ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ֆրանսահայ երգչուհի Ռոզի Արմենին՝ «Կոմիտաս» մեդալ

09 մարտի, 2013 | 23:52

ԵՐԵՎԱՆ- Բարձր գնահատելով ֆրանսահայ հանրահայտ երգչուհի Ռոզի Արմենի վաստակը Սփյուռքում հայկական երգարվեստը տարածելու գործում, ստեղծագործական և կատարողական բարձր վարպետության և Հայաստան-Սփյուռք գործակցության զարգացմանը նպաստելու համար երգչուհին մարտի 9-ին պարգևատրվեց ՀՀ սփյուռքի նախարարության «Կոմիտաս» մեդալով: Հանձնելով մեդալը, ՀՀ սփյուռքի նախարար Հրանուշ Հակոբյանն ասաց. «20-րդ դարասկզբի Հայոց Ցեղասպանությունից հետո Ֆրանսիան այն պետությունն էր, որը ջերմորեն ընդունեց բազմաթիվ հայերի: Ֆրանսիայում են կայացել ու հռչակ ձեռք բերել այնպիսի մեծ անհատականություններ, ինչպիսիք են Շառլ Ազնավուրը, Միշել Լեգրանը, Անրի Վերնոյը և ուրիշներ: 20-րդ դարի կեսերին նրանց անունների կողքին հայտնվեց նաև Ռոզի Արմենի անունը, ով իր նուրբ ու բացառիկ ձայնով, հմայիչ ու կանացի բեմական կերպարով գերեց ոչ միայն հայերի, այլև օտարների սրտերը»:

Երգչուհին շնորհակալություն հայտնեց բարձր պարգևի արժանանալու համար և նշեց, որ հայ երաժշտության մեծ երախտավորի` Կոմիտասի անունը կրող մեդալը ոգևորիչ է և միևնույն ժամանակ պարտավորեցնող:

Հանդիպման ընթացքում Ռոզի Արմենը պատմեց իր մշակութային գործունեության, անցած ուղու և ունեցած ձեռքբերումների, նշանավոր հայ գործիչների հետ հանդիպումների ու նրանցից քաղած դասերի մասին: Ապրելով ու ստեղծագործելով Ֆրանսիայում՝ Ռոզի Արմենը փորձել է ճանաչել ու պահպանել հայկական ավանդույթները: Նրա ստեղծագործական գործունեության առանցքում եղել է հայ մշակույթը աշխարհին հավուր պատշաճի ներկայացնելու գաղափարը: Այս մասին հայտնում է ՀՀ սփյուռքի նախարարության մամուլի ծառայությունը։

 

Orer.eu

 

 


Առնչվող նյութեր
1. ԿԱՆՆ. Հայաստանի պարգեւներ Ռոզի Արմենին եւ Ռոբեր Գեդիգյանին

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: