր տարիքէս ան ինծի կը սորվեցնէր գիտութեան եւ բժշկութեան մասին: Գիտութեան հանդէպ սէրս եւ մարդասիրական հակումս բնականաբար զիս առաջնորդեցին դէպի բժշկական AGBU Scholarships - Sila Temizelմասնագիտութիւն:» Գլէր մեծապէս խանդավառ է համալսաանէն ներս իր շրջապատի ցուցաբերած հոգատար մթնոլորտով եւ ընտրեալ փայլուն ուսանողներու շրջանակով: Ամերիկեան առողջական համակարգի իր ծանօթութենէն անդին, Գլէր նաեւ յատուկ փարձառութիւն ձեռք ձգած է մասնակցելով Ամերիկահայ Առողջական Մարզի Արհեստավարժներու Կազմակերպութեան (AAHPO) մարդասիրական նախաձեռնութեան, որ բժշկական ծառայութիւններ մատուցած է Հայաստանի գիւղական շրջաններուն ուր կարիքը կայ առողջապահական օգնութեան: «Հայաստնի մէջ առողջական մարզէն ներս իմ առաջին փորձառութիւնս ինծի առիթ ըմծայեց աւելի մօտէն ծանօթանալու այդ համակարգին ինչպէս նաեւ ճանչնալու ժողովուրդը եւ իր բժշկական կարիքները:» Ան կը ծրագրէ յետագային վերադառնալ Հայաստան եւ օգտակար հանդիսանալ գիւղերու բնակչութեան, բժշկական ծառայութիւն մատուցելով անոնց: Մինչ այդ ան իր ուսումը կը կատարելագործէ, օգտուելով Հ.Բ.Ը.Մ.ի կթաթոշակի յատկացումէն որ կ’օժանդակէ իր յարակից ծախսերուն, գիրքերու, մասնագիտական իրերու եւ այլ կարիքներու ուղղութեամբ:

Միացեալ նահանգներէն դուրս նոյնպէս, գիտական մարզերու գերազանց ուսանողուհիներ կը շարունակեն օգտուիլ Հ.Բ.Ը.Մ.ի կրթաթոշակներէն: Թուրքիոյ մէջ Իսթամպուլի Պօղազիչի Համալսարանին մէջ, Շիլա Թէմիզել ոչ միայն Մագիստրոսական աստիճանի թեկնածու ուսանողուհի մըն է  բնապահպանութեան ճարտրապետութեան ճիւղին մէջ, այլ նաեւ հետազօտող մը, Կայուն Զարգացման եւ Թուրքիոյ մէջ բնապահմանման  ուղղուած ոչ-ապականող արտադրական  նախաձեռնութիւններ մշակող կեդրոնէն ներս: «Բնապահպանական խնդիրներ եւ քիմիաբանական գիտութիւններ զիս հետաքրքրած են նախապատրաստական ուսանողական շրջանէս սկսեալ: Համոզուած էի որ անհրաժեշտ էր ինծի համար փորձառութիւն ձեռք ձգել որպէս հետազօտող գիտնական:  Ինծի համար մեծապէս հաճելի եղած է աշխատանքս, որ առիթ կ’ընծայէ ինծի յայտնաբերումներ կատարելու եւ զանոնք քննարկելու երէց գիտահետազօտողներու, գիտնականներու եւ AGBU Scholarships - Susie Sargsyanճարտարագէտներու հետ:»  Աւարտելէ ետք համալսարանական ընթացքը, Շիլա կը ծրագրէ իր դոկտորական աստիճանի ուսումը կատարելագործել Միացեալ Նահանգներու մէջ: «Հ.Բ.Ը.Մ.ի կողմէ ինծի տրամադրուած կրթաթոշակը կարելիութիւն ընծայեց ինծի ապահովելու գիտական հրատրակութիւններ, Իտալիոյ եւ Սպանիոյ մէջ ներկայացուած իմ զեկոյցներուս համար անհրաժեշտ համակարգիչս, ինչպէս նաեւ դոկտորայի համար դիմումնագրերու անհրաժեշտ ծախսերս:»

Լինտզի մէջ, Աւստրիա, Արմիկ Գաբրէլեան Պսակաւոր Գիտութեան աստիճանի ուսանողուհի է քիմիագիտութեան ճիւղին մէջ, Եոհաննէս Քէփլըր Համալսարանէն ներս: Արմիկ ծնած եւ մեծցած է Հալէպ, Սուրիա: Ան իր ընտանիքին հետ Աւստրիա հաստատուած է, փախչելով Սուրիոյ մէջ ծայր տուած պատերազմէն: «Նկատի ունենալով որ Եւրոպական Միութեան քաղաքացի չեմ, համալսարանի թոշակը շատ սուղ է: Ես խորապէս երախտապարտ եմ Հ.Բ.Ը.Մ.ին ինծի տրամադրուած կրթաթոշակին համար, որ կը թեթեւցնէ իմ եւ ընտանիքիս նիւթական բեռը, իմ համալսարնական ուսմանս կապակցութեամբ:» Փոքր տարիքէն լսած ըլլալով հայազգի համբաւի տիրացած տաղանդներու եւ գիտնականներու մասին, Արմիկ միշտ երազած էր անոնցմէ մէկը դառնալ: «Գիտական ուսմանս մէջ զիս առաջ մղող ձգտումս, հայութեան զօրացումն է, որպէսզի իր ձայնը լսելի դառնայ մարտահարաւէրներով լեցուն այս աշխարհին մէջ: Ես խորապէս հպարտ կը զգամ ամէն անգամ որ կը լսեմ հայու մը յաջողութիւններուն մասին:»

Նոյնպէս Եւրոպայի մէջ, Արփինէ Մարտիրոսեան շինարարական ճարտարապետութեան ուսանող է Գերմանիոյ Տրէզտըն Ճարտարագիտական Համալսարանէն ներս: Արփի ծնած է Դիլիճան, ուր ներկայիս կը գործէ UWC նորակառոյց Միջազգային Գոլէճը: «Իմ մանկութեանս տարիներուն ես ականատես եղած եմ բազմաթիւ դպրոցներու եւ գործարաններու կառուցման աշխատնաքներուն, իմ ծնողացս եւ մեծ ծնողացս ճիգերով: Անբացատրելի զգացում է տեսնել թէ ինչպէս անհատի մը գործը իր մնայուն եւ շարունակուող օգտակարութիւնը կ’ունենայ սերունդէ սերունդ:» Այս մղումով է որ Արփի ընտրած է իր մասնագիտութիւնը կամուրջներու եւ փապուղիներու վերաբերեալ, հայրենիքի զարգացման ի նպաստ ճարտարագիտական արդի միջոցառումներ ի գործ դնելու նպատակով: Գերմանիոյ մէջ ուսումնառութեան իր ընթացքը, առիթ ընծայած է Արփիին արհեստագիտական մարզի մէջ հարուստ փորձառութիւն ապահովելու, իսկ իր վկայութեամբ Հ.Բ.Ը.Մ.ի կողմէ իրեն տրամադրուած կրթաթոշակը օգնած է իրեն որպէսզի կարենայ գերմաներէն լեզուի յաւելեալ դասընթցքներու հետեւիլ:

2016-2017 տարեշրջանին համար Հ.Բ.Ը.Մ.ի կրթաթոշակներու  դիմումնագրեր կարելի է ներկայացնել ներկայիս այցելելով համապատասխան կայքէջը http://www.agbu-scholarship.org/

Հիմնուած 1906-ին, Հ.Բ.Ը.Մ.ը (www.agbu.org), աշխարհի մեծագոյն ոչ-շահամէտ հայկական կազմակերպութիւնն է: Միութեան կեդրոնը կը գտնուի Նիւ Եորք, Ամերիկայի Միացեալ Նահանգներ: Հ.Բ.Ը.Մ.ը կը սատարէ հայեցի ինքնութեան եւ ժառանգութեան պահպանումին եւ մշակումին՝ կրթական, մշակութային եւ մարդասիրական ծրագիրներով: Միութեան գործունէութիւնները կ’ընդգրկեն տարեկան աւելի քան 500,000 հայեր, աշխարհի տարածքին:

 

ՆԿԱՐՆԵՐՈՒ ԲԱՑԱՏՐՈՒԹԻՒՆ

Հ.Բ.Ը.Մ.ի Կրթաթոշակներ – Շիլա Թէմիզել Իսթամպուլի Պօղազիչի Համալսարանին մէջ, Մագիստրոսական աստիճանի թեկնածու ուսանողուհի մըն է

Հ.Բ.Ը.Մ.ի Կրթաթոշակներ – Արմիկ Գաբրէլեան, Պսակաւոր Գիտութեան աստիճանի ուսանողուհի է քիմիագիտութեան ճիւղին մէջ, Եոհաննէս Քէփլըր Համալսարանէն ներս Լինտզ, Աւստրիա

Հ.Բ.Ը.Մ.ի Կրթաթոշակներ – Գլէր Ալէքսանեան, Ուաշինկթընի Ճորճթաուն Համալսարանի բժշկական ճիւղի ուսանողուհի, իր մօր մանկաբոյժ Տօքթ. Հէրմինէ Ալէքսանեանի հետ

Հ.Բ.Ը.Մ.ի Կրթաթոշակներ – Արփինէ Մարտիրոսեան շինարարական ճարտարապետութեան ուսանող է Գերմանիոյ Տրէզտըն Ճարտարագիտական Համալսարանէն ներս

Հ.Բ.Ը.Մ.ի Կրթաթոշակներ – Սիւզի Սարգսեան, Ուաշինկթընի Համալսարանէն ներս դոկտորականի թեկնածու է կիռարարական թուաբանութեան ճիւղին մէջ


Առնչվող նյութեր
1. Ուշագրավ համերգների և դասախոսությունների շարքը հայկական երաժշտությունը հասցրեց Ասիա՝ կամրջելով դարավոր ժողովրդական ավանդույթները
2. Ամենայն Հայոց Կաթողիկոսը և ՀԲԸՄ նախագահը քննարկեցին հայրենական կյանքին և Սփյուռքին վերաբերող հարցեր
3. ՀԲԸՄ-ը նոր թափով պիտի սկսի հասարակական-տնտեսական ծրագիրներու իրականացումը
4. Հ.Բ.Ը.Մ.-Ը ՈՒՍՈՒՄՆԱԿԱՆ ԴՐԱՄԱՇՆՈՐՀՆԵՐ ԿԸ ՏՐԱՄԱԴՐԷ ԼՈՅՍ ՀԻՄՆԱԴՐԱՄԻ ԼՈՒԾԱՐՄԱՆ ՊԱՏՃԱՌՈՎ ՏՈՒԺԱԾ ՈՒՍԱՆՈՂՆԵՐՈՒ
5. ՀԲԸՄ-ն խթանում է Հայաստանի և Սփյուռքի միջև նոր շփումները
6. Creative Armenia-ն և Հայկական Բարեգործական Ընդհանուր Միությունը հայտարարում են նորարար տաղանդավոր արվեստագետներին օժանդակող ծրագրի մեկնարկը
7. ՀԲԸՄ-ն ներկայացնում է անհրաժեշտ էլեկտրոնային գրքեր ու հավելվածներ Հայաստանի մասին
8. ՀԲԸՄ Նախագահն ու Հայաստանի Նոր Ղեկավարությունը Քննարկում են Համագործակցության Հնարավորություններն ու Փոխադարձ Հետաքրքրության Ոլորտները
9. Լրատվական դաշտը՝ որպես Սփյուռք-Հայրենիք կամուրջ
10. ՀԲԸՄ-ը Նշում է Հայաստանի Առաջին Հանրապետության Հաղթական 100-ամյակը

Մեկնաբանություն

Վերջին լուրեր
1.Երեւանի ավագանու ընտրություններում առաջատարը ,,Իմ քայլը,, կուսակացությունների դաշինքն է՝ 80.7 տոկոսով
2.Իսպանիա. Հայաստանին նվիրված տոնական համերգ Սանտա Կոլոմա դե Գրամանետիում
3.«Իմ առաջադրանքը ձեզ շատ պարզ է` ամեն օր լուծել թեկուզ փոքր, բայց որևէ կոնկրետ խնդիր». Վարչապետը հանդիպել է Արարատի մարզի համայնքների ղեկավարներին
4.Գաֆեսճյան արվեստի կենտրոնում տեղի ունեցավ Հայաստանում Եվրոպական Ժառանգության օրերի պաշտոնական բացումը
5.ՀՀ քաղաքացիական ավիացիայի կոմիտեի նախագահի այցը Չինաստան
6.Երեւանի ավագանու ընտրությունների կապակցությամբ Եվրոպայի Հայերի Համագումարի կոչը Երեւանցիներին.
7.Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
8.Հայաստանի անկախության 27-ամյակին նվիրված միջոցառում Լիոնում
9.ԱՌԱՋԻՆԷՆ ՄԻՆՉԵՒ ՉՈՐՐԱՐԴ ՀԱՅԱՍՏԱՆԻ ՀԱՆՐԱՊԵՏՈՒԹԻՒՆ. ԱՆԿԱԽՈՒԹՅԱՆ ՕՐ
10.Պապը Կը Շնորհաւորէ Մխիթարեան Միաբանութեան 300ամեակը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: