ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ամենայն Հայոց Կաթողիկոսի հովվապետական այցը ԱՄՆ Հայոց Արևմտյան թեմ. հանդիպումներ Մանուկյան դպրոցում եւ ,,Արարատ,, տանը

Նորին Սրբության ձեռամբ կատարվեց «Արարատ տան» նոր մասնաշենքի հուշաքարը
27 հոկտեմբերի, 2017 | 22:50

Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը ԱՄՆ Հայոց Արևմտյան թեմ Հայրապետական այցելության շրջանակներում հոկտեմբերի 26-ի առավոտյան այցելեց «Վաչե Մանուկյան» դպրոց և հանդիպեց աշակերտության հետ: 

Հայրապետական պատվիրակությանը Միացյալ Նահանգներում միացել էին ԱՄՆ Հայոց Արևելյան թեմի առաջնորդ Գերաշնորհ Տ. Խաժակ արքեպիսկոպոս Պարսամյանը, Կանադայի Հայոց թեմի առաջնորդ Գերաշնորհ Տ. Աբգար եպիսկոպոս Հովակիմյանը, ԱՄՆ Հայոց Արևելյան թեմի էկումենիկ կապերի պատասխանատու և թեմական նվիրակ Գերաշնորհ Տ. Վիգեն արքեպիսկոպոս Այքազյանը:

Հանդիպմանը ներկա էին նաև բարերարներ տեր և տիկին Վաչե և Թամար Մանուկյանները, ՀԲԸՄ նախագահ տիար Պերճ Սեդրակյանը և հավատացյալ այլ հայորդիներ:
Աշակերտները Վեհափառ Հայրապետին դիմավորեցին Հայրապետական մաղթանքի երգեցողությամբ: Խոսք ասվեց ուսուցիչների անունից, կրթական հաստատության սաները հանդես եկան գեղարվեստական կատարումներով: Վերջում Նորին Սրբությունն իր օրհնությունն ու մաղթանքները փոխանցեց սաներին ու մանկավարժներին և դպրոցին նվիրեց խաչքարի մանրակերտ:
Նույն օրը Վեհափառ Հայրապետն այցելեց «Արարատ տուն», որտեղ խնամք է մատուցվում հայ տարեցներին: Նորին Սրբությունն իր գնահատանքը հայտնեց հաստատության Խնամակալ մարմնին, աշխատակիցներին, Հայրապետական օրհնություն ու բարեմաղթանքներ բերեց տարեցներին:

Հայոց Հայրապետը խնամատար հաստատությանը նվիրաբերեց Գևորգ Սուրենյանցի «Տիրամոր» սրբապատկերի կրկնօրինակը: Այնուհետ Նորին Սրբության ձեռամբ կատարվեց «Արարատ տան» նոր մասնաշենքի հուշաքարի օրհնության արարողությունը:

Երեկոյան Սրբոց Ղևոնդյանց առաջնորդանիստ մայր եկեղեցում տեղի ունեցավ «Հրաշափառ»-ի արարողություն` ներկայությամբ թեմի հոգևոր դասի և բազմաթիվ հավատացյալների, քույր Եկեղեցիների ներկայացուցիչների և պետական այրերի:
Հավատավոր ժողովրդին ուղղված խոսքում Նորին Սրբությունն իր շնորհավորանքներն ու բարեմաղթանքները բերեց թեմի հաստատման 90-ամյակի առիթով՝ գնահատելով ամերիկահայության ձեռքբերումներն ու հաջողությունները համայնքի ազգային-եկեղեցական կյանքում:
Վեհափառ Հայրապետը ամերիկաբնակ հայորդիներին մաղթեց Աստծու ամենառատ շնորհներն ու օրհնությունները՝ հորդորելով, որ աստվածահաճո կյանքով, անսպառ եռանդով, ազգային ու հոգևոր կյանքի բարօրության ու պայծառության տեսլականով շարունակեն եկեղեցաշեն ու ազգօգուտ գործերը:

«Հրաշափառ»-ի արարողությունից հետո հավատացյալները մոտեցան Հայրապետի Աջը համբուրելու և Նորին Սրբության օրհնությունը ստանալու:


Առնչվող նյութեր
1. Գարեգին Բ- Նիկոլ Փաշինյան հանդիպում Մայր Աթոռում
2. Ամենայն Հայոց Կաթողիկոսն ընդունեց Հայկական Բարեգործական Ընդհանուր Միության նախագահին
3. Հ.Բ.Ը.Միութեան կալուածի վաճառման համաձայնագրի վերջին զարգացումները քննարկվել են Կանադայի թեմի անդամական ժողովում
4. Մայր Աթոռ Սուրբ Էջմիածնում նշվեց Գարեգին Բ Ամենայն Հայոց Կաթողիկոսի օծման և գահակալության 19-րդ տարեդարձը
5. Մայր Աթոռ Ս. Էջմիածնում ավարտվեց Գերագույն հոգևոր խորհրդի ժողովը
6. Նոր հնարավորություներ՝ Հայաստանի ֆրանսախոսների համար
7. Ամենայն Հայոց Կաթողիկոսն ընդունեց Կանադայի վարչապետին
8. ՀԲԸՄ-ն սգում է հայ ժողովրդի հպարտություն Շառլ Ազնավուրի կորուստը
9. Նիկոլ Փաշինյանն ու Ամենայն Հայոց կաթողիկոսը այցելել են Նյու Յորքի Մետրոպոլիտեն թանգարանում բացված «Արմենիա» խորագրով ցուցահանդես
10. Ուշագրավ համերգների և դասախոսությունների շարքը հայկական երաժշտությունը հասցրեց Ասիա՝ կամրջելով դարավոր ժողովրդական ավանդույթները

Մեկնաբանություն

Վերջին լուրեր
1.Գարեգին Բ- Նիկոլ Փաշինյան հանդիպում Մայր Աթոռում
2.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
3.Արման Նուռի անհատական մեծ ցուցահանդեսը Վենոզայում
4.Հայաստանի դպրոցներում կներդրվի Աշխարհատեղեկատվական համակարգը
5.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
6.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
7.Յուրի Վարդանյանի հուղարկավորությունը Կոմիտասի պանթեոնում
8.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
9.Չեխական «Դոմեստիկ» ֆիլմը կցուցադրվի Երեւանում
10.Ամենայն Հայոց Կաթողիկոսն ընդունեց Հայկական Բարեգործական Ընդհանուր Միության նախագահին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: