ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
24 հունիսի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Նյու Յորքում կայացան «Ավրորայի երկխոսությունները»

05 մարտի, 2018 | 11:34

Նյու Յորքում կայացան 2018 թվականի առաջին «Ավրորայի երկխոսությունները» (Aurora Dialogues):

«Ավրորա» մարդասիրական նախաձեռնությունը՝ Սեպտեմբերի 11-ի ազգային հուշահամալիր-թանգարանի հետ համագործակցությամբ, հրավիրել էր մարդասիրական հանրույթի նշանավոր ներկայացուցիչների՝ «Համերաշխություն առանց սահմանների. Հերոսի ուղին» նշանաբանի ներքո:

Մասնակիցները քննարկում էին, թե աղետի պայմաններում ի՞նչն է մարդկանց դրդում սեփական կյանքը վտանգի ենթարկելով ոտքի կանգնել հանուն այլոց փրկության։«Մեզ համար պատիվ է «Ավրորա»-ի  հետ միասին առաջ մղել մարդկային մեծահոգությունը, քանի որ դա է նաեւ 2001 թ. սեպտեմբերի 11-ի ահաբեկչական հարձակման դրական ու ճշմարիտ ժառանգությունը»,–  նշեց Սեպտեմբերի 11-ի ազգային հուշահամալիր-թանգարանի նախագահ եւ գլխավոր գործադիր տնօրեն Ալիս Գրինվալդը։

Գլխավոր զեկույցով հանդես եկավ նշանավոր հոգեբան, Heroic Imagination Project կազմակերպության հիմնադիր նախագահ, Սթենֆորդի համալսարանի պատվավոր պրոֆեսոր Ֆիլիպ Զիմբարդոն: Նա խոսեց հերոսության հոգեբանական այն դրդապատճառների մասին, որոնք ոմանց մղում են ոտքի կանգնել, երբ ուրիշները գերադասում են կողք կանգնել։

Կլոր սեղանի ընթացքում, որը վարում էր «Վաշինգթոն Փոսթ» օրաթերթի սյունակավար Դեյվիդ Իգնեյշըզը, «Ավրորա» մրցանակի 2016 թ. դափնեկիր Մարգարիտ Բարանկիցեն պատմեց աղետները դիմագրավելու եւ հաղթահարելու սեփական փորձի մասին։

Կլոր սեղանի ընթացքում ելույթ ունեցավ նաեւ Նյու Յորքի եւ Նյու Ջերսիի Նավահանգստային վարչական շրջանի ոստիկանության Հատուկ գործողությունների ուժերի պաշտոնաթող լեյտենանտ Բիլ Քիգանը, որը եղել է Համաշխարհային առեւտրի կենտրոնի որոնողական-փրկարարական ուժերի գիշերային հերթափոխի հրամանատարը՝ աշխատելով դեպքերի էպիկենտրոնում 2001 թ. սեպտեմբերի 11-ից մինչեւ 2002 թ. մայիսի 30-ը։ Լեյտենանտ Քիգանը հիմնադրել եւ նախագահում է H.E.A.R.T. 9/11 (Healing Emergency Aid Response Team) կազմակերպությունը, որը զբաղվում է աղետներին արագ արձագանքելու, առանձնակի տուժած վայրերում համայնքային կենտրոնները վերակառուցելու խնդիրներով։

«Մարգարիտն ու լեյտենանտ Բիլ Քիգանը մարմնավորում են աղետը հաղթահարող մարդու անօրինակ խիզախությունն ու կյանքի անհավատալի ուղին։ Մարգարիտն ինքը փրկվելուց հետո ձեռնամուխ եղավ հազարավոր մարդկանց փրկությանը»,– ասաց «Ավրորա» մարդասիրական նախաձեռնության համահիմնադիր, Նյու Յորքի Կարնեգի կորպորացիայի նախագահ Վարդան Գրեգորյանը եւ հավելեց:

««Ավրորա» մարդասիրական նախաձեռնության խորքային արժեքներից է բարեգործության շղթան անխախտ պահելու եւ դրա ազդեցությունն ապահովելու գործը։ Այս հերոսները վտանգի են ենթարկել ամենաթանկը՝ սեփական կյանքը։ Ամենաքիչը՝ մենք պարտավոր ենք աջակցել նրանց եւ նրանց պայքարին՝ վառ պահելու համար մարդկային արժեքներն ու մեծահոգության ոգին», – հավելել է Վարդան Գրեգորյանը:

Aurora Dialogues հաջորդ երկխոսությունները տեղի կունենան ս.թ. հունիսին Երեւանում՝ որպես 2018 թ. «Ավրորա» մրցանակաբաշխության գլխավոր արարողությանը նախորդող միջոցառումների մաս։

 


Առնչվող նյութեր
1. 2018թ. «Ավրորա» մրցանակի դափնեկիր Չո Լա Աունի անունն արձանագրվեց «Մատյան Մարդասիրաց» ձեռագրում
2. Ավրորայի հերոսի անունը հնչեց Արարատի հովանու ներքո. փաստաբան Չո Լա Աուն/ Մյանմա/
3. «Aurora Prize»-ի 2017թ. դափնեկիրն ու 2018-ի հավակնորդները այցելեցին ցեղասպանության հուշահամալիր, հանդիպեցին Վեհափառի հետ
4. «Ավրորա» մրցանակի շնորհման արարողության գլխավոր գործընկերները
5. Հարութ Շիթիլյանը կդառնա «Ավրորայի» հաջորդ գործադիր տնօրենը
6. «Ավրորան»՝ ողջ աշխարհում
7. UWC քոլեջների ուսանողները կառաջարկեն մարդասիրական նոր նախագծեր
8. «Ավրորա» մարդասիրական նախաձեռնությունը ներկայացնում է Լամիյա Հաջի Բաշարի անվան կրթաթոշակը
9. «Ավրորա» մարդասիրական նախաձեռնության ամենամյա եռօրյա միջոցառումները տեղի կունենան 2018թ. հունիսի 8-10-ը:
10. «Ավրորա» մրցանակի փոստային նոր նամականիշ՝ Մեգիի պատկերով

Մեկնաբանություն

Վերջին լուրեր
1.ՀՈԼԱՆԴԻԱ. Մաստրիխտի քաղաքապետի այցը ,,ԱՆԻ,, հայ համայնք
2.Թագավորական ընտանիքի անունից ընթրիք՝ ի պատիվ Հայաստանի նախագահի
3.Հայաստանը կարևորում է Եվրոպական Միության շարունակական աջակցությունը երկրում իրականացվող բարեփոխումների գործընթացին. նախարար Զ. Մնացականյան
4.Նախագահ Արմեն Սարգսյանին հոբելյանի առթիվ շնորհավորել են Հայաստանի վարչապետն ու Արցախի նախագահը, Ռուսաստանի նախագահ Վ.Պուտինը,
5.Հայ երեխաները դարձան Պրահայի միջազգային երաժշտական փառատոնի դափնեկիրներ
6.Թերեզինում բացվել է «Հոլոքոստ. ոչնչացում, ազատագրում, փրկություն» խորագրով ցուցահանդեսը
7.«Արմաթ» տեխնոլոգիական ճամբար Հայաստանում՝ Գուգարք ճամբարում
8.«Սևան Ստարտափ Սամմիթ 2018»ը տեղի կունենա հուլիսին Սեւանում
9.«Գալուստ Կիւլպէնկեան» հիմնարկությունն ու սփյուռքի նախարարությունը կհամագործակցեն տեղեկատվական տեխնոլոգիաների ոլորտում
10.Ինչպե՞ս է չեխական զենքը հայտնվել Ադրբեջանում. բացահայտում են չեխ լրագրողները
Դիտել բոլորը
Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.Հայ բժշկուհիները օդանավում փրկեցին չինուհու կյանքը
6.Հայաստանի տիկնիկային թատրոնը հաղթեց Պրահայի միջազգային փառատոնում
7.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
8.Կարդինալ Դուկան անտուններին ճաշ տվեց իր նստավայրում, իսկ Պրահայի քաղաքապետը ձկնապուր բաժանեց Ստարոմեստսկա հրապարակում
9.Չեխիայի խորհրդարանը ճանաչեց Հայերի ցեղասպանությունը
10.«Միկոյանն իրադրության պատանդն էր, ինչ-որ չափով՝ ստալինյան զոհ»
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: