ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Տաղանդավոր դաշնակահար Դմիտրի Իշխանովը դարձավ 13 տարեկան

2017-ի դեկտեմբերին նրա դեբյուտային ելույթն էր Պրահայում
15 փետրվարի, 2018 | 11:18

2017 թվականի դեկտեմբերի 9-ին Պրահայի Հանրային տան Սմետանայի անվան հանրահայտ դահլիճում Կարլովի Վարիի սիմֆոնիկ նվագախմբի հետ դեբյուտային ելույթ ունեցավ հայազգի տաղանդավոր դաշնակահար 12-ամյա Դմիտրի Իշխանովը։ Այսօր նա դարձավ 13 տարեկան։

Դմիտրին  ծնվել է 2005 թվականի փետրվարի 15-ին Մոսկվայում, ինժեներ-գործարար Կոնստանտին  Իշխանովի եւ բժշկուհի Տատյանա Իշխանովայի ընտանիքում։ Կոնստանտինը Մոսկվա էր տեղափոխվել Բաքվի հայկական ջարդերից հետո, այնտեղ թողնելով ընտանեկան ողջ գույքն ու ունեցվածքը։

Դմիտրին չորս տարեկանից սկսել է իր դայակի օգնությամբ դաշնամուր նվագել, իսկ երաժշտությամբ լրջորեն սկսել է զբաղվել 5 տարեկանից եւ 8 տարեկանում Մալթայում ավարտել է պրակտիկ երաժշտության դպրոցի 5-րդ դասարանը։ Այժմ սովորում է Քյոլնի երաժշտության եւ պարի դպրոցում։ Քյոլնում  նրա ուսուցչուհին է Լոլիտա Պողոսյանը, ով տարիներ շարունակ նրան դասավանդում է եւ նախապատրաստում միջազգային ելույթների։ Նա արդեն իսկ մի շարք միջազգային մրցույթների հաղթող է ճանաչվել Իտալիայում, Բելգիայում, Ֆրանսիայում, Գերմանիայում, Իսպանիայում։

Մի քանի անգամ մասնակցել է Հայաստանում կազմակերպված ՙՆոր անուններ՚ պատանի երաժիշտների փառատոնին, իսկ  2016ին հանդես է եկել Քյոլնում կազմակերպված Պատանի երաժիշտների  Եվրատեսիլին եւ այդ մրցույթի պատմության մեջ դարձել է եզրափակիչ փուլի ամենակրտսեր  մասնակիցը։ Նա հանդես է եկել Հայաստանի, Մալթայի, Քյոլնի ֆիլհարմոնիկ նվագախմբերի հետ։ Նրա հայրը՝ Կոնստանտին Իշխանովը  Մալթայի միջազգային դաշնամուրային փառատոնի կազմակերպիչն է։

Պրահայի համերգին Դմիտրին  կատարեց Կաբալեւսկու Դաշնամուրի 3-րդ կոնցերտը՝ Կարլովի Վարիի սիմֆոնիկ նվագախմբի եւ ճապոնացի դիրիժոր Հական Սենսոյի  ղեկավարությամբ՝ արժանանալով դահլիճի բուռն ծափահարություններին։

Մեր հարցազրույցը փոքրիկ հրաշամանուկի հետ կարդացեք ՕՐԵՐ-ի առաջիկա համարում։

Ջերմորեն շնորհավորում ենք Դմիտրիին ծննդյան օրվա կապակցությամբ եւ մաղթում բեղմնավոր ստեղծագործական  ապագա։

ՕՐԵՐ ամսագիր

Լուսանկարները՝  ՕՐԵՐ-ի

orer.eu


Առնչվող նյութեր
1. Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում
2. Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
3. Հայկ Մարությանն ընդունել է Չեխիայի դեսպանին
4. Չեխահայ անվանի գործիչ Ալեքսանդր Սարգսյանին՝ Սփյուռքի նախարարության Ոսկե հուշամեդալ
5. Հայաստանի դեսպանը շնորհավորել է չեխ ժողովրդին 100-ամյա հոբելյանի առիթով
6. Պրահայում նշվում է Չեխոսլովակիայի հիմնադրման 100 ամյակը
7. Չեխիան հարգում է հակամարտության կողմերին զենք-զինամթերք չվաճառելու պայմանավորվածությունը. դեսպան Միկիսկա
8. Հոկտեմբերի 12-ին հայկական թեմայով դասախոսություն Ստրահովի գրադարանում
9. Բացառիկ հայկական ցուցահանդես՝ չեխական հրաշագեղ դահլիճում
10. Չեխական եւ Չեխոսլովակիայի կինոյի օրեր Երեւանում

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: