ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ֆրանկոֆոնիայի միջազգային օրվան նվիրված միջոցառում Լոնդոնում

24 մարտի, 2018 | 21:47

Մարտի 22-ին Լոնդոնում Ֆրանսիայի դեսպանի նստավայրում տեղի ունեցավ Ֆրանկոֆոնիայի միջազգային օրվան նվիրված ընդունելություն, որին, որպես Ֆրանկոֆոնիայի միջազգային կազմակերպության 2018թ. գագաթաժողովը հյուրընկալող և նախագահությունը ստանձնող երկրի ներկայացուցիչ, ելույթ ունեցավ Միացյալ Թագավորությունում ՀՀ դեսպանության դեսպանորդ Արմեն Լիլոյանը:

Արմեն Լիլոյանն իր խոսքում ներկայացրեց Հայաստանի հարուստ մշակութային ժառանգությունը և պատմությունը՝ ընդգծելով այն ընդհանուր արժեքները, որոնք ընկած են Ֆրակոֆոնիային Հայաստանի անդամակցության և համագործակցության հիմքում: Անդրադառնալով ներկայումս Հայաստանում ընթացող «Ֆրանկոֆոնայի երկամսյակին»՝ ՀՀ ներկայացուցիչը նշեց, որ դրա շրջանակներում Երևանում և Հայաստանի տարբեր մարզերում անցկացվելու է շուրջ 600 մշակութային և կրթական միջոցառում:

Ելույթով հանդես եկավ նաև ՄԹ-ում Ֆրանսիայի դեսպան Ժան-Պյեր Ժույեն, ով իր խոսքում անդրադարձավ հոկտեմբերին Երևանում կազմակերպվելիք գագաթաժողովին և հաջողություն մաղթեց Հայաստանին այդ կարևոր առաքելությունում:

Միջոցառմանը ներկայացվեցին նաև գագաթաժողովի նախապատրաստական աշխատանքները, ինչպես նաև գագաթաժողովի շրջանակներում նախատեսված միջոցառումները: Արմեն Լիլոյանը հատուկ շնորհակալություն հայտնեց Ֆրանսիային, Ֆրակոֆոնիայի բոլոր անդամ երկրներին, այդ թվում ներկայիս նախագահող՝ Մադագասկարին, գործուն աջակցության համար:

Ընդունելությանը ներկա էին Լոնդոնում հավատարմագրված դեսպաններ, դիվանագիտական կորպուսում Թագուհու ներկայացուցիչը, մշակույթի գործիչներ, լրագրողներ, բրիտանական կառավարական, հասարակական հաստատությունների ներկայացուցիչներ, ՄԹ-ում ֆրանկոֆոն համայնքի անդամներ:


Առնչվող նյութեր
1. Վավերացումից հետո Շենգենյան վիզան անվճար կլինի թոշակառուների, երեխաների, հաշմանդամների եւ այլ խմբերի համար

Մեկնաբանություն

Վերջին լուրեր
1.Վահագն Աթաբեկյանը՝ Լիբանանում Հայաստանի դեսպան
2.Սամվել Մկրտչյանը՝ Լեհաստանում Հայաստանի դեսպան
3.Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում
4.Հ.Բ.Ը.Միութեան կալուածի վաճառման համաձայնագրի վերջին զարգացումները քննարկվել են Կանադայի թեմի անդամական ժողովում
5.Սարիկ Անդրեասյանի «Չներվածը» ներկայացվեց Պրահայի հանդիսատեսին
6.«Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
7.ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
8.Գագիկ Ղալաչյանը՝ Ղազախստանում Հայաստանի դեսպան
9.Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
10.ՀՀ մշտական ներկայացուցիչ դեսպան Արման Կիրակոսյանի հայտարարությունը ԵԱՀԿ Մշտական Խորհրդի նիստին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: