ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
15 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Վիկտորիա Անանյան. Բալետի հայազգի թագուհին երազում է պարել Հայաստանում

23 օգոստոսի, 2018 | 14:55

Աշխարհի մեծագույն բեմերը նվաճած բալետի թագուհուն ընդունել է մշակույթի նախարարը։ Այս մասին հայտնում է ՀՀ մշակույթի նախարարությունը։

«Վեց տարեկան էի, երբ հեռացանք Հայաստանից, բայց այն շարունակում է մնալ աշխարհի իմ ամենասիրելի անկյունը: Որտեղ էլ լինեմ, միշտ հպարտանում եմ իմ հայկական արմատներով: Պարել եմ աշխարհի ամենատարբեր քաղաքներում, բայց երբեք չի հաջողվել պարել Երևանում»:
Երևանյան բեմում պարելու իր երազանքի մասին Մոնտե Կառլոյի օպերային թատրոնի հայտնի մենապարուհի Վիկտորյա Անանյանն այսօր պատմեց մշակույթի նախարար Լիլիթ Մակունցի, նախարարի տեղակալներ Վահե Բուդումյանի ու Տիգրան Գալստյանի հետ հանդիպմանը: Նշեց, որ հնարավորության դեպքում մեծ ուրախությամբ հանդես կգար հայ հանդիսատեսի առաջ:  


«Միշտ ունեցել եմ այդ ցանկությունը, բայց երբեք չի հաջողվել այն իրագործել: Հասկանում եմ, որ բալետային ամբողջ խմբով Հայաստանում հանդես գալը չափազանց ծախսատար է, գուցե հնարավոր է դա իրականացնել միայն բալետի իմ գործընկերոջ հետ»,-ասաց Վիկտորյա Անանյանը:
Մշակույթի նախարարի համոզմամբ, վերջին ձևաչափով Վիկտորյայի երևանյան ելույթը իրագործելի է:
«Ուրախ եմ, որ նման նախաձեռնությամբ եք հանդես գալիս: Կարևորում եմ, որ աշխարհում հաջողության հասած մեր հայրենակիցներն իրենց տաղանդով կիսվում են ոչ միայն օտարազգի, այլև հայ հանդիսատեսի հետ: Հրաշալի է, որ տարիների ձեռքբերումները ցանկանում եք փոխանցել նաև Ձեր հայրենիքին, որն այդքան շատ եք սիրում: Հավատացեք, որ հպարտանում ենք Ձեզնով»,-ասաց Լիլիթ Մակունցը:

Մոնտե Կառլոյի օպերային թատրոնի հայտնի մենապարուհին ծնվել է Երևանում՝ պրոֆեսիոնալ բալետ պարողների ընտանիքում: Ինչպես ինքն է ասում՝ բալետն իր արյան մեջ է, հայ խորհրդային բալետի արտիստ ու բալետմայստեր, ՀԽՍՀ արվեստի վաստակավոր գործիչ Զարեհ Մուրադյանի թոռնուհին է: Մանկուց սովորել է տարբեր երկրների բալետային դպրոցներում, յուրացրել է ռուսական, եվրոպական ու ամերիկյան բալետի բոլոր ոճերը: Ապրել է Ուկրաինայում, Բելառուսում, Ռուսաստանում, Հոլանդիայում, ԱՄՆ-ում, ներկայում՝ Մոնակոյում:
Հոլանդահայ համայնքի «Գրիգոր Նարեկացի» հիմնադրամը 2800-ի առիթով Երևանին այսօր նվիրեց Գամփռ շան քանդակը՝ որպես Հայաստանի խորհրդանիշներից մեկը: Նախաձեռնության հեղինակներից է նաև Վիկտորյա Անանյանը, որը փորձում է օգտակար լինել հայրենիքին հնարավոր բոլոր միջոցներով:

orer.eu

Լուսանկարները՝ ՀՀ մշակույթի նախարարության


Առնչվող նյութեր
1. Շտուտգարտում կայացան 8-րդ Հայ Մշակույթի Օրերը. բացառիկ ելույթներ եւ շնորհանդեսներ
2. Հայ-բուլղարական բարեկամությանը նվիրված մշակութային միջոցառում Սոֆիայում
3. Պուշկինի անվան մեդալ սլովակահայ հայտնի բալետմայստեր Ռաֆայել Ավնիկյանին
4. Բացառիկ հայկական ցուցահանդես՝ չեխական հրաշագեղ դահլիճում
5. Գաֆեսճյան արվեստի կենտրոնում տեղի ունեցավ Հայաստանում Եվրոպական Ժառանգության օրերի պաշտոնական բացումը
6. Մրցույթ- փառատոներ, որոնք ճանապարհ են բացում դեպի մեծ բեմեր…
7. Մինչեւ տարեվերջ կընդունվեն կինոյի եւ թանգարանների մասին օրենքները. Լիլիթ Մակունցն ամփոփել է 100 օրը
8. Հայաստանի աննախադեպ օրեր Մոնակոյում
9. Արամ Խաչատրյանի «Գայանե» բալետը ներկայացվեց Մոսկվայի Մեծ թատրոնում
10. Մշակույթի օրենք է պետք, որ լավն ու վատը չորոշվի մեկի ճաշակով. հանդիպում-քննարկում

Մեկնաբանություն

Վերջին լուրեր
1.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
2.Գարեգին Բ- Նիկոլ Փաշինյան հանդիպում Մայր Աթոռում
3.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
4.Արման Նուռի անհատական մեծ ցուցահանդեսը Վենոզայում
5.Հայաստանի դպրոցներում կներդրվի Աշխարհատեղեկատվական համակարգը
6.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
7.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
8.Յուրի Վարդանյանի հուղարկավորությունը Կոմիտասի պանթեոնում
9.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
10.Չեխական «Դոմեստիկ» ֆիլմը կցուցադրվի Երեւանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: