ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Վրաստանում Չեխիայի Հանրապետության դեսպանը հանդիպում ունեցավ Վիրահայոց Թեմի առաջնորդի հետ

18 հոկտեմբերի, 2014 | 13:33

czech depan vrastan

Ընթացիկ տարվա հոկտեմբերի 16-ին, Վրաստանում Չեխիայի Հանրապետության դեսպան Թոմաս Պերնիցկին այցելեց Վիրահայոց Թեմի առաջնորդի Թբիլիսիի Սուրբ Էջմիածին եկեղեցու նստավայր: Այցի նախաձեռնությունը բարձրացվել էր Չեխիայի դեսպանի կողմից: Բարձրաստիճան հյուրին իր նստավայրում ընդունեց Վիրահայոց Թեմի առաջնորդ Գերաշնորհ Տեր Վազգեն եպիսկոպոս Միրզախանյանը: Թեմի առաջնորդը ողջունեց բարձրաստիճան հյուրին և կարևորեց Հայաստանի և Վրաստանի կապը եվրոպական արժեքների հետ, դրանում առանձնահատուկ գնահատելով դիվանագետների դերը:

Թեմակալ առաջնորդը ներկայացրեց Վրաստանում գործող հայկական եկեղեցիները, դպրոցները, թատրոնը, մշակութային կենտրոնները և գոհունակություն հայտնեց, որ Վրաստանում ընձեռված են հնարավորություններ հայկական կրթությունը, մշակույթը և հոգևոր կյանքը պահպանելու և զարգացնելու համար: Թեև կան չլուծված խնդիրներ՝ կապված խորհրդային տարիներին Թեմից բռնագրավված եկեղեցիների վերադարձման հետ, այդուհանդերձ Վրաստանի հայ համայնքը շարունակում է դրսևորել իր քաղաքացիական և ազգային կյանքը:

Դեսպան Պերնեցկին շնորհակալություն հայտնեց ջերմ ընդունելության համար և պատրաստակամություն հայտնեց օգտակար լինել Հայոց Եկեղեցուն՝ Վրաստանում իր առաքելությունը կատարելու շրջանակներում:

Դեսպանի հետ զրույցի ընթացքում անդրադարձ եղավ Չեխիայում խորհրդային տարիներին բռնագրավված գույքի վերադարձի (ռեստիտուցիայի) փորձին, որը կարող է օգտակար լինել Վրաստանում կրոնական համայնքներին գույքը ետ վերադարձնելու առնչությամբ:

Հյուրն իր աղոթքը բարձրացրեց նաև Սուրբ Էջմիածին եկեղեցում և շրջայց կատարեց «Հայարտուն» կրթա-մշակութային և երիտասարդական կենտրոնում:

Հանդիպմանը ներկա էին Տեր Նարեկ քահանա Ղուշչյանը, Գևորգ սարկավագ Անտոնյանը և Լևոն Իսախանյանը:

Վիրահայոց թեմի մամուլի դիվան


Առնչվող նյութեր
1. Ջավախքում վերաօծվեց Դադեշի Սուրբ Աստվածածին եկեղեցին
2. Հրանտ Դինքի հիշատակի ոգեկոչում Վիրահայոց թեմում
3. Ղափամայի տոն Թբիլիսիում
4. Հայոց Ցեղասպանության հիշատակի ցույցեր, հանրահավաքներ եւ պատարագ Վիրահայոց թեմում
5. Վրաստանի վարչապետը այցելեց Սուրբ Գևորգ եկեղեցի
6. Խոնարհում Սերգեյ Փարաջանովի հիշատակին-
7. Ցեղասպանության ականատեսի`Լևոն Դիլբարյանի «Հուշեր անցյալից գրքի շնորհանդեսը Թբիլիսիում
8. ՄԱՅՐ ԱԹՈՌ ՍՈՒՐԲ ԷՋՄԻԱԾՆԻ ՀԱՅՏԱՐԱՐՈՒԹՅՈՒՆԸ
9. Տոլմայի ախորժալի բուրմունքը տարածվել էր Հավլաբար թաղամասում
10. Եվա Ռիվասը հյուրընկալվեց Վիրահայոց թեմի «Հայարտուն» կենտրոնում

Մեկնաբանություն

Վերջին լուրեր
1.Գավառում վերաբացվեց Լևոն Քալանթարի անվան դրամատիկական թատրոնը
2.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
3.Մտորումներ Լատվիայի անկախության 100-ամյակի առթիվ
4.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
5.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
6.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
7.Եվրամիությունը աջակցում է «Հայաստանում ընտրական գործընթացների աջակցություն» ծրագրին
8.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
9.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
10.Գարեգին Բ- Նիկոլ Փաշինյան հանդիպում Մայր Աթոռում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: