ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ազնավուրը ստացավ չեխական Ֆեբիոֆեստի ,,Քրիստիան,, մրցանակը՝ Համաշխարհային կինոյում ունեցած վաստակի համար

15 մարտի, 2018 | 23:39

Պրահա.ՕՐԵՐ.- Հանրային տան Սմետանայի անվան շքեղ դահլիճում բացվեց Ֆեբիոֆեստ միջազգային 25-րդ հոբելյանական կինոփառատոնը, որի գլխավոր հյուրը դարձավ աշխարհահռչակ շանսոնյե, կոմպոզիտոր եւ դերասան Շարլ Ազնավուրը։

Կինոփառատոնի 25 տարիների ընթացքում նա 44-րդ հանրահայտ կինոգործիչն է, որ արժանանում է նման պատվավոր մրցանակի՝ Համաշխարհային կինոյում ունեցած վաստակի համար։ Մրցանակը հանձնելուց առաջ ցուցադրվեց նաեւ նրա խաղացած ֆիլմերից  մի տեսաշար, իսկ ,,Քրիստիան» արձանիկը հանձնելու պահին ողջ դահլիճը հոտնկայս ողջունեց Շարլ Ազնավուրին։ Մաեստրոն շնորհակալական խոսքը սկսեց ուղղելով խոսափողը, եւ կատակելով, որ ամենուր ստիպված է այն հարմարացնել իր հասակին։  Նա խոստացավ կրկին վերադառնալ Պրահա, քանի որ դեռ շատ լավ չի կարողացել ծանոթանալ Չեխիային։ Նա շնորհակալություն հայտնեց ընդունելության եւ ջերմ ծափահարությունների համար։  Նախօրեին  ՕՐԵՐ-ին տված հարցազրույցում նա ասել էր, որ միշտ էլ հաճելի է, երբ կատարած աշխատանքը գնահատվում է։

Հաղորդավարը հիշեցրեց, որ վաղը՝ մարտի 16-ին Ազնավուրը համերգային ծրագրով հանդես կգա Պրահայի համագումարների կենտրոնում։ Ըստ 1998 թվականին CNN   ամերիկյան հեռուստակայանի, Ազնավուրը համարվել է հարյուրամյակի լավագույն արվեստագետ, ինչպես Էլվիս Պրեսլին եւ Ֆրանկ Սինատրան։ Ազնավուրն առաջին անգամ ֆիլմում նկարհանվել է 1936 թվականին՝ ,,Տղաների կռիվը,, ֆիլմում, իսկ վերջինը՝ 2006-ին ,,Իմ գնդապետ»ը ֆիլմում։

Ի տարբերություն Ազնավուրի, որի մասնակցությունը մինչեւ վերջին պահը հաստատված չէր, ինքնազգացողության վատթարացման պատճառով Պրահա  չկարողացավ ժամանել ֆրանսիական կինոյի մի այլ աստղ՝ Կատրին Դենյովը, ում նույնպես հանձնելու էին ,,Քրիստիան» մրցանակ։ Դերասանուհու փոխարեն մրցանակն ստացավ Չեխիայում Ֆրանսիայի դեսպանը Ռոլանդ Գալհարակը, ով վերջինիս փոխարեն շնորհակալություն հայտնեց կազմակերպիչներից։

Երրորդ ,,Քրիստիանը» տրվեց չեխական կինոյի եւ թատրոնի հանրահայտ դերասանուհի Դանիելա Կոլարովային, ում նաեւ շնորհվեց չեխական դրամատան հատած ոսկե հուշամեդալը՝ դերասանուհու պատկերով։

Կինոփառատոնի բացման հանդիսավոր արարողությանը ներկա էին չեխական քաղաքական եւ մշակութային էլիտայի ներկայացուցիչներ, այդ թվում՝ Չեխիայի վարչապետի պաշտոնակատար Անդրեյ Բաբիշը եւ Չեխիայում Հայաստանի դեսպան Տիգրան Սեյրանյանը, ով կեսօրից հետո  օդանավակայանում անձամբ էր դիմավորել շանսոնյեին։

Հետաքրքրական է, որ կինոփառատոնն այսօր ժամը 15-ին արդեն սկսել էր ֆիլմերի ցուցադրությունները եւ առաջին իսկ՝ Թոնի Գադիֆֆի ֆրանս-հունական ,,Ջեմ» ֆիլմում  խաղում էր ֆրանսահայ մի այլ հայտնի դերասան՝ Սիմոն Աբգարյանը, ով հիանալի ներկայացրեց հերոսուհու  խորթ հոր կերպարը։ Հայկականի հետ կապը շարունակվեց նաեւ հաջորդ՝ ,,Ժամանց որոնողը,, իտալա-ֆրանսիական ֆիլմում, որը նկարահանվել է Միքայել Ծատուրյանի համանուն վիպակի հիման վրա։ Իսկ շաբաթ-կիրակի օրերին ,,Վարպետներ,, բաժնի հետահայաց  ցուցադրությունը ռեկորդ է սահմանելու կինոփառատոնի պատմության մեջ։ Առաջին անգամ ցուցադրվելու է ֆրանսիական 12 ժամանոց  ,,Դուրս 1»/Out 1/ ֆիլմը։ Այստեղ էլ  խաղում է ֆրանսահայ դերասանուհի Հեղինե Կարագյոզյանը, ով ներկայացնելու է ֆիլմը։

Ընդհանրապես այս տարվա թե՛ մրցութային ծրագիրը, եւ թե՛ հարակից ոչ մրցութային բաժինները լի են համաշխարհային կինոյի լավագույն ֆիլմերի ցուցադրություններով։ Ցանկացած ճաշակի մարդ կարող է իրեն հետաքրքրող որեւէ ֆիլմ դիտել։

Իսկ եթե ամփոփելու լինենք Ֆեբիոֆեստի 25 տարիների աշխատանքը, ապա ինչպես փառատոնի նախագահ Ֆերո Ֆենիչը նշեց իր ողջույնի խոսքում, անհավատալի է թվում, որ 1993 թվականին իբրեւ հեղինակային եւ անկախ կինոյի հարթակ ստեղծված կինոցուցադրությունները վերածվեցին Պրահայի լավագույն միջազգային կինոփառատոնի։ Միայն անցած տարիների ընթացքում փառատոնում ցուցադրված 186 երկրների 4400 ֆիլմերը դիտել է 800 հազար հանդիսական։

Այնուհետեւ, բացի Պրահայից, կինոփառատոնը մեկ ամիս կշարունակվի երկրի 17 խոշոր քաղաքներում։ 15 տարբեր բաժիններում կցուցադրվեն 170 ֆիլմեր՝ 50 տեղական եւ օտար հյուրերի մասնակցությամբ։

 

Հակոբ Ասատրյան

Աննա Կարապետյան

ՕՐԵՐ

Լուսանկարները՝ ՕՐԵՐ-ի

 


Առնչվող նյութեր
1. Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում
2. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
3. Հայկ Մարությանն ընդունել է Չեխիայի դեսպանին
4. Չեխահայ անվանի գործիչ Ալեքսանդր Սարգսյանին՝ Սփյուռքի նախարարության Ոսկե հուշամեդալ
5. Հայաստանի դեսպանը շնորհավորել է չեխ ժողովրդին 100-ամյա հոբելյանի առիթով
6. Պրահայում նշվում է Չեխոսլովակիայի հիմնադրման 100 ամյակը
7. Չեխիան հարգում է հակամարտության կողմերին զենք-զինամթերք չվաճառելու պայմանավորվածությունը. դեսպան Միկիսկա
8. «Ազնավուր» հիմնադրամը ներկայացրել է Երևանում «Ազնավուր» կենտրոնի ծրագիրը
9. Հոկտեմբերի 12-ին հայկական թեմայով դասախոսություն Ստրահովի գրադարանում
10. Բացառիկ հայկական ցուցահանդես՝ չեխական հրաշագեղ դահլիճում

Մեկնաբանություն

Վերջին լուրեր
1.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
2.Մտորումներ Լատվիայի անկախության 100-ամյակի առթիվ
3.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
4.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
5.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
6.Եվրամիությունը աջակցում է «Հայաստանում ընտրական գործընթացների աջակցություն» ծրագրին
7.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
8.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
9.Գարեգին Բ- Նիկոլ Փաշինյան հանդիպում Մայր Աթոռում
10.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: