ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Տեղի ունեցավ «Սփյուռքում՝ երիտասարդ հայ հետազոտողների առաջին առցանց գիտաժողովը»

25 հուլիսի, 2017 | 09:43

2017թ. հուլիսի 22-ին տեղի ունեցավ «Սփյուռքում՝ երիտասարդ հայ հետազոտողների առաջին առցանց գիտաժողովը», որի նպատակն էր միավորել և կապեր հաստատել աշխարհի տարբեր բուհերում աշխատող և սովորող երիտասարդ գիտնականների միջև, ներկայացնել Հայկական աշխարհի զարգացման վերաբերյալ նրանց տեսլականը։

Գիտաժողովի ընթացքում Չինաստանի Հայկական համայնքի ղեկավար, Գիտաժողովի հիմնադիր Մհեր Սահակյանի ելույթի հիմնական նպատակն էր վերլուծել և գործնական առաջարկներ տրամադրել, թե ինչու՞ և ինչպե՞ս Հայաստանը կարող  է մասնակցել չինական «Մեկ գոտի, մեկ ճանապարհ» նախաձեռնությանը։

Մարինե Սարգսյանը (Լեյդենի Համալսարան, Նիդերլանդներ) խոսեց Հարավային Կովկասի երկրների Ռուսաստանի և Եվրոպական Միության հետ քաղաքական և տնտեսական հարաբերությունների զարգացման դինամիկայի վերաբերյալ։

Տաթևիկ Ազիզյանը (Եվրոպայի քոլեջ, Նատոլին, Լեհաստան) ներկայացրեց ժողովրդավարության անցման ճանապարհին Հայաստանի  քաղաքական և տնտեսական ինստիտուտների կառուցման փորձը։

Էդգար Խաչատրյանը (Էստոնիայի դիվանագիտական դպրոց) հանդես եկավ առաջարկներով, թե ինչպիսի՞ն կարող է լինել փոքր երկրների դիվանագիտությունը։

Անահիտ Պարզյանը (Նանծինի համալսարան, Չինաստան) փաստեց, որ կիբերտարածքը կարող է դիտարկվել նաև, որպես մարդու կողմից ստեղծված պատերազմների դաշտ։

Լիսա Լէհիմճեանի (Ջոնս Հոփկինսի համալսարան, ԱՄՆ) ելույթը վերաբերվում էր մեդիա գրագիտության և հավաստիության գնահատման կարևորությանը թվային դարաշրջանում։

Վարուժան Գեղամյանը (Սանկտ Պետերբուրգի պետական համալսարան, Ռուսաստան) վերաիմաստավորեց ժողովրդավարություն-ավտորիտարիզմ և աշխարհիկություն-իսլամիզմ երկբևեռության այլընտրանքները հետհեղաշրջումային Թուրքիայում։

Անուշ Պողոսյանն («Եվրոպա» Ֆլենսբուրգի համալսարան, Գերմանիա) իր ելույթում ներկայացրեց ԵՄ երեք «մեծ անդամների» արտաքին քաղաքականության առանձնահատկություններն Արաբ-իսրայելական խաղաղության վերահաստատման գործընթացում։

Սարեն Աբգարյանն (Ծիաո Թոն համալսարան, Չինաստան) իր ելույթում բացահայտեց

Չինական փորձը միջազգային ներդրումային իրավունքի ոլորտում։

Միքայել Հայրապետյանը (Մոսկվայի Չայկովսկու անվան պետական կոնսերվատորիա) փաստեց, որ  Հայկական դասական երաժշտության կարող է դառնալ Հայաստանի և Սփյուռքի ազգային ինքնության պահպանման  կարևոր միջոց։

Լիանա Եդիգարյանը (Պաղեստին) ներկայացրեց Հայ Դասական և Ժամանակակից գրողների ստեղծագործությունների թարգմանության տեխնիկական առանձնահատկությունները չինարեն լեզվով։

Գիտաժողովի մասնակիցներին ողջունել էր նաև ՀՀ Սփյուռքի նախարար Հրանուշ Հակոբյանը, նրա խոսքում մասնավորապես ասված էր. « Ես մեծ խորհուրդ եմ տեսնում հայ գիտական միտքը համախմբելու այս նախաձեռնության մեջ։ Վստահ եմ, որ ձեր գիտելիքները, ջանքն ու եռանդը այսուհետ նույնպես կնպատակաուղղեք՝ ի բարօրություն մեր ազգի և ի նպաստ մեր հայրենիքի բարգավաճման ու հզորացման։ Ջերմորեն ողջունում եմ Հայ ուսանողների և հետազոտողների առաջին համահայկական առցանց գիտաժողովի մասնակիցներին և դրվատանքի ջերմ խոսքեր ուղղում ՉինաՀայ համայնքի ղեկավար Մհեր Սահակյանի հասցեին, ում ջանքերով կյանքի կոչվեց այս չափազանց օգտակար ձեռնարկը, որը պատիվ կբերի ցանկացած երկրի երիտասարդ գիտնականներին »։

Գիտաժողովի մասնակիցներին ուղղված ողջույնի խոսքում «Նորավանք» ԳԿՀ գործադիր տնօրեն Գագիկ Հարությունյան նշել էր․ «Արդի հարափոփոխ աշխարհում հայկական հանրությանն ուղղված մարտահրավերներին դիմագրավելը և ըստ արժանվույն պատասխանելը հնարավոր է միայն ազգային զարգացման՝ խորապես մտածված ռազմավարություն վարելու պարագայում։ Իր հերթին, նման ռազմավարության մշակումը և իրագործումը հնարավոր են միայն Հայաստանի (ՀՀ և ԼՂՀ) և Սփյուռքի մեր մտավոր ու հոգևոր ռեսուրսների  սիներգետիկ միավորման պարագայում։

Այս համատեքստում ողջունում եմ ազգային  մտավոր ներուժի կենտրոնացմանն ուղղված առցանց գիտաժողով կազմակերպելու՝ Չինաստանի հայ համայնքի նախաձեռնությունը»։

Չինաստանի Հայկական համայնքի նախագահ Մհեր Սահակյանն իր հերթին նշել է. «Գիտաժողովի առանձնահատկությունը կայանում է նրանում, որ հայ երիտասարդ գիտնականներին միավորելու գործընթացը կատարվում է ժամանակակից տեխնոլոգիաների օգտագործման շնորհիվ։ Այս նախաձեռնության շնորհիվ մենք նպատակ ունենք համախմբել հայկական գիտական մտքի ապագան, ներկայացնել այն Հայկական աշխարհում, կապեր հաստատել Եվրասիայից մինչև Ամերիկա մայրցամաքներում աշխատող ու ուսանող հայ երիտասարդ գիտնականների միջև։ Հե՛նց այս կապերի միջոցով նրանք կսկսեն համագործակցել ու արդյունքներ տալ, կիսվել փորձով,  որով կշահեն, թե՛ նրանք, թե՛ նաև Հայրենիքը։

Պետք է հիշե՛լ, որ 21-րդ դարում կհաղթի գիտունը։ Կիրթ ու համախմբված երիտասարդությունը Հայկական աշխարհի հաջողության գրավականն է»։

 

 

 

 

 

 


Առնչվող նյութեր
1. Միացեալ Նահանգաց Խորհրդարանի Գրադարանի (Library of Congress) մէջ տեղի ունեցած բացառիկ գիտաժողովը
2. «Հայաստանի Հանրապետությունը և հայ եկեղեցու դերակատարությունը հայոց պետականության կայացման գործում» խորագրով գիտաժողովը
3. Պրահայի միջազգային գիտաժողովում ներկայացվեց նաեւ հայկական երաժշտական ժառանգությունը
4. Լեհաստանի հայ համայնքի 650-ամյակին նվիրված գիտաժողով Երեւանում
5. «Արիստոտելը Հայաստանում» խորագրով գիտաժողով Ժնևի համալսարանում
6. Չինաստան. Հայ հետազոտողների և ուսանողների III-րդ առցանց գիտաժողովը
7. «Հայագիտությունն արաբական աշխարհում» խորագրով գիտաժողով Եգիպոսում
8. «Հայ­կա­կան ինքնու­թեան քննա­կան մօ­տերցումներ 21-րդ դա­րուն՝ խո­ցելիու­թիւն, առաձ­գա­կանու­թիւն եւ փո­խակեր­պութիւն» խո­րագ­րեալ գի­տաժո­ղովը Պոլսում
9. Հայաստանը առաջընթաց քայլ է կատարում հաշմանադամությունունեցող անձանց իրավունքների խթանման, պաշտպանության ևերաշխավորման ճանապարհին
10. Թուրք երիտասարդները երբեք չեն ճանչնար, կամ՝ շատ քիչ կը ճանչնան Հայաստանը.Մարմարա

Մեկնաբանություն

Վերջին լուրեր
1.Սեւան Քէլէշեանը կամրջում է հայաստանցուն եւ սփյուռքահային. «Ի՞նչ Կ’ըսեմ, Ի՞նչ Կ’ըսես» հարղորդումը եթերում
2.Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
3.Էստոնիա. Քննարկվել է հայ-էստոնական թվային ֆորում անցկացնելու գաղափարը
4.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
5.Ին՞չ եփել այսօր՝ քաղաքական կաթսայում. հայացք Երեւանից
6.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
7.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
8.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
9.Րաֆֆի Հերմոն Արաքսին՝ սփյուռքի նախարարության պատվոգիր
10.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: