ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 հոկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«Վերջին բնակիչը» ֆիլմը ցուցադրությունը Շվեդիայում և Ֆինլանդիայում

05 հունիսի, 2017 | 09:08

Մայիսի 30-ից հունիսի 2-ը Շվեդիայում և Ֆինլանդիայում կայացան ղարաբաղյան հակամարտության մասին պատմող «Վերջին բնակիչը» ֆիլմի ցուցադրությունները:

Ֆիլմի շվեդական պրեմիերան, որը կազմակերպվել էր Շվեդիայում ՀՀ դեսպանության և «Համազգային Շվեդիա» մշակութային միության կողմից, տեղի ունեցավ հունիսի 2-ին Ստոկհոլմի Կինոտանը: Ցուցադրությունը ներկա էին դեսպաններ և պատգամավորներ, մշակութային և հասարակական գործիչներ, դիվանագետներ, մամուլի ներկայացուցիչներ, շվեդահայ համայնքի անդամներ:

«Համազգային Շվեդիա» միության ատենապետուհի Մելինե Մանսուրյանը ներկայացրեց ֆիլմի բեմադրիչ Ջիվան Ավետիսյանին և նրա գործունեությունը:

Շվեդիայում ՀՀ դեսպան Արտակ Ապիտոնյանը ֆիլմի ցուցադրումից հետո ունեցած իր ելույթում կարևորեց միջազգային ասպարեզում նաև գեղարվեստական ֆիլմերի միջոցով Արցախյան հակամարտության մասին ճշմարտության ներկայացումը: Նա նաև շեշտեց Ջիվան Ավետիսյանի ունակությունը` ցուցադրելու նույնիսկ ամենածանր պատերազմական իրավիճակներում մարդկայինը պահպանելու հրամայականը: Դեսպանը նաև դրվատանքի խոսքեր հղեց շվեդական «Apricote Stone» կինոստուդիային` ֆիլմի ստեղծմանն իր մասնակցության համար:

Այնուհետև բեմադրիչ Ջիվան Ավետիսյանը պատասխանեց ներկաների բազմաթիվ հարցերի։

Մայիսի 30-ին ՀՀ դեսպանության և «Ֆինլանդիա-Հայաստան» միության համատեղ ջանքերով կազմակերպվեց ֆիլմի ցուցադրությունը Հելսինկիի K-19 կինոթատրոնում: Ցուցադրությունը արժանացավ հանդիսատեսի բարձր գնահատականին, իսկ ավարտից հետո ներկաները հնարավորություն ունեցան իրենց հուզող հարցերն ուղղել բեմադրիչ Ջիվան Ավետիսյանին:

Ֆիլմի հաջորդ ցուցադրությունը տեղի է ունենալու Շվեդիայի Ուպսալա քաղաքում` Շվեդիայի հնագույն կինոթատրոններից մեկում` պատմական Սլոտսբիոգրաֆենում:

Տեղեկանք: Ջիվան Ավետիսյանի` Գյուրջևան գյուղի հայաթափման մասին պատմող «Վերջին բնակիչը» ֆիլմը հայ-լիտվական համատեղ արտադրություն է, որին աջակցել են նաև շվեդական, ամերիկյան և լիբանանյան ընկերություններ: Ֆիլմը ներկայացվել էր «Ոսկե գլոբուսի» մրցանակաբաշխության, ինչպես նաև վերջերս ընդգրկվել է Շանհայի միջազգային կինոփառատոնի պաշտոնական ծրագրում:


Առնչվող նյութեր
1. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
2. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
3. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը
4. Դեկտեմբերի արտահերթ ընտրություններում քվերակությունը կատարվելու է առանց գրիչի. Նիկոլ Փաշինյան
5. Գանա – Հայաստան. հաստատվեցին դիվանագիտական հարաբերություններ
6. Կեղծիքներով ձևավորված եւ ժողովրդի իղձերին դեմ կանգնած «Ազգային Ժողովը» որքան շուտ պետք է լուծարվի:-Եվրոպայի Հայերի Համագումար
7. Հայը հային երբեք այսքան շատ չի սիրել. Նիկոլ Փաշինյանը Էջմիածնի 2703-ամյա տոնակատարությանը
8. Ազգային գրադարանում նշվեց Հայաստանի անկախության 27 ամյակն ու Գրատպության թանգարանի մեկ ամյակը
9. ՀՀ Անկախության օրվա կապակցությամբ «Կադանս» անսամբլի համերգ Ստոկհոլմում
10. Հայաստանի և Կիրիբատիի միջև հաստատվեցին դիվանագիտական հարաբերություններ

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: