ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
15 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Վիկտոր Կոնոպլյովի «Հայաստանը սիրո աղբյուր» ժողովածուն՝ հայերեն եւ ռուսերեն

04 մայիսի, 2013 | 08:49

ԵՐԵՎԱՆ- «Ֆիլին» Երևանյան հրատարակչությունում լույս է տեսել Վիկտոր Կոնոպլյովի «Հայաստանը սիրո աղբյուր» բանաստեղծությունների ժողովածուն: Մայիսի 7-ին ժամը 18.00-ից «Дом русской книгы» (Ռուսական գրքի տուն) խանութ-սրահում, հասցեն՝ Երեվան, Մաշտոցի պողոտա 37/22, տեղի կունենա հանդիպում «Հայաստանը սիրո աղբյուր» գրքի հեղինակի հետ:

Գիրքը հրատարակվել է Լեռնային Ղարաբաղի Հանրապետության մշակույթի և երիտասարդության հարցերի նախարարության, «Նիժեգորոդսկի հայկական համայնք» հասարակական կազմակերպության, ինչպես նաև Հայաստանի Հանրապետությունում «Ռոսսոտրուդնիչեստվո» ներկայացուցչության աջակցությամբ:

Ձեռնարկում ներառված են բանաստեղծություններ Արցախի, Հայաստանի և հայերի մասին, որոնք բանաստեղծը գրել է 2006-2012թթ. ընկած ժամանակաշրջանում, ինչպես նաև դրանց թարգմանությունները, որոնք կատարվել են բանաստեղծ, թարգմանիչ, գրականագետ, բանասիրական գիտությունների դոկտոր, Արցախի Պետական Համալսարանի պրոֆեսոր Սոկրատ Խանյանի կողմից:

Ձեռնարկի նախաբանը գրել է հանրահայտ բանաստեղծ, հրապարակախոս, ճանապարհորդ, հասարակական գործիչ Զորի Բալայանը:

Շապիկի ձևավորումը կատարել է դիզայներ և «Ժամ» ամսագրի հրատարակիչ

Արմեն Հովհաննիսյանը: Գրքում տեղադրված բոլոր նկարների հեղինակն է երիտասարդ նկարիչ Մհեր Մնացականյանը:

Գրքին կցված է ձայնասկավառակ բանաստեղծությունների հեղինակային կատարմամբ: Մտահղացման հեղինակն է Արթուր Գալստյանը: Ձայնագրությունն ու երաժշտական ձևավորումը կատարվել է վերջինիս ստուդիայում, որը գտնվում է Երևանում:

Գրքի վաճառքից հավաքված ողջ հասույթը կտրամադրվի Արցախյան Գոյամարտի մասնակից Նորայր Զաքարյանի վիրահատմանն ու բուժմանը:

Վիկտոր Կոնոպլյովը ծնվել է 1969 թ. մարտի 22-ին Բրեստի շրջանում ք. Մալորիտայում : Ներկայումս ապրում է Նիժնի Նովգորոդ քաղաքում:Ամուսնացած է, ունի 2 երեխա: 1994 թ. Գերազանց ավարտել է Վոլգո-Վյատսկի կադրային կենտրոնը «Պետական և քաղաքային կառավարում» մասնագիտությամբ: Անցել է հետևյալ կուրսերը և ունի համապատասխան սերտիֆիկատներ.Կառավարման գործի հոգեբանություն, Ինտեգրացված կառավարման համակարգի ձևավորման հիմքերը, Հայաստանի պատմություն, Հայկական երաժշտության պատմություն:

Ստացել է նաև Արդարադատության 3-րդ կարգի խորհրդականի կոչում :

Ակտիվորեն զբաղվում է հասարակական գործունեությամբ՝ ուղղված միջհայկական և ռուս-հայկական կապերի հաստատմանը և ամրապնդմանը, Եղեռնի, ինչպես նաև Լեռնային Ղարաբաղի Հանրապետության ճանաչման հարցերի առաջխաղացմանը: Կոնոպլյովը հայկական թեմատիկայով մի շարք ինտերնետային նախագծերի հեղինակ է: 2010թ. Իր գործունեության համար պարգևատրվել է ՀՀ Սփյուռքի նախարարության կողմից, 2011թ. ստացել է մեդալ՝ «Արցախի Պետական Համալսարանի 40 ամյակ», 2012թ. ստացել է ԼՂՀ Քաշաթաղի շրջանի Ադմինիստրացիայի պատվոգիր և Զոհված Ազատամարտիկների Միության «Մայրական երախտագիտություն» մեդալ:

2012թ. «Հայ ազգ» հիմնադրամի հանրագիտարանը Վիկտոր Կոնոպլյովի մասին հոդված է տեղադրել «Հայոց ազգի ընկերները» հատվածում: «LitoPedia» հանրագիտարանում նույնպես նրա մասին էջ է հայտնվել:

Կոնոպլյովը իր գրական և լրագրողական գործունեությունը սկսել է 1983թ-ից: Իր աշխատանքները տեղադրել է բազմաթիվ ինտերնետային և տպագրական հրատարակչություններում և հավաքական ձեռնարկներում («Սիրո բնորոշումներ»(2002), «40» (2009), «Հայաստանը սիրո աղբյուր» (2013)): 2004թ. Հեղինակը արժանացել է Ազգային գրական ցանցի՝ գրաքննադատության մրցույթի դիպլոմին, 2006թ.-ին՝ «Ռուսաստանի ոսկե գրիչ» դիպլոմին:

Վիկտոր Կոնոպլյովը Արցախի Հիմնի գրական ռուսերեն թարգմանության հեղինակն է: Բանաստեղծը մշտապես մասնակցում է Հայաստանում և Արցախում «Ռուսական խոսքի օրեր» նախագծին: 2011թ. նրա «Ռուսերեն սիրել Հայաստանը» բանաստեղծությունը ներառվել է Հայաստանի Հանրապետության ավագ դպրոցների 12-րդ դասարանի ռուսերեն լեզվի դասագրքում:

Orer.eu


Մեկնաբանություն

Վերջին լուրեր
1.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
2.Գարեգին Բ- Նիկոլ Փաշինյան հանդիպում Մայր Աթոռում
3.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
4.Արման Նուռի անհատական մեծ ցուցահանդեսը Վենոզայում
5.Հայաստանի դպրոցներում կներդրվի Աշխարհատեղեկատվական համակարգը
6.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
7.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
8.Յուրի Վարդանյանի հուղարկավորությունը Կոմիտասի պանթեոնում
9.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
10.Չեխական «Դոմեստիկ» ֆիլմը կցուցադրվի Երեւանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: