ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
25 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«Art Monaco» նկարների միջազգային ցուցահանդեսում հայկական տաղավարը ճանաչվել է լավագույնը

28 ապրիլի, 2014 | 17:04

monako 1Ապրիլի 24-27-ը Մոնակոյի «Գրիմալդի Ֆորում» սրահում կայացավ նկարների «Art Monaco» հեղինակավոր միջազգային ցուցահանդեսը, որին ավելի քան տասնյակ երկրների շարքում իր յուրահատուկ տաղավարով մասնակցում էր նաև Հայաստանը:

Ինչպես յուրաքանչյուր տարի, այս տարի ևս ցուցահանդեսն անցկացվել է բարձր մակարդակով, և այս կարևոր միջոցառմանը տարբեր երկրներից մասնակցել են բարձրաստիճան պետական, քաղաքական և հասարակական բազմաթիվ գործիչներ, հանրաճանաչ արվետագետներ և այլք:

monako 2Միջոցառմանը Հայաստանի մասնակցությունը այս տարի ապահովել էր ՀՀ սփյուռքի նախարարությունը: Որպես միջոցառման հայկական կողմի աշխատանքների կազմակերպման պատասխանատու՝ Մոնակոյում էր գտնվում նաև Սփյուռքի նախարարության Եվրոպայի հայ համայնքների վարչության պետ Հրաչյա Ասլանյանը: «Երևանի բարձր արվեստ» պատկերասրահի հարուստ հավաքածուով Մոնակո էր այցելել նաև միջոցառման համակազմակերպիչ, պատկերասրահի հիմնադիր-սեփականատեր Սարգիս Գրիգորյանը:

Այս տարի «Art Monaco» ցուցահանդեսի բացումը տեղի ունեցավ ապրիլի 24-ին և համընկավ Հայոց ցեղասպանության տարելիցի հետ, այդ իսկ պատճառով հայկական տաղավարում հիմնականում ցուցադրվել էին հայազգի հանրահայտ նկարիչների՝ Հայոց ցեղասպանության թեմայով նկարներ: Ցուցահանդեսում ներկայացվեցին գործեր Մ. Սարյանի, Հ. Այվազովսկու, Ժանսեմի, Արշիլ Գորկու, Լ. Թութունջյանի և այլ հայտնի նկարիչների հավաքածուներից: Այս միջոցառման շրջանակներում, բացի վերոնշյալ նկարիչների գործերից, Հայաստանի բազմաթիվ պատկերասրահներից և թանգարաններից Մոնակո էին տարվել հայազգի արվեստագետների աշխատանքները:

Հայկական տաղավարը մշտապես բազմամարդ էր: Հայազգի աշխարհահռչակ նկարիչների գլուխգործոցները դիտելու էին եկել ոչ միայն օտարերկրյա պատվիրակություններ և տեղի բարձրաստիճան հյուրեր, այլև հայ համայնքի ներկայացուցչական պատվիրակություններ աշխարհի տարբեր երկրներից՝ Ֆրանսիայից, Շվեյցարիայից, ԱՄՆ-ից, Իտալիայից, Մոնակոյից և այլն: Մարսելի փոխքաղաքապետ Դիդիե Պարակյանի նախաձեռնությամբ և հովանավորությամբ ավելի քան 50 անվանի ֆրանսահայեր, որոնց թվում՝ Մարսելի 13-րդ և 14-րդ թաղամասերի խորհրդի անգամ Կարո Հովսեփյանը, «Արարատ TV»-ի ղեկավար monako 3Ռիչարդ Ֆինդիկայնը, Ֆրանսիայի հայկական կազմակերպությունները համակարգող խորհրդի Մարսել և Պրովանս մասնաճյուղի ղեկավար Ժակ Տոնապետյանը, «Մարսել-Հայաստան» կազմակերպության փոխնախագահ Ֆրանկ Օհաննեսյանը, Ֆրանս-հայկական առևտրաարդյունաբերական պալատի անդամներ Ժակ Ավդոյանը և Ռոլանդ Վարդանյանը, դիզայներ-ոճաբան Նաիրա Սարգսյանը և այլք հնարավորություն են ունեցել ներկա գտնվելու միջոցառմանը և ծանոթանալ հայկական տաղավարում ներկայացված գործերին:

Միջոցառման շրջանակներում «Երևանի բարձր արվեստ» պատկերասրահի հիմնադիր Ս. Գրիգորյանը Դ. Պարակյանին է փոխանցել ցուցադրված նկարներից մեկը՝ Մարսելի քաղաքապետ Ժան-Կլոդ Գոդենին փոխանցելու նպատակով:

Այս տարի «Art Monaco» նկարների միջազգային ցուցահանդեսում Հայկական տաղավարը ճանաչվել է լավագույնը, իսկ «Art Monaco»-ի լոգոն զարդարել էր հայազգի գեղանկարիչ-քանդակագործ Լ. Թութունջյանի հեղինակավոր քանդակներից մեկի պատկերը:

Orer.eu


Առնչվող նյութեր
1. Նիկոլ Փաշինյանն ու Ամենայն Հայոց կաթողիկոսը այցելել են Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդես
2. «Հայրենիքն սկսվում է սահմանից» ռազմահայրենասիրական ցուցահանդեսը «Նարեկացի» արվեստի միությունում
3. Չինական գեղագրությունը և գրաֆիկան Հայաստանում
4. Լեհաստանաբնակ հայ նկարիչներ Հելեն Հարութի եւ Սուրեն Վարդանյանի ցուցահանդեսը Լուբաչով քաղաքում
5. «Քարերի պոեզիա. Անի». ցուցահանդես Երեւանում
6. Առաջին Հանրապետության 100-ամյակին նվիրված ցուցահանդեսի բացում Երեւանում
7. Հայաստանի Ազգային Պատկերասրահում բացվեց Վալմարի հոբելյանական ցուցահանդեսը
8. Արաքսիա Ղազարյանի «Մեր ակունքները» խորագրով ցուցահանդես Պրահայում
9. Բանակի սպառազինությունը և պաշտպանական տեխնոլոգիաները մեկ վայրում․Երևանում բացվեց «ArmHiTec-2018» միջազ­գային ցուցահանդեսը
10. Հայաստանն առաջին անգամ մասնակցեց Լայպցիգի Գրքի ամենամյա տոնավաճառին

Մեկնաբանություն

Վերջին լուրեր
1.Աշխարհի առաջնորդները միավորվում են երիտասարդությանը որակյալ կրթություն տրամադրելու նոր նախաձեռնության շուրջ
2.Նիկոլ Փաշինյանն ու Ամենայն Հայոց կաթողիկոսը այցելել են Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդես
3.Հայ-գերմանա-ֆրանսիական համատեղ միջոցառում Բեռլինում՝ նվիրված Երևանում կայանալիք Ֆրանկոֆոնիայի գագաթաժողովին
4.«Հայրենիքն սկսվում է սահմանից» ռազմահայրենասիրական ցուցահանդեսը «Նարեկացի» արվեստի միությունում
5.Վարչապետ Նիկոլ Փաշինյանը ՄԱԿ-ի կենտրոնակայանում մասնակցել է Նելսոն Մանդելային նվիրված խաղաղության գագաթաժողովի բացմանն ու հանդես եկել ելույթով
6.Անտոնիո Գուտերեշ. Հայաստանի հետ արդյունավետ համագործակցությունն առավել կամրապնդվի և կզարգանա
7.Հայաստանում պետք է իրականացնել ոչ թե բարեգործական, այլ զարգացման ծրագրեր. Նիկոլ Փաշինյան
8.Նորվեգիա. Հայկական խաչքարի օրհնություն և օծում Կրագերո քաղաքում
9.Հայրիկ Մուրադյանի «Հայրենի երգեր» ժողովածուն ներկայացվել է Երեւանում
10.Ռիգա. Հայաստանի և Լատվիայի հարյուրամյակներին նվիրված համերգ
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: