ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Արամ Ա կաթողիկոսը Ֆրանցիսկոս Պապին է ներկայացրել իր առաջարկները

06 ապրիլի, 2018 | 08:21

Հինգշաբթի, 5 Ապրիլի առաւօտեանն, Արամ Ա. վեհափառը Վատիկանի մէջ հանդիպում մը ունեցաւ Ֆրանցիսկոս պապին հետ: Արամ Ա. Կաթողիկոս նախ իր շնորհակալութիւնը յայտնեց պապին Հայոց Ցեղասպանութեան ճանաչման, ինչպէս նաեւ Լիբանանի գծով իր ցուցաբերած զօրակցութեան համար: Ապա կաթողիկոսը հետեւեալ հարցերը պապին ուշադրութեան յանձնեց.

1) Պայմաններու հետեւանքով եկեղեցիներ Գրիգորեան եւ Յուլեան տօնացոյցերու հետեւելով՝ Քրիստոսի յարութեան տօնը տարբեր թուականներու կը նշեն: Նկատի ունենալով որ յիշեալ հարցը աստուածաբանական բնոյթ չունի, այլ միայն տոմարական է, անհրաժեշտ է, որ եկեղեցիներուն միջեւ խորհրդակցաբար մէկ թուական մը ճշդուի որպէս եկեղեցւոյ միութեան արտայայտութիւն:

2) Ներկայ ժամանակներու ընկերաբարոյական հարցերը սկսած են ներքին բաժանումներ յառաջացնելու թէ՛ եկեղեցիներէ ներս եւ թէ եկեղեցիներու միջեւ: Անհրաժեշտ է, որ եկեղեցիներ առաջնահերթութիւն տան յիշեալ հարցերուն, քան անցեալէն ժառանգուած դաւանաբանական տարբերութիւններուն, որոնք փաստօրէն սկսած են դառնալու ժամանակավրէպ:

3) Ընդհանրապէս միջկրօնական եւ մասնաւորապէս՝ քրիստոնեայ-իսլամ յարաբերութիւնը, երկխօսութիւնը եւ գործակցութիւնը դարձած է հրամայական: Սպասելի է, որ բոլոր եկեղեցիները յատուկ կարեւորութիւն ընծայեն այս մարզին՝ միջեկեղեցական յարաբերութեան եւ աստուածաբանական երկխօսութեան ծիրէն ներս:

4) Քրիստոնէական ներկայութիւնը Միջին Արեւելքի մէջ սկսած է նուազելու: Սպասելի է, որ Վատիկանը յատուկ ուշադրութիւն ընծայէ շրջանին մէջ քրիստոնէական ներկայութեան եւ քրիստոնեայ-իսլամ գոյակցութեան:

Ֆրանցիսկոս պապը համաձայն գտնուեցաւ Վեհափառին մատնանշած հարցերուն եւ յայտնեց, որ այս ուղղութեամբ աշխատանք կը տարուի Վատիկանի կողմէ, նկատի ունենալով խնդրոյ առարկայ հարցերուն ներկայացուցած այժմէականութիւնը եւ կարեւորութիւնը:

Հայրապետը Վատիկան մեկնած էր ընդառաջելով Ֆրանցիսկոս պապին հրաւէրին՝ ներկայ գտնուելու Վատիկանի պարտէզին մէջ զետեղուելիք Ս. Գրիգոր Նարեկացիի արձանի զետեղման արարողութեան:

Յիշեցնենք, որ արձանը նուիրուած էր Հայաստանի Հանրապետութեան նախագահ Սերժ Սարգիսեանի կողմէ: Պապը նաեւ յատուկ հրաւէրներ ուղարկած էր նախագահ Սարգիսեանին, Գարեգին Բ. Ամենայն Հայոց կաթողիկոսին եւ հայ կաթողիկէ հոգեւոր տէր Գրիգոր Պետրոս Ի. պատրիարքին:

Արձանի բացումէն ետք, երկու վեհափառ հայրապետները եւ հոգեւոր տէրը ճաշի հիւրը եղան պապին, իրենց պատուիրակութեան անդամներուն հետ, իսկ երեկոյեան ներկայ գտնուեցան ի պատիւ նախագահին Վատիկանի մօտ Հայաստանի դեսպան Միքայէլ Մինասեանի կազմակերպած ճաշկերոյթին:

Նշենք, որ Արամ Ա. կաթողիկոսի պատուիրակութեան մաս կը կազմէին Արեւելեան Ամերիկայի Հայոց թեմի առաջնորդ Օշական արք. Չոլոյեան, Յունաստանի Հայոց թեմի առաջնորդ Գեղամ րք. Խաչերեան եւ Անթիլիասի Տեղեկատուական բաժանմունքի վարիչ Պետրոս վրդ. Մանուէլեան:

 


Առնչվող նյութեր
1. Վեհափառները նախագահին եւ վարչապետին խաղաղությամբ հարցերը լուծելու կոչ են արել
2. Վատիկանում տեղի ունեցավ Սուրբ Գրիգոր Նարեկացու արձանի բացման արարողությունը
3. Արամ Ա. Կը Մերժէ Երուսաղէմը Իսրլայէլի Մայրաքաղաք Նկատելու Մասին Նախագահ Թրամփի Յայտարարութիւնը
4. Ֆրանսայի նախագահին նամակը՝ Արամ Ա. կաթողիկոսին
5. Հռոմի Սբ. Նիկողայոս Հայ Կաթողիկե եկեղեցում նշվեց Հայաստանի ու Սուրբ Աթոռի միջև կապերի 25-ամյակը
6. Վատիկան. Սուրբ Աթոռում նշվեց Հայոց ցեղասպանության 102-րդ տարելիցը
7. «Էրտողան, փոխանակ Եւրոպային դաս տալու, հայ ժողովուրդին դէմ գործուած ոճիրը թող ընդունի». Արամ Ա
8. Չեխիայի նախագահը Հռոմի Պապին հրավիրել է Լիդիցե
9. ԴԷՊԻ ՎԵՐԱԿԱՆԳՆՈՒՄ ԿՈՉ ՀԱՅ ԺՈՂՈՎՈՒՐԴԻՆ՝ ՏԱԳՆԱՊԱՀԱՐ ՀԱԼԷՊԷՆ
10. Հալէպի Հայ Կաթողիկէ Համայնքը Դիմաւորեց ՆՍՕՏՏ Արամ Ա. Վեհափառ Հայրապետը. լուսանկարներ

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: