ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
12 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Վիեննայի կինոփառատոնին Հայաստանը կմասնակցի Օկսաննա Միրզոյանի ‚‚140 դրամ‚‚ ֆիլմով

13 սեպտեմբերի, 2013 | 14:02

140 dramsՎԻԵՆՆԱ-Այսօր երեկոյան Վիեննայի Ուրանիա Կինօ-Համալիրում կը մեկնարկի Վիեննայի LET`s CEE կինոփառատօնը երկրորդ անգամւայ համար, որը կը տեւի մինչեւ Սեպտեմբեր 21-ը: Ինչպես հայտնում է ՕՐԵՐ-ի թղթակիցը Վիեննայից‚ Սեպտեմբեր 13-ից մինչեւ 21-ը տեւող փառատօնի օրերին, ըստ ծրագրի կը ներկայացուեն` առասպելական ստեղծագործութիւններ, փառատօնային նոր յաջողակներ, գաղափարներով լի կարճամետրաժ ֆիլմեր, դափնիների արժանացած փաստագրական ժապաւէններ, հետաքրքիր եւ զ•այացունց տրամաներ, սիրոյ յուզիչ պատմութիւններ, ինչպէս նաեւ հաճելի կատակերգութիւններ, որոնք անկասկած պիտի գոհացնեն ֆիլմերի սիրահար բոլոր հանդիսատէսներին:

Փառատօնի ընթացքին, Ուրանիայի Կինօ-համալիրում եւ Վիեննայի Դերասանական Արուեստանոցում կը ցուցադրուի աւելի քան 60 բացառիկ ստեղծագործութիւններ` կենտրոնական եւ արեւելեան Եւրոպայի երկրներից, մեծամասամբ հարազատ լեզւով‚ ինչպէս նաեւ գերմաներէն կամ անգլերէն ենթագրութեամբ:

Կարճամետրաժ ժապաւէնների մրցոյթին, Հայաստանը կը մասնակցի Օկսանա Միրզոեանի 2012 թուականի, 16 րոպէ տեւողութեամբ “140 Դրամ“ վերնագրով անգլերէն լեզւով, գերմաներէն ենթագրութեամբ ֆիլմով, որը էկրան կը բարձրանայ Սեպտեմբեր 19-ին, ժամը 16:30-ին, հեղինակի ներկայութեամբ:

Յաջողութիւն մաղթելով մեր արուեստագէտ Հայրենակցուհուն, ժամանակին կը տեղեկացնենք արդիւնքների մասին:

 

ԲՅԹ‚ Վիեննա

oksana mirzoianՌեժիսորը ֆիլմի մասին

Որոշեցի «140 Դրամ» ֆիլմի գործողությունները ծավալել հնգամյա մի տղայի շուրջ այն աղջիկների և տղաների պատճառով, որ ապրում են Մյասնիկյանում՝ փոքր գյուղ, որ գտնվում է Հայաստանի արևելյան կողմում: Այնտեղ մի քանի շաբաթ լուսանկարչության դասեր էի տալիս, երբ կարճ մի ֆիլմի համար սցենար հղացա:  Չնայած, որ մինչ սեմինարն արդեն մի քանի ամիս էր, ինչ ապրում էի Հայաստանում, այնուամենայնիվ խնդիրները, որոնց առաջ այսօր կանգնած է Հայաստանը ինձ համար պարզ դարձավ միայն այս երեխաների հետ առօրյա խոսակցությունների ժամանակ: Ես հասկացա, որ խոշորագույն իրադարձություններից բացի, որոնցից են ցեղասպանությունը, ղարաբաղյան պատերազմը, հայերը այսօր և հիմա ամենօրյա պայքարի մեջ են կարևորագույն խնդիրների դեմ: Նրանք հոգնած են: Անցումը կոմունիզմից նրանց դրեց պայքարի մեջ այն քչի համար, որ մնացել է նրանց:  30%-ն գտնվում է աղքատության միջազգային սահմանագծից էլ ներքև , և շատ հաճախ յուրաքանչյուրը միայն իր մասին է մտածում: Աղքատությունը ներթափանցում է հանապազօրյա կյանք և կայուն կերպով թունավորում այն: Չկա մեղմացում, չկա մտքի խաղաղություն: Այն, որ երեխաները բացեցին իմ աչքերը, մեղմ ասած, զինաթափող էր:

oksana mirzoyanԵվ երբ մի ընկեր քաջալերեց ինձ մի շաբաթում գրել կարճ սցենար մեկի մասին, որ մթերային խանութ է գնում, ես որոշեցի, որ դա փոքրիկ Էդոյի մասին կլինի: Նա, ինչպես և Մյասնիկյանի երեխաները հայաստանյան իրականության վկան կլիներ և շատ վաղ կներտվեր մանկության և հասունության շեմին: Ուզում էի, որ նրա՝ իրականության հետ բախումը վեր հանի այն մեծ ճշմարտությունը մի երկրի մասին, որտեղ ապրում և սովորում եմ գրեթե երկու տարի:

Օքսանա Միրզոյան

Orer.eu


Առնչվող նյութեր
1. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
2. 52 տարի` օգտակար լինելու ցանկությամբ
3. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
4. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
5. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը
6. Դեկտեմբերի արտահերթ ընտրություններում քվերակությունը կատարվելու է առանց գրիչի. Նիկոլ Փաշինյան
7. Գանա – Հայաստան. հաստատվեցին դիվանագիտական հարաբերություններ
8. Կեղծիքներով ձևավորված եւ ժողովրդի իղձերին դեմ կանգնած «Ազգային Ժողովը» որքան շուտ պետք է լուծարվի:-Եվրոպայի Հայերի Համագումար
9. Հայը հային երբեք այսքան շատ չի սիրել. Նիկոլ Փաշինյանը Էջմիածնի 2703-ամյա տոնակատարությանը
10. Ազգային գրադարանում նշվեց Հայաստանի անկախության 27 ամյակն ու Գրատպության թանգարանի մեկ ամյակը

Մեկնաբանություն

Վերջին լուրեր
1.Սարիկ Անդրեասյանի «Չներվածը» ներկայացվեց Պրահայի հանդիսատեսին
2.«Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
3.ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
4.Գագիկ Ղալաչյանը՝ Ղազախստանում Հայաստանի դեսպան
5.Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
6.ՀՀ մշտական ներկայացուցիչ դեսպան Արման Կիրակոսյանի հայտարարությունը ԵԱՀԿ Մշտական Խորհրդի նիստին
7.Հայկ Մարությանն ընդունել է Չեխիայի դեսպանին
8.Սիմոն Մարտիրոսյան.Ութ տարի անց Հայաստանն ունեցավ աշխարհի նոր չեմպիոն և կրկնակի ռեկորդակիր
9.Յուրի Վարդանյանը կհուղարկավորվի Երևանի Կոմիտասի անվան պանթեոնում
10.Սա Ձեր ապրած կյանքի գնահատականն է. նախագահ Սարգսյանը Երվանդ Մանարյանին հանձնել է Հայաստանի Հանրապետության ժողովրդական արտիստի կրծքանշանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: