ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

19-ամյա Վազգեն Զաքարյանի՝ «Հայ կերպարվեստը 20-21-րդ դարերում» շքեղ պատկերագրքի շնորհանդեսը

21 նոյեմբերի, 2016 | 10:23

«Հայ կերպարվեստը 20-21-րդ դարերում». դժվար է հավատալ, որ բարձրարժեք այս աշխատության հեղինակն ընդամենը 19-ամյա երիտասարդ է, որը ծնվել, մեծացել է Մոսկվայում, ուսանել իրավաբանական ակադեմիայում: Սակայն երկրորդ կուրսից տեղափոխվել է Հայաստան և այժմ սովորում է Երևանի սլավոնական համալսարանում:

vazgen-zakarian-1

 

Ինչպես տեղեկացնում է Հայաստանի մշակույթի նախարարությունը, Վազգեն Զաքարյանի՝ «Հայ կերպարվեստը 20-21-րդ դարերում» գրքի շնորհանդեսը տեղի կունենա նոյեմբերի 22-ին,ժամը 19:00-ին,Մոսկվայի տանը:
«Մասնագիտությամբ իրավաբան եմ, սակայն միշտ սիրել ու ապրել եմ հայկական արվեստով: Աշխատանքը գրքի վրա սկսել եմ 16 տարեկանից: Ինձ օգնել է մասնագիտական լուրջ թիմ, որի աջակցությամբ էլ ստեղծվեց ժողովածուն, որում ներկայացված են 20-21-րդ դարերի 100 լավագույն հայ նկարիչերը: Տեղափոխվեցի Երևան, երբ ժողովածուն պետք էր արդեն տպագրական տեսքի բերել»,-պատմում է Վազգեն Զաքարյանը: Նրա խոսքով՝ գրքում ներկայացված են ոչ միայն հայաստանյան, այլև աշխարհի հայ նկարիչները, քանի որ «հայի տունն այսօր, ցավոք, ողջ աշխարհն է»:
«Մենք ՝ հայերս, ունենք հազարամյակների ընթացքում կուտակված մշակութային հսկայական ժառանգություն, և հայ կերպավեստն այսօր լավագույնս արտահայտում է այն, ինչ կուտակված է մեզանում: Սա մեր էությունն է, մեր մտածողությունը, հույզերն ու ապրումները՝ արտահայտված Սարյանի, Քոչարի ու մյուս մեծերի գույներով, ձեռագրով: Նրանք այսօր ունեն իրենց արժանի շարունակողները: Մեր պարտքն է ներկայացնել, որ անկախ Հայաստանում ևս հայ կերպարվեստն անկում չի ապրել և ունակ է զբաղեցնելու իր արժանի տեղը արվեստի համաշխարհային ընտանիքում»:
Վազգեն Զաքարյանի գիրքը կունենա շարունակություն: Ըստ հեղինակի՝ սա աշխատանք է, որը չունի ավարտ,քանի որ արվեստը ևս անավարտ է: Ոգեշնչման պակաս, կարծես, ևս չկա.
«Հայաստանն այն վայրն է, որն ինձ անընդհատ ոգեշնչում է: Սա իմ հողն է, իմ հայրենիքը, և ես ամենուր դա ընդգծում եմ, անգամ ՝ գրքում: Մենք ունենք մշակութային մեծ շերտ, որին առ այսօր ձեռք չի դիպել, և այդ շերտը պետք է բացահայտել»:
#ArmMinCult

vazgen-zakarian-book


Առնչվող նյութեր
1. Ցուցահանդես՝ նվիրված Հովհաննես Զարդարյանի ծննդյան 100-ամյակին
2. Լիլիթ Տոնականյանի անհատական ցուցահանդեսը Նկարիչների միությունում
3. Միքայել Օհանջանյանի նոր հաղթանակը Իտալիայում. գլխավոր մրցանակ Ֆլորենցիայի մրցույթում
4. Արման Վահանյանի «Տեսողական գոյացություններ» խորագրով ցուցահանդեսը գերմանական Ֆրայբուրգում
5. Ապրիլի 12-ից Արաքսյա Ղազարյանի ցուցահանդեսը Պրահայում
6. Արա Հարությունյան. Մոնումենտալ երևակայում» ցուցադրությունը Գաֆէսճեան կենտրոնում
7. Նվարդ Զարյանի 100-ամյակին նվիրված ցուցահանդես Երեւանում
8. Լիլիթ Սողոմոնյանը նկարչության միջոցով զգացմունքներ է արթնացնում. Պրահայի ցուցահանդեսի արձագանքները
9. Մանե Հովհաննիսյանի լուսանկարչական ցուցահանդեսը Քյոլնում
10. Սարո Գալենցն արվեստի, ծնողների եւ ընտանիքի մասին

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: