ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ազնավուրը Ժնեւում մասնակցել է Հայաստանին նվիրված համերգին

19 մարտի, 2018 | 14:28

Ֆրանկոֆոն մեծ համերգ Ժնևում` նվիրված Ֆրանկոֆոնիայի 17-րդ գագաթնաժողովը հյուրընկալող Հայաստանին

Photo : Antoine Tardy/Organisation internationale de la francophonie

Մարտի 13-ին Ժնևում` Միավորված ազգերի կազմակերպության կենտրոնակայանի Ազգերի պալատի գլխավոր հանդիսասրահում, տեղի ունեցավ Ֆրանկոֆոնիայի 17-րդ գագաթաժողովը հյուրընկալող Հայաստանին նվիրված մեծ համերգ:

Ժնևում ՄԱԿ գրասենյակում Ֆրանկոֆոնիայի և Հայաստանի Հանրապետության մշտական ներկայացուցչությունների համատեղ ջանքերով և Ֆրանկոֆոնիայի միջազգային օրվա կապակցությամբ կազմակերպված ֆրանկոֆոն այս համերգն անցկացվեց Շառլ Ազնավուրի բացառիկ մասնակցությամբ։

Համերգին մասնակցում էին նաև Տիգրան Համասյանը, ֆրանսահայ երգահան, դաշնակահար Անդրե Մանուկյանը, ֆրանսահայ օպերային երգչուհի Արմել Խուրդոյանը, Թումանյան մեկ քառյակը։

Photo : Antoine Tardy/Organisation internationale de la francophonie

Համերգին ողջույնի խոսքով հանդես եկան ՄԱԿ-ի ժնևյան գրասենյակի տնօրեն Մայքլ Մոլերը, Շվեյցարիայի Համադաշնության Ազգային խորհրդի նախագահ Դոմինիկ դը Բումանը, Ժնևում ՄԱԿ գրասենյակում Ֆրանկոֆոնիայի մշտական ներկայացուցիչ, դեսպան Անրի Մոնսոն, Ժնևում ՄԱԿ գրասենյակում Հայաստանի մշտական ներկայացուցչի տեղակալ Հասմիկ Տոլմաջյանը։

Երեկոյի մասնակիցներին ուղղված իր խոսքում ՄԱԿ-ի ժնևյան գրասենյակի տնօրեն Մայքլ Մոլերն առաձնահատուկ ողջունեց Ֆրանկոֆոնիայի և Հայաստանի մշտական ներկայացուցչությունների այս կարևոր նախաձեռնությունը։

Շվեյցարիայի Համադաշնության Ազգային խորհրդի նախագահ Դոմինիկ դը Բումանը իր խոսքում, հիշատակելով Շառլ Ազնավուրի «Տարեք ինձ հրաշքների երկիր» երգի բառերը, մասնավորապես նշեց, որ «Ազնավուրի երգերը վերաբերում են բոլորին անխտիր, և մեզանից յուրաքանչյուրն ունի հրաշքների իր երկիրը։ Շառլ Ազնավուրի համար հրաշքների այդ երկիրը Հայաստանն է»։ Հայաստանը մի երկիր է, շարունակեց նա, որտեղ «մեկ անգամ ոտք դնելով, այն մշտապես պահում ես սրտում»։

Ժնևում ՄԱԿ գրասենյակում Հայաստանի մշտական ներկայացուցչի տեղակալ Հասմիկ Տոլմաջյանն ողջույնի խոսքում իր ջերմ երախտագիտությունը հայտնեց Ֆրանկոֆոնիայի միջազգային կազմակերպությանը՝ Ֆրանկոֆոնիայի մեծ միջոցառումը Հայաստանին նվիրելու համար: Նա նաև նշեց, որ Ֆրանկոֆոնիայի 17-րդ գագաթաժողովը Երևանում անցկացնելու վերաբերյալ Անտանանարիվուի գագաթաժողովում ընդունված որոշումը Ֆրանկոֆոնիայի անդամ-երկրների կողմից Հայաստանի՝ ի նպաստ կազմակերպության և նրա արժեքներին հանձնառության գնահատականի արտահայտությունն է։ Նա ընդգծեց, որ հայ հասարակության մեջ ֆրանկոֆոնիայի տարածման վրա իր կարևոր ազդեցությունն է ունեցել հայ-ֆրանսիական դարավոր բարեկամությունը, ինչպես նաև ֆրանկոֆոն տարբեր երկրների, մասնավորապես՝ Կանադայի, Բելգիայի, Շվեյցարիայի, Լիբանանի, Եգիպտոսի, Հունաստանի, Կիպրոսի հետ հաստատված ջերմ հարաբերությունները: Նշվեց նաև, որ Ֆրանկոֆոնիան Հայաստանի համար նաև կարևոր հարթակ է համագործակցությունն ամրապնդելու այն երկրների հետ, որոնց հետ չունի ավանդականորեն ձևավորված սերտ հարաբերություններ: Միևնույն ժամանակ, Հասմիկ Տոլմաջյանն ընդգծեց, որ Հայաստանը նույնպես իր կարևոր նպաստն է բերում Ֆրանկոֆոնիայի տարածմանը մի տարածաշրջանում, որտեղ վերջինս բավականաչափ ներկայացված չէ: Այս առումով նա նշեց, որ երևանյան գագաթաժողովը կազմակերպության գերագույն մարմնի երկրորդ հանդիպումն է, որը գումարվելու է արևելաեվրոպական տարածաշրջանում:

Photo : Antoine Tardy/Organisation internationale de la francophonie

Ժնևում ՄԱԿ գրասենյակում Ֆրանկոֆոնիայի մշտական ներկայացուցիչ Անրի Մոնսոն, իր խոսքում անդրադառնալով ՄԱԿ-ում Ֆրանկոֆոնիայի ունեցած դերին, նշեց, որ Ֆրանկոֆոնիան միավորում է 84 երկրներ աշխարհի 5 մայրցամաքներից, որոնցից 54-ը կազմակերպության լիիրավ անդամ երկրներն են։ Ֆրանկոֆոնիայի ստեղծման հիմքում ի սկզբանե եղել է բազմակողմ հարաբերությունների համար հարթակ ստեղծելու միտումը, որի հիմքում ընկած է ֆրանսերեն լեզուն և ֆրանկոֆոն մշակութային բազմազանությունը։

Անրի Մոնսոն խոսեց նաև Ժնևում Ֆրանկոֆոնիայի ներկայության ռազմավարական նշանակության մասին՝ նշելով, որ ՄԱԿ-ի ժնևյան գրասենյակը միակն է, որ տեղակայված է ֆրանկոֆոն միջավայրում։ Ֆրանկոֆոնիայի ներկայացուցիչը կարևորեց նաև մի շարք ծրագրերում և նախաձեռնություններում Ֆրանկոֆոնիայի և ՄԱԿ ժնևյան գրասենյակի միջև փոխադարձ աջակցությունը։

Photo : Antoine Tardy/Organisation internationale de la francophonie

Երեկոն առիթ հանդիսացավ Ֆրանկոֆոն դեսպանների խմբի կողմից սահմանված անդրանիկ մրցանակաբաշխության անցկացման համար։ Ֆրանկոֆոնիայի մշտական ներկայացուցիչ Անրի Մոնսոն նշեց, որ «մրցանակը նպատակ ունի գնահատելու այն գործչին կամ հաստատությունը, որը 2017թ․ ընթացքում ծավալած իր գործունեությամբ նպաստել է Ժնևում ֆրանկոֆոն արժեքների, այն է՝ ժողովրդավարության, իրավական պետության, բազմալեզվության, մշակութային բազմազանության արժեքների խրախուսմանը»։ Ֆրանկոֆոն դեսպանների անդրանիկ մրցանակը հանձնվեց միաժամանակ ՄԱԿ ժնևյան գրասենյակի տնօրեն Մայքլ Մոլերին և Մարդու իրավունքների հարցերով բարձր հանձնակատար Զեիդ Ռաադ Ալ Հուսեյնին։

Համերգին ներկա էր շուրջ 2000 հրավիրյալ՝ Միավորված ազգերի կազմակերպության, ինչպես նաև Շվեյցարիայի դաշնային և տեղական մարմինների բարձրաստիճան ներկայացուցիչներ, բազմաթիվ դեսպաններ, ինչպես նաև շվեյցարահայ համայնքի ներկայացուցիչներ:

Երեկոյի կազմակերպմանն իրենց աջակցությունն ու ներդրումն են բերել Շվեյցարիայի արտաքին գործերի դաշնային դեպարտամենտը, Ժնևի քաղաքապետարանը, ինչպես նաև Պողոսյան, Փիլոսյան և Փիլիպոսյան, Իզմիրլյան հիմնադրամները, ՀԲԸՄ-Շվեյցարիայի կոմիտեն և հասարակական այլ կազմակերպություններ։

ՕՐԵՐ

Photo : Antoine Tardy/Organisation internationale de la francophonie


Առնչվող նյութեր
1. Վարդան Սրմաքեշը Հայաստան Վերադարձողներու Համար 100 Միլիոն Տոլարի Ծրագիրի Մը Նախաձեռնած Է
2. Մենք պետք է կարողանանք կայուն և կանխատեսելի երկիր կառուցել. ասել է նախագահ Սարգսյանը ,,Ֆրանկ Մյուլեր»ում
3. Արմեն Սարգսյանը Ժնևում մասնակցել է Համաշխարհային ներդրումային համաժողովի բացմանը
4. Արգենտինայում ՄԱԿ-ի մանկական հիմնադրամի գրասենյակի և Բուենոս Այրեսի «Հայաստան» համահայկական հիմնադրամի միջև ստորագրված համաձայնագիր
5. Վահրամ Կաժոյան. Ադրբեջանը պարբերաբար կոպտորեն խախտում է Բանդունգյան սկզբունքները
6. Վարչապետ Նիկոլ Փաշինյանը ՄԱԿ-ի Գլխավոր ասամբլեայում հանդես է եկել ելույթով
7. Վարչապետ Նիկոլ Փաշինյանը ՄԱԿ-ի կենտրոնակայանում մասնակցել է Նելսոն Մանդելային նվիրված խաղաղության գագաթաժողովի բացմանն ու հանդես եկել ելույթով
8. Անտոնիո Գուտերեշ. Հայաստանի հետ արդյունավետ համագործակցությունն առավել կամրապնդվի և կզարգանա
9. Արտգործնախարար Զոհրաբ Մնացականյանի հանդիպումը Շվեյցարիայի հայ համայնքի ներկայացուցիչների հետ
10. Մհեր Մարգարյանը՝ ՄԱԿ-ում Հայաստանի մշտական ներկայացուցիչ

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: