ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Փարիզի Մէջ Կարօ Փայլանին Յանձնեցին «Կրան Վերմէյ» Պատուոյ Մետալը

31 հունվարի, 2018 | 08:14

ՓԱՐԻԶ.- Ֆրանսայի նախագահ Էմանուէլ Մաքրոն եւ Թուրքիոյ խորհրդարանի պատգամաւոր Կարօ Փայլան Փարիզի մէջ հանդիպեցան Ֆրանսայի հայկական կազմակերպութիւններու համակարգող խորհուրդի ամէնամեայ ընթրիքին:

Ձեռնարկին ընթացքին Փարիզի քաղաքապետ Անն Իտալկօ Կարօ Փայլանին յանձնեց «Կրան Վերմէյ» (Grand Vermeil) պատուոյ մետալը:

Թուրքիոյ խորհրդարանի հայ պատգամաւորին ծափահարեցին ընթրիքին մասնակցող 500 անձերը:

«Ձեր կեանքը մշտական վտանգի մէջ է: Շնորհակալութիւն այն բանին համար, զոր դուք կը կատարէք: Դուք ժողովրդավարութեան հերոս էք, հերոս, որ կը պաշտպանէ մարդու իրաւունքները: Ամէն անգամ, երբ մեր կարիքը ունենաք, հայերը ձեր կողքին պիտի ըլլան, Փարիզը ձեր կողքին պիտի ըլլայ»,  յայտարարեց Անն Իտալկօ:

Հանդիպման մասնակցեցան նաեւ հրէական համայնքի ներկայացուցիչներ, ֆրանսացի փաստաբան եւ պատմաբան, նացիներու յանցագործութիւնները մերկացնելու ու պատժելու գործի մարտիկ Սերժ Քլարսֆելտ կնոջ՝ Պէաթայի հետ, որ ստացած է հայ համայնքի «Խիզախութեան Համար CCAF» մետալը:

«Մենք միշտ հայ ժողովուրդի կողքին եղած ենք:Եւ մենք կը պայքարինք, որ Իսրայէլը նոյնպէս ճանչնայ Հայոց Ցեղասպանութիւնը: Մենք նաեւ յոյս ունինք, որ Հայոց Ցեղասպանութեան ժխտման քրէականացումը պիտի ընդունուի նաեւ Ֆրանսայի մէջ՝ ճիշդ այնպէս, ինչպէս ընդունուած է հրէայ համայնքը պաշտպանող օրէնքը», յայտարարեց Քլարսֆելտ

Նշենք, որ «Կրան Վերմէյ» պատուոյ մետալի յաւակնորդները կ՛որոշեն քաղաքապետական եւ շրջանային խորհուրդներու պատգամաւորները: «Կրան Վերմէյ»ի տուչութիւնը սկսած է 1948ին: Անիկա կը շնորհուի սեփական մասնագիտութեամբ երակարատեւ, ազնիւ եւ պտղաբեր աշխատանքի կատարողներուն:


Առնչվող նյութեր
1. Ոստիկանները բաց են թողել Կարո Փայլանին
2. Կարո Փալյան. Միայն ժողովրդավարական Թուրքիան կարող է ճանաչել Հայոց ցեղասպանությունը
3. «Ցեղասպանութեան ճանաչումը կը պահանջենք նախ մե՛ր ժողովուրդին համար, ապա ամբողջ մարդկութեան համար». Կարօ Փայլանի ելոյթը Մոնթրէալի մէջ
4. ՖՐԱՆՍԻԱ. Ծերակոյտին մէջ Կարօ Փայլանի մասնակցութեամբ բանախօսութիւն
5. Կարո Փալյանին ընդունել են ՀԲԸՄ կենտրոնակայանում

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: