ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Եւրոպայի 2017ի Ֆոնեթոնին Հանգանակուած Է 1.23 Միլիոն Եուրօ

23 նոյեմբերի, 2017 | 21:40

 

«Հիմնատաւուշ» նշանակալից  ու համապարփակ իրագործումը

Ֆրանսայի «Հայաստան» հիմնադրամի —որուն առընչուած են նաեւ Եւրոպայի Հայկական հիմնադրամները,— Ֆոնեթոնը, տարիներու ընթացքին դարձած է ֆրանսահայ համայնքային կեանքին ընկերային կարեւորագոյն իրադարձութիւնը։ Որեւէ այլ ժամանակակից ձեռնարկ չի կրնար մրցիլ Ֆոնեթոնի երեւոյթին հետ։ Դասական աւանդական ծիսակատարութիւններուն՝ Զատիկին, Ծնունդին, կամ Ապրիլ 24-ին ազգային ոգեկոչման նման երեւոյթ դարձած է Ֆոնեթոնը։ Չորս օրուան ընթացքին՝ 600 կամաւորներու ժրաջան աշխատանքը կապուելու տասնեակ հազարաւոր ընտանիքներու, կազմակերպութիւններու, ընկերութիւններու պատասխանատուներուն հետ, կազմակերպչական հսկայական աշխատանքի արդիւնք է, ցանցային աշխատանքի նոր մշակոյթ, որուն յաջողութեան փաստն է Ֆրանսահայութեան եւ եւրոպահայութեան անխախտ վստահութիւնը, ամուր կառչումը հայրենասիրութեան նման արտայայտութեան՝ ամէնամեայ Ֆոնեթոնին։

2017 Նոյեմբեր 19-ին, Ֆոնեթոնի փակման արարողութեան՝ Պետրոս Թերզեան ընդգծեց ընկերային հաղորդակցութեան, հեռաձայնով ստեղծուած մարդկային շփումին կարեւորութիւնը, ջերմութիւնը։ Անկախ՝ նաեւ տարբեր հորիզոններէ համախմբուած 600 հոգիին անմիջական հանդիպումէն ծնած ծանօթութիւններէն, գործակցութենէն եւ անկէ յառաջացած ու հաստատուած կայուն բարեկամական յարաբերութիւններէն։

Ի՛նչ ալ ըլլան գաղափարական ընկալումները այս երեւոյթին՝ թեր կամ դէմ, հայկական երկու Հանրապետութիւններուն անկախութեան նեցուկ հանդիսանալու գործին, զուտ մարդասիրական դիտանկիւնէն մօտեցումին տեւականացման, աւանդութեան վերածումին՝ Հայաստանի անկախութենէն 26 տարի ետք, կամ՝ քաղաքական ու բարոյական գետնի վրայ՝ անցեալին ու ներկայիս Հայաստանը կառավարող անձնաւորութիւններուն տուած մեր գնահատականին, —վերջապէս «Հայաստան» հիմնադրամը նաեւ պետական կառոյց է, որուն նախագահն է Հայաստանի Հանրապետութեան նախագահը,— անուրանալի է Ֆոնեթոնի կազմակերպիչներուն անսակարկ նուիրումը Հայաստանի տնտեսական զարգացման գործին, որուն անսպասելի առաւելութիւններէն մէկն է ֆրանսահայ համայնքին ներքին կեանքին զարգացման եւ աշխուժացման բերած նպաստը։

Անշուշտ եթէ Հայաստանի պետական համակարգը անկախութենէն ի վեր ի վիճակի ըլլար երկիրը կառավարելու աւելի քաղաքակիրթ կերպով, բնականաբար Հիմնադրամին գործունէութեան դաշտը բոլորովին այլ կ՚ըլլար։ Սակայն ներկայիս քաղաքական պայմանները տակաւին կը պարտադրեն ցուցաբերել տարրական մարդասիրութիւն, բարեսիրութիւն պետական համակարգին ամրապնդումին համար։

Սակայն, բարեսիրական ըլլալով հանդերձ, Ֆրանսայի հիմնադրամին բերած նպաստին ետին կայ համագործակցական, «քաղաքակրթական» նոր մշակոյթ հաստատելու շատ կարեւոր ազդակը, որ սարսափելի կերպով կը բացակայի Հայաստանի հանրային կեանքին մէջ։ Հիմնադրամը որակային, դաստիարակիչ նոր արժեհամակարգ կը հաստատէ —թերեւս մեծագոյն ներդրումը Հիմանդրամի ղեկավարութեան,— որ կ՚առաջնորդէ տեղական համայնքներու տնտեսական ինքնաբաւարարման, ինքնանկախութեան, տեղական համայնքային գործակցութեան, իրերօգնութեան, նոր ընկերային յարաբերութիւններու հաստատումին, կոտրելով տիրող վայրի ազատականապաշտ շուկայական գերշահոյթի մտայնութիւնը, անշուշտ եթէ տեղական կամ կեդրոնական իշխանութիւնները չխանգարեն գործունէութեան բնական ընթացքը։

Այս առընչութեամբ կը բաւէ թերթատել Ֆրանսայի Հիմնադրամին հրատարակած եռամսեայ լրատուին Սեպտեմբերի թիւը (Le Courrier N° 88), անդրադառնալու որ տնտեսական ներդրումներուն ետին կայ գաղափարական, մտածողական ներդրում, որուն լաւագոյն օրինակն է «Հիմնատաւուշ» ծրագիրին իրագործումը, որու շրջանակին մէջ Հայաստանի հիւսիսարեւելեան ծայրամասը գտնուող Ազարպայճանի սահմանամերձ շրջանին մէջ, տեղւոյն անմիջական առարկայական պահանջներէն բխած, գիւղական նոր տնտեսական համակարգ մը կը հաստատուի, օժանդակութեամբ Փարիզի շրջանի Հօ-տը-Սէնի նահանգապետարանի գանձատրումին. ծրագիրը կը յարգէ նաեւ բնապահական նորագոյն չափանիշերը, կը դիմէ արեգակնային լուսաջերմուժին, կը հիմնուի մասնագիտական կրթական գիտութեան վրայ։

Տաւուշի շրջանի զարգացման ծրագիրը մեծագումար ներդրում չէ պահանջած, աւելի մեծ է այնտեղ մտածողական կազմակերպչական մարդկային գործօնը։ Ֆրանսայի «Հայաստան» հիմնադրամի այս նախաձեռնութիւնը համազօր է քաղաքական մեղմ յեղաշրջումի։ Յետադիմական կարծրատիպերը կոտրելու յամրաքայլ ռազմավարութիւն մը, որ դիւրաւ կարելի է տարածել այլ գաւառներու, լքեալ գիւղական շրջաններու վրայ, եթէ գտնուի զայն տարածելու քաղաքական կամքը։
Ճամբան դեռ երկար է բարգաւաճ, արդար ու անկախ Հայաստան մը կերտելու, սակայն անկասկած Տաւուշի փորձը կարեւոր ձեռքբերում մըն է այդ ուղղութեամբ։

Ժ.Չ.

Նոր Յառաջ , Փարիզ


Առնչվող նյութեր
1. Նիկոլ Փաշինյանը Փարիզում մասնակցել է Առաջին աշխարհամարտում կնքված զինադադարի 100-ամյակին նվիրված արարողությանը
2. ՀՀ անկախության 27-ամյակին նվիրված ընդունելություն Փարիզում
3. Վալանս. մանուկներու մշակոյթի արուեստանոցը այս անգամ նուիրուած էր Շարլ Ազնաւուրին
4. «ԱՐԵՎԵԼՅԱՆ ՃԱԿԱՏԻՑ 100 ՏԱՐԻ ԱՆՑ. ՀԱՅԱՍՏԱՆԸ ԵՎ ՄԵՐՁԱՎՈՐ ԱՐԵՎԵԼՔԸ ՊԱՏԵՐԱԶՄԻ ՈՒ ԽԱՂԱՂՈՒԹՅԱՆ ՄԻՋԵՎ» խորագրով միջազգային գիտաժողով Լիոնում՝ նոյեմբեր 9-10
5. Մակրոնը այցելեց Հայոց ցեղասպանության հուշահամալիր
6. «Հայաստան» բառը շատ նուրբ ու հուզիչ զգացում է առաջացնում ֆրանսիացիների հոգում-Էմանուել Մակրոն
7. Ստրասբուրգ. Եվրոպայի խորհրդում նշվեց Հայաստանի Անկախության տոնը
8. Նախագահ Արմեն Սարգսյանը Փարիզում եւ Շամոնում՝ Մտքերի գագաթնաժողովի շրջանակում հանդիպել է տասնյակից ավելի ընկերությունների ղեկավարների հետ
9. Հայաստանի անկախության 27-ամյակին նվիրված միջոցառում Լիոնում
10. Փարիզում սփյուռքի նախարարության և «Հայասա» ֆեդերացիայի միջև ստորագրվեց հուշագիր

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: