ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
13 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Վեհափառը «Հայրապետական» կ՚որակէ իր յարաբերութիւնները Նորվան արքեպիսկոպոսի հետ

Ամենայն Հայոց կաթողիկոսի հարցազրոյցը ,,Նուվել դը Արմենիի,, Armenews առցանց թերթին
21 դեկտեմբերի, 2013 | 22:50

Vehapar Garegin 2ՓԱՐԻԶ- Մոնսերաթ Գապալիէի ի պատիւ տրուած երեկոյթին առթիւ Ֆրանսա ժամանած Ամենայն Հայոց Կաթողիկոսը հարցազրոյց մը տուած է Armenews առցանց թերթին: Պատասխանած է Հիլտա Քէշիշեանի եւ Արա Թորանեանի երեք հարցումներուն: Այս մասին գրում է Փարիզի «Նոր Յառաջ» երկօրեայ թերթը՝ թարգմանաբար ներկայացնելով հարցազրույցի որոշ կարեւոր հատվածներ։

Նախ, այն հարցումին, թէ ո՛ւր հասած են իր յարաբերութիւնները Նորվան Արք. Զաքարեանի հետ՝ Գարեգին Բ. կը պատասխանէ, թէ ինք զանոնք պիտի որակէր հայրապետական: Հայրապետական, որովհետեւ Ամենայն Հայոց Կաթողիկոսը կը նկատուի եկեղեցւոյ բոլոր նուիրեալներուն հայրապետը, ինչ ալ ըլլայ անոնց կոչումը: Ապա կը շարունակէ. “Նորվան Արք.ի հրաժարականի նամակէն ետք՝ մենք զինք հրաւիրեցինք Էջմիածին՝ Գերագոյն Հոգեւոր Խորհուրդի ժողովին, մանաւանդ որ ան պաշտօնապէս անդամ է այդ Խորհուրդին. ատիկա իր հարցերը պարզելու լաւագոյն առիթ էր իրեն համար: Ապա, զինք հրաւիրեցինք նաեւ Եպիսկոպոսաց ժողովին: Բայց երկու պարագաներուն ալ չընդառաջեց մեր հրաւէրին: Նոյնիսկ այսօր, մինչ ես Փարիզ կը գտնուիմ կարճ կեցութեամբ, իմացանք որ Նորվան Արք. բացակայ է եւ Էջմիածին իմ մեկնումէս օր մը ետք պիտի վերադառնայ: Հետեւաբար, իր հրաժարականէն ի վեր՝ ուղղակի ոչ մէկ կապ կայ, ուղղակի ոչ մէկ անձնական զրոյց ունեցած ենք: Կը յուսամ, որ յետագային կ՚ունենանք այդ կարելիութիւնը”:

Ապա Գարեգին Բ.ի հարց կը տրուի, թէ ինչպէ՛ս կը տեսնէ Ֆրանսայի եւ Եւրոպայի այլ երկիրներուն մէջ Հայոց թեմերը:

Ամենայն Հայոց Կաթողիկոսը նախ կը պատասխանէ, թէ իր ամենէն մեծ փափաքն է՝ տեսնել, որ մեր եկեղեցական, թեմական կառոյցները կը յաջողին լաւագոյն կերպով գործել ի սպաս մեր ժողովուրդի հոգեւոր կեանքի զարգացման, յառաջդիմութեան եւ նորոգութեան:

Կ՚ըսէ, թէ Վազգէն Ա. եւ Գարեգին Ա. Կաթողիկոսները երկար տարիներ փորձեցին Ֆրանսայի եկեղեցին վերածել թեմի, բայց անոնց ջանքերը ի դերեւ ելան՝ կարգ մը դժուարութիւններու հետեւանքով: “Ես ունեցայ այդ առիթը եւ զայն օգտագործեցի Ֆրանսայի թեմի կազմութիւնը յայտարարելու համար”,- կ՚աւելցնէ ան՝ շարունակելով. “որպէսզի ըլլայ աշխոյժ կեանք մը, որպէսզի Ֆրանսայի հայ համայնքները կարենան աւելի լաւ կազմակերպուիլ, որպէսզի կարենան իրարու հետ աւելի սերտ կապեր հաստատել եւ միացնել իրենց ջանքերը՝ ազգային հարցերու միասնական լուծումներ բերելու համար: Ճիշդ է, որ որոշ դժուարութիւններու հանդիպեցանք, բայց ատիկա կանխատեսելի էր: Երկար տարիներ Հայերը հոգեւորապէս առաջնորդուեցան կաթողիկոսական պատուիրակութիւններու կառոյցներով, եւ անոնք հաղորդ չէին ըլլար Եկեղեցւոյ ծէսերուն եւ օրէնքներուն: Որոշ մօտեցումներ, որոնցմով անոնք կ՚առաջնորդուէին, բոլորովին յարիր չէին մեր Եկեղեցւոյ օրէնքներուն: Բարեբախտաբար յաջողեցանք, եւ այսօր, փա՛ռք Աստուծոյ, համայնքները կը հաղորդակցին իրարու միջեւ, ընտրեցին պատգամաւորներ, կը կազմակերպեն միացեալ ժողովներ, եւլն.: Համոզուած եմ, որ այս բոլոր դժուարութիւնները, անհամաձայնութիւնները պիտի հարթուին՝ շնորհիւ լուսաբանութեան աշխատանքի մը, եւ ամբողջ համայնքը, իր հոգեւոր առաջնորդին, թեմական խորհուրդին եւ թեմական պատգամաւորական ժողովին ղեկավարութեան տակ պիտի կարենայ կազմակերպել եւ իրագործել մեր Եկեղեցւոյ առաքելութիւնը ֆրանսական ընկերութեան մէջ: Մենք կը փափաքինք Եւրոպայի այլ երկիրներու մէջ եւս հաստատել թեմեր, որպէսզի ամբողջ Եւրոպայի մէջ հոգեւոր կեանքը կազմակերպուի թեմական իշխանութեան ղեկավարութեան ներքոյ”: Գարեգին Բ. գովքը կը հիւսէ թեմական կառոյցի տարբերակին՝ բացատրելով, որ ի տարբերութիւն նշանակեալ պատուիրակի տարբերակին՝ համայնքները իրե՛նք կ՚ընտրեն իրենց պատգամաւորները, որոնք ալ իրենց կարգին կ՚ընտրեն թեմական խորհուրդը, եւլն, եւլն…: Եւ այդ գործին մէջ ժողովուրդին ներգրաւումը կը նկատէ կենսական՝ Եկեղեցւոյ ամրապնդման եւ աւելի արդիւնաբեր գործունէութեան տեսանկիւնէն:

Իսկ երրորդ հարցումը հետեւեալն է. «Արդեօք Եկեղեցին կը նախատեսէ՞ ներգրաւուիլ 2015ի ոգեկոչումներուն»: Գարեգին Բ. նախ կը յիշեցնէ, թէ Եպիսկոպոսաց վերջին ժողովին՝ Էջմիածնի մէջ որոշուեցաւ 100ամեակին առթիւ Ցեղասպանութեան զոհերու սրբացումը: Յաւելեալ, որոշ ծրագիրներու եւ ոգեկոչումներու համար ստեղծուած են յանձնաժողովներ, բազմաթիւ նախագիծեր կը մշակուին: Օրինակ մը տալով՝ կ՚ըսէ, թէ կը նախատեսեն բոլոր կրօնքներու հոգեւոր պետերը Էջմիածին հրաւիրել՝ նահատակաց յիշատակին միացեալ աղօթքի մը համար, նաեւ նման արարքներու խստօրէն դատապարտումի անոնց միասնական ձայնը իմացնելու համար, եւլն.: Կը նշէ, թէ նախկին Պապին հետ իր տեսակցութեան ընթացքին՝ զայն նոյնպէս 100-ամեակի առթիւ աղօթելու հրաւիրած էր Էջմիածին, բայց անոր հրաժարումէն ետք այդ քայլը պէտք է կրկնել նոր Պապին հետ եւն., եւլն., եւլն.:

Այս նիւթին շուրջ՝ Ամենայն Հայոց Կաթողիկոսը հուսկ կը խօսի հայկական ունեցուածքի վերադարձի հարցին մասին ու կ՚ըսէ. “Այսօր քայլերու կը դիմենք թրքական իշխանութեանց մօտ, որպէսզի Հայց. Եկեղեցւոյ ունեցուածքը վերադարձուի: Կը քննենք այս գործին համար անհրաժեշտ գործընթացը: Արամ Ա. Կաթողիկոսին հետ, միասնաբար յայտարարութիւն մը հրապարակեցինք, ուր կը դատապարտէինք Ցեղասպանութիւնը եւ կը ներկայացնէինք մեր պահանջները”: Կ՚եզրափակէ՝ ըսելով, թէ Եկեղեցին բնականաբար ներկայ պիտի ըլլայ նաեւ Հայաստանի պետութեան կողմէ կազմակերպուած ծրագիրներուն:


Առնչվող նյութեր
1. Ամենայն Հայոց Կաթողիկոսը Հռոմում. հանդիպում Ֆրանչիսկոս Սրբազան Քահանայապետի հետ
2. Հայ-գերմանական ֆորումի նախագահը Մայր Աթոռում
3. Հայոց կաթողիկոսությունը վերացնելու խնդիր է դրված
4. Ժամանակն է համազգային զգօնութեան. ՌԱԿ հայտարարութիւնը եկեղեցւոյ տագնապի շուրջ
5. Ամենայն Հայոց կաթողիկոսի ուղերձը ուխտավորներին՝ իր հրաժարականի պահանջի առիթով
6. Հայ Եկեղեցուոյ Մէջ Ծագած Տագնապներ Փողոցին Մէջ Չէ, որ Կը Լուծուին Այլ Կրօնական Հաստատութեան Երդիկին Տակ. ՌԱԿ-ի կոչը
7. Կաթողիկոսն իր հրաժարականը պահանջող քահանաներին հրավիրել է հանդիպման. Վահրամ քահանա Մելիքյան
8. Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՂԹԱՆԱԿԻ ԵՎ ԽԱՂԱՂՈՒԹՅԱՆ ՏՈՆԻ, ՇՈՒՇԻԻ ԱԶԱՏԱԳՐՄԱՆ ԵՎ ԱՐՑԱԽԻ ՊԱՇՏՊԱՆՈՒԹՅԱՆ ԲԱՆԱԿԻ ՀԻՄՆԱԴՐՄԱՆ ՕՐԵՐԻ ԱՌԻԹՈՎ
9. Հոգեշնորհ Տ. Դանիել վարդապետ Ֆընտըգյանը` ԱՄՆ Հայոց Արևելյան թեմի առաջնորդ
10. Ամենայն Հայոց Կաթողիկոսը շնորհավորեց ՀՀ նորընտիր վարչապետին

Մեկնաբանություն

Վերջին լուրեր
1.Վահագն Աթաբեկյանը՝ Լիբանանում Հայաստանի դեսպան
2.Սամվել Մկրտչյանը՝ Լեհաստանում Հայաստանի դեսպան
3.Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում
4.Հ.Բ.Ը.Միութեան կալուածի վաճառման համաձայնագրի վերջին զարգացումները քննարկվել են Կանադայի թեմի անդամական ժողովում
5.Սարիկ Անդրեասյանի «Չներվածը» ներկայացվեց Պրահայի հանդիսատեսին
6.«Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
7.ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
8.Գագիկ Ղալաչյանը՝ Ղազախստանում Հայաստանի դեսպան
9.Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
10.ՀՀ մշտական ներկայացուցիչ դեսպան Արման Կիրակոսյանի հայտարարությունը ԵԱՀԿ Մշտական Խորհրդի նիստին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: