ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
26 ապրիլի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ֆելիքս Բախչինյանի գրքերի շնորհանդեսը

11 նոյեմբերի, 2017 | 12:37

 Նոյեմբերի 9-ին Երևանի Քաղաքապետարանի Իսահակյանի անվան կենտրոնական գրադարանում տեղի ունեցավ գրականագետ,թարգմանիչ, Հայաստանի Ֆրիտյոֆ Նանսեն հիմնադրամի նախագահ, համանուն թանգարանի տնօրեն, Վրաստանի հասարակական գիտությունների ակադեմիայի ակադեմիկոս, Ֆելիքս Բախչինյանի «Հույսի և հավատի ասպետը», «Նահապետը» և «Ֆադեյ Տաճատի Սարգսյան»  գրքերի շնորհանդեսը։

Հավաքվել էին տարբեր սերունդների ներկայացուցիչներ, մտավորականներ, գրականագետներ՝մասնակցելու սիրված գրականագետ ու մտավորական Ֆելիքս Բախչինյանի հեղինակած «Հույսի և հավատի ասպետը (ներկայացված են Հայաստանի Հանրապետության վարչապետ Անդրանիկ Մարգարյանի կյանքն ու գործունեությունը)», «Նահապետը (ներկայացված են Հայաստանի Հանրապետության պետական ու քաղաքական գործիչ Վլադիմիր Մովսիսյանի  կյանքն ու գործունեությունը)» և «Ֆադեյ Տաճատի Սարգսյան» (ներկայացված են Հայաստանի Հանրապետության Գիտությունների Ազգային Ակադեմիայի նախագահ Ֆադեյ Սարգսյանի  կյանքն ու գործունեությունը)  գրքերի շնորհանդեսին։

Միջոցառումից առաջ, հանդիսատեսն ականատեսն եղավ գրադարանում ցուցադրվող երեք երախտավորներին նվիրված ֆիլմերին՝ պատմական էքսկուրս կատարելով դեպի հեռավոր խորհրդային տարիները եւ վերհիշելով սիրված գործիչների կյանքն ու գործունեությունը։

Միջոցառման ժամանակ բացման ու ողջույնի խոսքով հանդես եկավ Հայաստանի Գրողների Միության նախագահ, ՀՀ մշակույթի վաստակավոր գործիչ Էդուարդ Միլիտոնյանն, ով խոսեց Ֆելիքս Բախչինյանի գործունեության մասին։

Այնուհետև ելույթներով հանդես եկան հեռուստալրագրող,բանասիրական գիտությունների դոկտոր Սերգո Երիցյանն, ով իբրեւ ժամանակակից ներկայացրեց սիրված մտավորականներին՝ Անդրանիկ Մարգարյանին, Ֆադեյ Սարգսյանին ու Վլադիմիր Մովսիսյանին, իսկ հանդիսատեսը մի ակնթարթում պատմական էքսկուրս կատարեց այդ պատմական ժամանակները։

Ելույթներով հանդես եկան նաև բանաստեղծներ երգիծաբան մանկագիրներ, դրամատուրգ,արձակագիրներ Սուրեն Մուրադյանը և Լիպարիտ Սարգսյանը,բանախոսությամբ հանդես եկան նաև Հայաստանի Հանրապետության Արտակարգ իրավիճակների նախարարի խորհրդական գրող Անդրանիկ Հակոբյանը,արձակագիր,հրապարակախոս Դավիթ Սարգսյանը,տնտեսագետ Սիմոն Աբրահամյանը, դպրոցի տնօրեն Գրետա Թունյանը, ընթերցողներ Վանուշ Շերմազանյանը,Վազգեն Խաչիկյանը։ Հանդիսությունը վարում և իր գեղեցիկ ասմունքներն էր հանդիսատեսին նվիրում դերասանուհի Գայանե Սամվելյանը։

Միջոցառման վերջում շնորհակալական ու ամփոփիչ ելույթով հանդես եկավ Ֆելիքս Բախչինյանը՝հույս հայտնելով, որ նմանատիպ աշխատանքները կլինեն շարունակելի՝ հայազգին ու երիտասարդ սերնդին մնացած մտավորականների կյանքին ու գործունեությանը առավել մոտիկից ծանոթացնելու համար։

Գարիկ Ավետիսյան

Լուսանկարները՝Սիրարփի Կարապետյանի


Առնչվող նյութեր
1. Լիպարիտ Սարգսյանի ծննդյան 80-ամյակը
2. Յարոմիր Շտետինան դարձավ 75 տարեկան. Նոր գրքի շնորհանդեսը Պրահայում
3. Անժելա Սահակյանի ,,Ճշմարտության պարտադրանքով,, թուրքերեն գրքի շնորհանդեսը Երեւանում
4. «ԼԱՎԱԳՈՒՅՆ ԸՆԹԵՐՑՈՂ»-ները՝ մանկավարժականում
5. Հերոսներին նվիրված Աննա Կոստանյանի «ԱՆՄԱՀՈՒԹՅԱՆ ՄԱՐՏԻԿՆԵՐԸ» գրքի շնորհանդեսը
6. Նարինե Աբգարյանի «Մանյունյա» վեպի հայերեն թարգմանության շնորհանդեսն անցել է լեփ-լեցուն դահլիճում
7. Կթվայնացվեն Երուսաղեմի Գյուլբենկյան Մատենադարանի ձեռագրերի մի մասը. Սիոն ամսագրի բոլոր համարները եւ Մայր Ցուցակ Ձեռագրացի 12 հատորները
8. Վրույր Ազիզյանի հայրենականչն ու պատումը
9. Պերճ Զեյթունցյան. Իսկական միավորողը պետք է Հայաստանը լիներ
10. Պերճ Զեյթունցյանի հուղարկավորությունը օգոստոսի 24-ին՝ Երեւանի քաղաքային պանթեոնում

Մեկնաբանություն

Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.Հայաստանի տիկնիկային թատրոնը հաղթեց Պրահայի միջազգային փառատոնում
6.Հայ բժշկուհիները օդանավում փրկեցին չինուհու կյանքը
7.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
8.Չեխիայի խորհրդարանը ճանաչեց Հայերի ցեղասպանությունը
9.«Միկոյանն իրադրության պատանդն էր, ինչ-որ չափով՝ ստալինյան զոհ»
10.Հայ մտավորականների բաց նամակը ՀՀ ոստիկանապետին. Մենք ցանկանում ենք ապրել պետությունում, որտեղ անպատիժ չմնան հովանավորյալները
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: