ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ֆրանսիական Նանսիի նորաստեղծ հայ համայնքը. Պատմում է համայնքի հիմնադիր-նախագահ Արթուր Ավետյանը

18 օգոստոսի, 2017 | 21:10

 

Ֆրանսիայի հյուսիսի կենտրոնում գտնվող Նանսի քաղաքի հայ համայնքը նորաստեղծ է, կազմավորվել է  2011 թվականին Արթուր Ավետյանի գլխավորությամբ։  Արթուրը ծնվել է  Հայաստանում, Արմավիրի մարզի Շենավան գյուղում, երկու տարի սովորել է Երեւանի մանկավարժական համալսարանի բանասիրության ֆակուլտետում։ Արդեն տասը տարի է բնակվում է Ֆրանսիայում։ 2014 թվականից նա նաեւ Նանսիում Հայաստանի առեւտրաարդյունաբերական պալատի ներկայացուցիչն է եւ փորձում է նպաստել Հայաստանի հետ տնտեսական կապերի զարգացմանը։

Արթուր Ավետյան

Ինչպես նշում է համայնքի նախագահը, Նանսիում ապրում է մոտ 3000 հայ։  2001 թվականին Նանսիում բացվել է ,,Հայասա,, մշակութային տունը, որտեղ տասնյակ հայ երեխաներ հաճախում են մայրենի լեզվի, պարի, հայոց պատմության, երգ-երաժշտության  դասերի։

,,2012-ին Նանսիում բացվեց նաեւ Համազգային Հայ մարմնակրթական միության մասնաճյուղ, որի հետ համայնքային կառույցը սկսել է համագործակցել։ Այս տարվանից կգործի նաեւ Համայգայինի մարզական ակումբը, ծանրամարտիկ Նորայր Մուրադյանի ղեկավարությամբ։ Դա կբարձրացնի նաեւ մեր երեխաների մարզական ոգին,,- ասում է համայնքի ղեկավարը։

Համայնքի ղեկավարի ասելով Նանսիի հայ մշակույթի տան կայացման գործում մեծ ներդրում են ունեցել ուսուցչուհիներ Ելենա Շահինյանը, Շուշանիկ Գեւորգյանը, Ռուզաննա Ադամյանը, Լարիսա Առաքելյանը, Անժելա Մերոյանը։

Իսկ Արթուր Ավետյանի ջանքերով 2014-ին Նանսիում առաջին անգամ հիմնադրվել է տարածաշրջանային հայկական ռադիոժամ՝ HAYASA FM-ը, որի կայացմանը նպաստեցին լրագրողներ Մերինե Թադեւոսյանը եւ Լուսինե Տերտերյանը։ Կարճ ժամանակաընթացքում մշակութային տան պարային համույթը հանդես է եկել բազմաթիվ համերգային ծրագրերով շնորհիվ պարուսույցներ  Հակոբ Ասլանյանի եւ Տաթեւիկ Հայրապետյանի նվիրվածության ու պրոֆեսիոնալ ջանքերի։

Համայնքը չունենալով հայկական եկեղեցի, կարողացել է կազմակերպել հոգեւոր կյանքը՝ կաթոլիկ եկեղեցում հայ հոգեւորականների մասնակցությամբ բազմիցս կազմակերպվել են  պատարագներ, իսկ  2016 թվականին Արթուր Ավետյանի հովանավորությամբ կատարվել է մկրտության արարողություն, որի ընթացքում միանգամից 30 երեխա է մկրտվել։

2015-ին հիմնվել է ,,Երկրապահ,, կամավորականների միություն, նպատակ ունենալով բարձրացնել ֆրանսահայերի ռազմահայրենասիրական ոգին։  Իզուր չէ, որ  Ապրիլյան պատերազմի օրերին համայնքը նաեւ իր մասնակցությունն ունեցավ Արցախին օգնություն ուղարկելու հարցում։

Վերջին տարիներին մշտապես հիշատակվել է  Ապրիլի 24-ը,  Հայոց ցեղասպանությունը նվիրված բազմաթիվ կինոդիտումներ են կազմակերպվել, իսկ 2015 թվականին համայնքի ուժերով երկու խաչքար է տեղադրվել՝  ի հիշատակ ցեղասպանության զոհերի։

Համայնքի կազմակերպման գործը շարունակվում է, նոր ծրագրերի իրականցումը՝ նույնպես։ Նանսիի հայ համայնքը համագործակցում է Ֆրանիսայի բոլոր ավանդական հայկական կազմակերպությունների հետ։ Արթուր Ավետյանի ասելով, ծրագրվում է մոտ ապագայում ստեղծել նաեւ Ֆրանսիայի հյուսիսի բոլոր հայկական միություններից կազմված կազմակերպություն։

 

ՕՐԵՐ

Orer.eu


Առնչվող նյութեր
1. Նիկոլ Փաշինյանը Փարիզում մասնակցել է Առաջին աշխարհամարտում կնքված զինադադարի 100-ամյակին նվիրված արարողությանը
2. ՀՀ անկախության 27-ամյակին նվիրված ընդունելություն Փարիզում
3. Վալանս. մանուկներու մշակոյթի արուեստանոցը այս անգամ նուիրուած էր Շարլ Ազնաւուրին
4. «ԱՐԵՎԵԼՅԱՆ ՃԱԿԱՏԻՑ 100 ՏԱՐԻ ԱՆՑ. ՀԱՅԱՍՏԱՆԸ ԵՎ ՄԵՐՁԱՎՈՐ ԱՐԵՎԵԼՔԸ ՊԱՏԵՐԱԶՄԻ ՈՒ ԽԱՂԱՂՈՒԹՅԱՆ ՄԻՋԵՎ» խորագրով միջազգային գիտաժողով Լիոնում՝ նոյեմբեր 9-10
5. Մակրոնը այցելեց Հայոց ցեղասպանության հուշահամալիր
6. «Հայաստան» բառը շատ նուրբ ու հուզիչ զգացում է առաջացնում ֆրանսիացիների հոգում-Էմանուել Մակրոն
7. Ֆրանսահայ լուսանկարիչ Գրիգոր Ճօլօլեանի հազվագյուտ ու անտիպ լուսանկարները՝ Հայոց ցեղասպանության թանգարանում
8. Վարդան Մամիկոնյանի անմոռանալի համերգը Պրահայում. նա հիշեց նաեւ Ազնավուրին
9. Ստրասբուրգ. Եվրոպայի խորհրդում նշվեց Հայաստանի Անկախության տոնը
10. Նախագահ Արմեն Սարգսյանը Փարիզում եւ Շամոնում՝ Մտքերի գագաթնաժողովի շրջանակում հանդիպել է տասնյակից ավելի ընկերությունների ղեկավարների հետ

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: