ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Վարչապետ Տիգրան Սարգսյանը համոզված է, որ Carrefour-ը կաշխատի Հայաստանում

06 փետրվարի, 2013 | 16:15

ԵՐԵՎԱՆ-«Ես համոզված եմ, որ Carrefour-ը պետք է իր գործունեությունը ծավալի Հայաստանի Հանրապետությունում, և մենք, որպես կառավարություն, ամեն ինչ անելու ենք նպաստավոր պայմաններ ստեղծելու համար», -այսօր ԱԺ-ի հետ հարցուպատասխանից հետո լրագրողների հետ ճեպազրույցում հայտարարեց Հայաստանի վարչապետ Տիգրան Սարգսյանը: Այս մասին տեղեկացնում է panorma.am կայքէջը։

Վարչապետը տեղեկացրեց, որ հանդիպել է «Carrefour,-ի ներկայացուցիչների հետ և քննարկել բոլոր հարցերը, որոնք հետաքրքրում են ներդրող կողմին:

«Առաջինը, Հայաստանի Հանրապետությունը և կառավարությունը խիստ շահագրգռված են, որպեսզի «Carrefour,-ը ներկայացված լինի մեր շուկայում և մատուցի այն ծառայությունները, որ նա աշխարհով մեկ մատուցում է, քանի որ դա իր մեջ պարունակում է բազմաթիվ դրական երևույթներ՝ մեր տնտեսության համար է դա կարևոր, դա կարևոր է մրցակցային դաշտիւ ձևավորման առումով, դա նոր մշակույթի ներդրում է, նոր տիպի ինստիտուտների ձևավորումն է, ենթակառուցվածքների ձևավորումն է, գյուղատնտեսական ապրանքների գնումներ, փաթեթավորում, ծառայությունների մատուցում, այդ թվում՝ նաև հայկական ապրանքների արտահանում: Դրա համար «Carrefour,-ն անպայման պետք է ներկայացված լինի Հայաստանում, և մենք առաջարկել ենք մեր առաջարկները «Carrefour,-ին՝ որպես կառավարություն, որպեսզի նա հնարավորին չափ արագ հայտնվի մեր շուկայում», -հայտարարեց վարչապետը:

Լրագրողները հետաքրքրվեցին, թե այդ քննարկումների ժամանակ նրանք ասե՞լ են, թե ինչպիսի խոչընդոտների են հանդիպել Հայաստանում, վարչապետը պատասխանեց, որ օրենսդրական դաշտի հետ կապված նրանց կողմից որևէ դժգոհություն չի եղել:

«Միակ խնդիրը, որ անհամաձայնություն ունեն, դա մասնավոր հատվածի երկու սուբյեկտների մեջ խնդիրն է, այդ հուշագրով ամրագրված սկզբունքների պահպանման խնդիրն է և կոռեկտ չէ. եթե կառավարությունը սկսի մեկնաբանել այդ խնդիրը` այս կամ այն կողմին պաշտպանելու համար», -հավելեց Տիգրան Սարգսյանը: Վարչապետի խոսքով, երկու մասնավոր ընկերությունները պետք է գտնեն իրենց համար ընդունելի լուծումներ:

Նշենք, որ նախատեսվում էր, որ «Carrefour,-ը աշխատելու է Երևանում, մասնավորապես «Դալմա-Գարդեն-Մոլ,, առևտրային կենտրոնում, որը պատկանում է ռուսաստանաբնակ խոշոր գործարար Սամվել Կարապետյանին:

 

Orer.eu

 


Մեկնաբանություն

Վերջին լուրեր
1.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
2.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
3.Եվրամիությունը աջակցում է «Հայաստանում ընտրական գործընթացների աջակցություն» ծրագրին
4.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
5.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
6.Գարեգին Բ- Նիկոլ Փաշինյան հանդիպում Մայր Աթոռում
7.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
8.Արման Նուռի անհատական մեծ ցուցահանդեսը Վենոզայում
9.Հայաստանի դպրոցներում կներդրվի Աշխարհատեղեկատվական համակարգը
10.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: