ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Տոնական համերգ Կոնստանցա քաղաքում` նվիրված Հայաստանի առաջին Հանրապետության 100 ամյա հոբելյանին

01 հունիսի, 2018 | 17:28

Մայիսի 31-ին Ռումինիայի Կոնստանցա քաղաքում տեղի ունեցավ տոնական համերգ` նվիրված մայիսյան հերոսամարտերի և Հայաստանի առաջին Հանրապետության 100 ամյակին: Տոնական երեկոն կազմակերպվել էր Կոնստանցայի Ս. Աստվածածին եկեղեցու հոգևոր հովիվ արժանապատիվ Տ. Օշական քահանա Խաչատրյանի նախաձեռնությամբ, համագործակցությամբ տեղի ծխական խորհրդի և Ռումինիայի Հայոց միության Կոնստանցայի մասնաճյուղի` օրհնությամբ Ռումանիոյ Հայոց թեմի առաջնորդ Տ. Տաթև եպիսկոպոս Հակոբյանի: Համերգը տեղի ունեցավ քաղաքի Արվեստի թանգարանի գեղեցիկ սրահում, ուր հավաքվել էին ոչ միայն հայ համայնքի ներկայացուցիչները, այլև բազում ռումինացիներ, տեղական մամուլի և ռադիոյի ներկայացուցիչներ, Կոնստանցայի Մարզային Գրադարանի տնօրեն Կորինա Միհաելա Ապոստոլեանուն, ,,Անտիկուս,, բազմամշակութային ընկերակցության պատասխանատու Տաներ Մուրատը, հյուրեր և երաժշտության սիրահարներ:

Բացման խոսքով հանդես եկավ ծուխի հոգևոր հովիվը` խոսելով մայիսյան հերոսամարտերի կարևորության, հայոց պետականության վերածննդի մասին` շեշտելով այն հանգամանքը, որ ցեղասպանված հայ ժողովուրդը իր մեջ ուժ գտավ պայքարելու և վերաստեղծելու հայոց անկախ պետություն, հռչակելու Հայաստանի Հանրապետությունը, ինչը հնարավոր դարձավ հայի հերոսական ոգու և միասնականության շնորհիվ: Այնուհետև ներկաներին ողջունեց ծխական խորհրդի անդամ, տեղի կիրակնօրյա դպրոցի հայերենի ուսուցչուհի Ազատուհի Բենլյանը և ներկայացրեց համերգային օրվա ծրագիրը:

Երեկոյի ընթացքում ելույթ ունենացան սոպրանո երեցկին Արմինե Խաչատրյանը, նվագակցությամբ օրիորդ Անդրադա Շտեֆանի, Մարիամ Խաչատրյանը, Արամ Մարիուս Նիցան, Կոնստանցայի Ս. Աստվածածին եկեղեցու կիրակնօրյա դպրոցի երեխաներից բաղկացած փոքրիկ երգչախումբը` ղեկավարությամբ Արմինե Խաչատրյանի: Հնչեցին Հայաստանին նվիրված հայրենասիրական ու ազգային երգեր`  ,,Երազ իմ երկիր հայրենի,, Հով արեք սարեր,, Բարի արագիլ,, Ազգ փառապանծ,, ,,Աղավնիներ,, ,,Հայաստան,, ,,Ախ ինչ լավ է սարի վրա,, ,,Նոր Հայաստան,, ,,Բարձրիկ Հայաստան,, և այլն, կատարվեցին հայ անվանի ու ճանաչված կոմպոզիտորներ Արամ Խաչատուրյանի, Առնո Բաբաջանյանի, Ալեքսանդր Սպենդարյանի հանճարեղ ստեղծագործությունները:

Տարիներ շարունակ հայրենիքից հեռու, օտար ափերում տուն կերտած հայերը մեկ անգամ ևս հաղորդակից եղան հայ մշակութային ժառանգությանը: Բոլորի սրտերը նորից լցվեցին կարոտով առ հայրենիքն կորուսյալ. մարդկանց աչքերում վառվող լույսն ու արցունքները անխոս վկան էին այն փաստի, որ թեև հայրենիքից հեռու, բայց հայը շարունակում է մնալ հայ` իր նուրբ զգացմունքայնությամբ և թաքուն հույզերով:

Համերգից հետո, ընդառաջ հունիս մեկյան խորհրդին, մասնակից բոլոր երեխաներն իրենց ծնողների հետ ծխական խորհրդի կողմից հրավիրվեցին մանկական սրճարան, ուր կազմակերպվել էր հյուրասիրություն:

 

Ռումանիոյ Հայոց թեմի մամլո դիվան

 

 

 


Առնչվող նյութեր
1. ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
2. Ռումինիայում նշվեց Կոնստանցայի Ս. Աստվածածին եկեղեցու ուխտի օրը
3. Բուրգասում բացվեց Վազգեն Վեհափառի անվան թանգարանը
4. Բոտոշան. Հայաստանին ու Ռումինիային նվիրված ցուցահանդես
5. Ռումինիայի խորհրդարանը ավարտին հասցրեց ԵՄ-Հայաստան համաձայանագրի վավերացման գործընթացը
6. Ի հիշատակ Շառլ Ազնավուրի՝ հոգեհանգստյան կարգ և հիշատակի միջոցառումներ Բուխարեստում և Ռումանիոյ հայոց թեմի ծուխերում
7. Մեծ շուքով նշվեց Պիտեշտի Ս. Հովհաննես Մկրտիչ եկեղեցու ուխտի օրը
8. Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
9. Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
10. Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: