ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
23 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Dorians-ը գնում է ռոքելու “Եվրատեսիլ”-ը

03 մայիսի, 2013 | 14:06

ԵՐԵՎԱՆ. – “Dorians”-ը “Եվրատեսիլ” մեկնելուց առաջ այսօր պատասխանել է “Արմենիա Մարիոթ” հյուրանոցում հավաքված լրագրողների հարցերին: Մամուլի ասուլիսին մասնակցել են Գոռ Սուջյանը, Գագասը, Արման Փահլեւանյանը, Էդգար Սահակյանը, Արման Ջալալյանը, ինչպես նաեւ խմբի մենեջեր Արա Թադեւոսյանն ու “Եվրատեսիլ”-ի հայաստանյան պատվիրակության ղեկավար Գոհար Գասպարյանը: Այս մասին հաղորդում է  bravo.am–ը։

Արա Թադեւոսյանը տեղեկացրել է, որ մրցույթի երկրորդ կիսաեզրափակչից օրեր առաջ` մայիսի 10-ին, “Dorians”-ը համերգով հանդես կգա Կոպենհագենի ամենամեծ համերգային հրապարակներից մեկում` “AmagerBio” ակումբում. “Համերգին որպես հատուկ հյուր մասնակցելու է նաեւ Ռուսաստանը “Եվրատեսիլ”-ում ներկայացնող Դինա Գարիպովան: Չի բացառվում, որ կլինեն նաեւ այլ երկրի ներկայացուցիչներ”:

Խոսելով “Dorians”-ի եվրատեսիլյան ելույթի մասին` Գոհար Գասպարյանը նշել է, որ Շվեդիայում արդեն իսկ սկսվել են խմբի փորձերը.“Կարող է զարմանալի թվալ, բայց կազմակերպչական աշխատանքներն այնքան են զարգացել, որ կրկնօրինակող դերասանների մասնակցությամբ փորձեր են իրականացվում: Հենց երեկ մենք դիտել ենք “Dorians”-ի առաջին փորձը ու պատկերացրեք` բավական լավ էր ստացվել, ցավոք, այդ տեսանյութը հրապարակելու իրավունք չունենք”:

Խմբի մենեջերն էլ հավելել է, որ “Dorians”-ի ելույթի ընթացքում պարային շոու կամ բեմի հատուկ դեկորացիաներ չեն լինի.“Հասկանալի է, որ ռոք-խումբը, անգամ եթե մասնակցում է “Եվրատեսիլ”-ին, պետք է լինի որոշակի ոճի մեջ: Տղաների ելույթը կուղեկցվի հատուկ լուսային եւ այլ էֆեկտներով”:

Անդրադառնալով պրոմո-տուրի բացակայությանը` Գոհար Գասպարյանն ասել է, որ աշխարհում ճգնաժամային իրավիճակով պայմանավորված` մասնակից բոլոր երկրների դեպքում էլ շրջագայությունները քիչ են.“Փոխարենն ակտիվորեն զբաղվում ենք ինտերնետային “փրոմոուշնով””:

Արա Թադեւոսյանը, շարունակելով խոսել “Եվրատեսիլ”-ին մեր մասնակցության մասին, նշել է հետեւյալը.“Եթե կան արտիստներ, որոնց համար երգի այս մրցույթին մասնակցելն արդեն մեծ նվաճում է, “Dorians”-ի համար սա ստեղծագործական կյանքի փուլերից ընդամենը մեկն է: Անկախ արդյունքից, “Եվրատեսիլ”-ից հետո “Dorians”-ը շարունակելու է իր գործունեությունը, լինելու են նոր երգեր, նոր համագործակցություններ”:

Հիշեցնենք, որ մայիսի 16-ին Շվեդիայում կայանալիք “Եվրատեսիլ” երգի մրցույթի երկրորդ կիսաեզրափակչում “Dorians”-ը հանդես կգա 11 համարի տակ եւ կներկայացնի “Lonely Planet” երգը:

“Lonely Planet”-ի երաժշտության հեղինակը բրիտանացի լեգենդար ռոք-երաժիշտ, “Black Sabbath” խմբի կիթառահար Թոնի Այոմին է: Երգի բառերը գրել է Վարդան Զադոյանը:

Ի դեպ, Թոնի Այոմին այսօր հարցազրույց է տվել Եվրատեսիլի պաշտոնական կայքին, որի հայերեն տարբերակը կարող եք կարդալ այստեղ:

Դիանա Հովհաննիսյանի /Bravo.am/

Լուսանկարը` Էմին Արիստակեսյանի/Bravo.am/

 Orer.eu


Առնչվող նյութեր
1. «Մանկական Եվրատեսիլ 2017» երգի միջազգային մրցույթում այս տարի Հայաստանը ներկայացնելու է 9-ամյա Միշան. պատմում է Լիրա Քոչարյանը
2. Այսօր քվեարկեք Արծվիկի օգտին
3. «Եվրատեսիլ-2017»-ին Հայաստանը կներկայանա մայիսի 9-ին՝ առաջին կիսաեզրափակչում. Արծվիկը կկատարի “Fly with me” երգը
4. Ստոկհոլմի երկնքում ինքնաթիռ է պտտվել Ղարաբաղ-Սեր-Իվետա պաստառով
5. Շվեդիայում Հայաստանի դեսպանը հակադարձել է Եվրատեսիլի կազմակերպիչներին
6. Մայիսի 14-ին եվրոպահայությունը կքվեարկի Իվետա Մուկուչյանի օգտին.նա հանդես կգա վերջինը
7. Արցախի Հանրապետության Մարդու իրավունքների պաշտպան Ռուբեն Մելիքյանը բաց նամակ է հղել «Եվրատեսիլ-2016»-ի կազմակերպիչներին
8. Էստոնաբնակ նկարիչ Արսեն Քլյանը կոլաժներ է նվիրել Իվետա Մուկուչյանի ելույթին
9. Իվետա Մուկուչյանը փայլուն ելույթով անցավ եզրափակիչ
10. Եվրատեսիլ. Այսօր Պրահայի ժամանակով 21.00-ից քվեարկեք Հայաստանի մասնակցի օգտին

Մեկնաբանություն

Վերջին լուրեր
1.«Իմ առաջադրանքը ձեզ շատ պարզ է` ամեն օր լուծել թեկուզ փոքր, բայց որևէ կոնկրետ խնդիր». Վարչապետը հանդիպել է Արարատի մարզի համայնքների ղեկավարներին
2.Գաֆեսճյան արվեստի կենտրոնում տեղի ունեցավ Հայաստանում Եվրոպական Ժառանգության օրերի պաշտոնական բացումը
3.ՀՀ քաղաքացիական ավիացիայի կոմիտեի նախագահի այցը Չինաստան
4.Երեւանի ավագանու ընտրությունների կապակցությամբ Եվրոպայի Հայերի Համագումարի կոչը Երեւանցիներին.
5.Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
6.Հայաստանի անկախության 27-ամյակին նվիրված միջոցառում Լիոնում
7.ԱՌԱՋԻՆԷՆ ՄԻՆՉԵՒ ՉՈՐՐԱՐԴ ՀԱՅԱՍՏԱՆԻ ՀԱՆՐԱՊԵՏՈՒԹԻՒՆ. ԱՆԿԱԽՈՒԹՅԱՆ ՕՐ
8.Պապը Կը Շնորհաւորէ Մխիթարեան Միաբանութեան 300ամեակը
9.Չինական գեղագրությունը և գրաֆիկան Հայաստանում
10.Հայաստանի և Էստոնիայի հարյուրամյակներին նվիրված համերգ Տալլինում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: