ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
10 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բուխարեստում նշվեց Հայաստանի Հանրապետության Դիվանագետի օրը

05 մարտի, 2018 | 10:48

Մարտի 2-ին Բուխարեստում տեղի ունեցան Հայաստանի Հանրապետության Դիվանագետի օրվան նվիրված միջոցառումներ, որոնք Ռումինիայի Հայոց միության աջակցությամբ և Ռումինահայոց թեմի հետ համագործակցությամբ կազմակերպել էր ՀՀ դեսպանությունը:

Առավոտյան Բուխարեստի Միքայել և Գաբրիել Սուրբ Հրեշտակապետաց հայկական մայր եկեղեցում ՌՀԹ առաջնորդ Տաթև եպս. Հակոբյանի հանդիսապետությամբ կատարվեց ծես՝ ի հիշատակ Ռումինիայում Հայաստանի առաջին Հանրապետության գլխավոր հյուպատոս (1918-1924թթ.), Ռումինիայի Հայոց Միության հիմնադիր նախագահ, գրող, հասարակական-քաղաքական գործիչ Հարություն Խնդիրյանի (1870-1959թթ.): Այնուհետ Ռումինիայում Հայաստանի Հանրապետության դեսպանության, Ռումինիայի Հայոց միության և Ռումինահայոց թեմի կողմից տեղի ունեցավ ծաղկեպսակների տեղադրման արարողություն:

Արարողությունից հետո ՀՀ դեսպանատանը կայացավ Հայաստանի Հանրապետության Դիվանագետի օրվան նվիրված ընդունելություն: Օրվա խորհրդին նվիրված ողջույնի խոսքով հանդես եկավ Ռումինիայում ՀՀ արտակարգ և լիազոր դեսպան Սերգեյ Մինասյանը:

Ընդունելությանը մասնակցեցին Ռումինիայի ԱԳՆ և պետական այլ գերատեսչությունների ու մարմինների բարձրաստիճան պաշտոնյաներ, Ռումինիայում հավատարմագրված դեսպաններ, դիվանագետներ, ինչպես նաև հայ համայնքի ներկայացուցիչներ:

ՌՀԹ առաջնորդ Տաթև եպս. Հակոբյանը կատարեց ՀՀ դեսպանության շենքի օծման կարգ: Միջացառումը լուսաբանվեց ռումինական TVR հանրային հեռուստաընկերության կողմից:


Առնչվող նյութեր
1. Ռումինական բանակի հայազգի գեներալ Հակոբ Զատիկի հիշատակի արարողություն
2. Դեսպան Մինասյանի հանդիպումը Ռումինիայի Ազգային Պաշտպանության նախարարությունում
3. Դեսպան Սերգեյ Մինասյանը մասնակցեց «Eastern Partnership Think Tank Forum»-ին
4. ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
5. Ռումինիայում նշվեց Կոնստանցայի Ս. Աստվածածին եկեղեցու ուխտի օրը
6. Բուրգասում բացվեց Վազգեն Վեհափառի անվան թանգարանը
7. Բոտոշան. Հայաստանին ու Ռումինիային նվիրված ցուցահանդես
8. Ռումինիայի խորհրդարանը ավարտին հասցրեց ԵՄ-Հայաստան համաձայանագրի վավերացման գործընթացը
9. Ի հիշատակ Շառլ Ազնավուրի՝ հոգեհանգստյան կարգ և հիշատակի միջոցառումներ Բուխարեստում և Ռումանիոյ հայոց թեմի ծուխերում
10. Մեծ շուքով նշվեց Պիտեշտի Ս. Հովհաննես Մկրտիչ եկեղեցու ուխտի օրը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: