ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Տավուշի մարզի և Ռումինիայի Տուլչա նահանգի միջև ստորագրվեց եղբայրացման համաձայնագիր

11 հունիսի, 2017 | 08:45

Հունիսի 7-ին Ռումինիայի Տուլչայի նահանգապետարանում ՀՀ Տավուշի մարզի և Տուլչա նահանգի միջև ստորագրվեց համագործակցության համաձայնագիր: Ստորագրման նպատակով Տուլչա էր ժամանել Տավուշի մարզի պատվիրակությունը` մարզպետի տեղակալ Կարեն Ադամյանի գլխավորությամբ:

Ստորագրման արարողությանը հայկական կողմից ներկա էին նաև Ռումինիայում ՀՀ դեսպան Համլետ Գասպարյանը և Տավուշի մարզպետի օգնական Գևորգ Ազատյանը, իսկ ռումինական կողմից` նահանգի հանրային կառավարիչ Վասիլե Ստրատը, Տուլչայի նահանգային խորհրդի փոխնախագահ Դումիտրու Մերջանին, նահանգի պրեֆեկտ Լուչիան Ֆուրդույը, Տուլչայի փոխքաղաքապետ Պետրե Մարինեսկուն, նահանգային իշխանությունների այլ ներկայացուցիչներ, ինչպես նաև Ռումինիայի Հայոց միության Դոբրուջայի շրջանի նախագահ Լիվիու Մերդինյանը:

Համաձայնագրի ստորագրման կապակցությամբ ուղերձներ էին հղել Տավուշի մարզպետ Հովիկ Աբովյանը և Տուլչայի նահանգային խորհրդի նախագահ Հորիա Թեոդորեսկուն:

Համագործակցության համաձայնագիրը պաշտոնապես ուժի մեջ մտավ հունիսի 7-ին` ստորագրման պահից սկսած: Այն նախատեսում է համագործակցություն Տավուշի մարզի և Տուլչա նահանգի միջև մշակույթի, կրթության և գիտության, առողջապահության, տեղական ինքնակառավարման, բնապահպանության, տնտեսության և ներդրումների, երկու կողմերի կազմակերպական մեխանիզմների շուրջ փորձի փոխանակման, սպորտի, զբոսաշրջության ոլորտներում, ինչպես նաև հաճախակի փոխայցելությունների, տոնական միջոցառումների կազմակերպում և այլն:

Ստորագրման արարողության ժամանակ և դրանից հետո տեղի ունեցած աշխատանքային քննարկումների ընթացքում կողմերը պայմանավորվեցին առաջին քայլերը սկսել մշակութային կոնկրետ ծրագրերով, ինչպես նաև տուրիզմի ուղղությամբ փոխադարձ հնարավորությունների բացահայտմամբ: Այդ նպատակով հայկական պատվիրակությունը եղավ Դանուբի գետաբերանում և արգելոցում, Տուլչա քաղաքի տեսարժան վայրերում, այդ թվում՝ Տուլչայի Հայոց Սբ. Գրիգոր Լուսավորիչ եկեղեցում:

Նախորդ օրը երեկոյան հայկական պատվիրակությունը հանդիպում էր ունեցել Տուլչայի նահանգից ընտրված Ռումինիայի խորհրդարանի հայազգի պատգամավոր Լուչիան Սիմիոնի հետ:

Տուլչայի նահանգային մամուլը լայնորեն անդրադարձավ հայկական պատվիրակության այցին և Տուլչայի ու Տավուշի միջև համագործակցության հեռանկարներին:

Տեղեկանք: Տավուշի մարզի և Տուլչա նահանգի միջև համագործակցություն հաստատելու առաջին քայլերը ձեռնարկվել էին Ռումինիայում Հայաստանի դեսպանության և ժամանակին Տուլչա նահանգի պրեֆեկտ, այժմ Ռումինիայի խորհրդարանի պատգամավոր, Ռումինիայի Հայոց միության Տուլչայի մասնաճյուղի նախագահ Լուչիան Սիմիոնի համատեղ ջանքերով: 2014թ. սեպտեմբերի վերջին ռումինական տեղական իշխանությունների պատվիրակության այցի ընթացքում մարզկենտրոն Իջևանում նախաստորագրվել էր Համագործակցության համաձայնագիրը:


Առնչվող նյութեր
1. ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
2. Ռումինիայում նշվեց Կոնստանցայի Ս. Աստվածածին եկեղեցու ուխտի օրը
3. Բուրգասում բացվեց Վազգեն Վեհափառի անվան թանգարանը
4. Բոտոշան. Հայաստանին ու Ռումինիային նվիրված ցուցահանդես
5. Ռումինիայի խորհրդարանը ավարտին հասցրեց ԵՄ-Հայաստան համաձայանագրի վավերացման գործընթացը
6. Ի հիշատակ Շառլ Ազնավուրի՝ հոգեհանգստյան կարգ և հիշատակի միջոցառումներ Բուխարեստում և Ռումանիոյ հայոց թեմի ծուխերում
7. Մեծ շուքով նշվեց Պիտեշտի Ս. Հովհաննես Մկրտիչ եկեղեցու ուխտի օրը
8. Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
9. Երկարամյա դադարից հետո Եպիսկոպոսական Պատարագ մատուցվեց Բուրգասի Ս. Խաչ եկեղեցում
10. Հայկական օրեր Ռումինիայի Հարգիտա նահանգի Գեորգեն քաղաքում

Մեկնաբանություն

Վերջին լուրեր
1.Եվրամիությունը աջակցում է «Հայաստանում ընտրական գործընթացների աջակցություն» ծրագրին
2.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
3.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
4.Գարեգին Բ- Նիկոլ Փաշինյան հանդիպում Մայր Աթոռում
5.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
6.Արման Նուռի անհատական մեծ ցուցահանդեսը Վենոզայում
7.Հայաստանի դպրոցներում կներդրվի Աշխարհատեղեկատվական համակարգը
8.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
9.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
10.Յուրի Վարդանյանի հուղարկավորությունը Կոմիտասի պանթեոնում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: