ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Վարշավայում կայացավ Լեհաստանի հայերի երկրորդ համաժողովը

10 մայիսի, 2017 | 11:58

2017 թվականի մայիսի 8-ին Վարշավայի Գյուղատնտեսության ազգային գրադարանի մեծ դահլիճում տեղի ունեցավ Լեհաստանի հայերի երկրորդ համաժողովը, որը կազմակերպել էին Լեհաստանում ՀՀ դեսպանությունը և ՀՀ սփյուռքի նախարարությունը:

Համաժողովին իր ուղերձն էր հղել Լեհաստանի Սեյմի նախագահ (մարշալեկ) Մարեկ Կուխչինսկին: Համաժողովի ներկա էր ԼՀ Սենատի անդամ Յան Մարիա Յակովսկին, ով համաժողովի մասնակիցների փոխանցեց ԼՀ Սենատի նախագահ Ստանիսլավ Կարչևսկու ողջույնները:
Համաժողովի բացման պաշտոնական արարողությանը ողջույնի խոսքով հանդես եկան ՀՀ սփյուռքի նախարար Հրանուշ Հակոբյանը, Լեհաստանում ՀՀ դեսպան Էդգար Ղազարյանը և ԼՀ կառավարության Ազգային ու էթնիկ փոքրամասնությունների համատեղ հանձնաժողովում հայ փոքրամասնության ներկայացուցիչ Էդվարդ Միեր-Ենջեյովիչը:


Դեսպան Ղազարյանն իր խոսքում, մասնավորապես նշեց, որ Լեհաստանի հայ համայնքն առանձնահատուկ դեր ունի հայկական Սփյուռքում: «Դարեր շարունակ ապրելով Լեհաստանում` հայերը կարողացել  են մշտապես իրենց դրսևորել իբրև այդ երկրի արժանավոր քաղաքացիներ` մշտապես պահպանելով իրենց ազգային ինքնությունը: Նրանք կարողացել են հարստացնել և սերնդից սերունդ փոխանցել մեր դարավոր մշակույթն ու ավանդույթները` թողնելով արժեքավոր ժառանգություն` այն ծառայեցնելով նաև Լեհաստանի զարգացմանը և ամրապնդվելով մեր երկու ժողովուրդների փոխադարձ անկեղծ հարգանքն ու բարեկամությունը», – նշեց Էդգար Ղազարյանը։


ՀՀ դեսպանն նաև հույս հայտնեց, Լեհաստանի հայերի համաժողովը լավ հարթակ կհանդիսանա համայնքին հուզող հարցերը վեր հանելու, քննարկելու, համատեղ ուժերով դրանց լուծման ուղիները գտնելու, համայնքն ավելի կազմակերպված և միասնական դարձնելու համար:
Այնուհետև, համաժողովի ընթացքում տեղի ունեցան թեմատիկ քննարկումներ: Բանախոսություններով հանդես եկան Լեհահայոց մշակութային ժառանգության հիմնադրամի նախագահ Յան Աբգարովիչը, Հայ Կաթողիկե եկեղեցու Վարշավայի և կենտրոնական Լեհաստանի հոգևոր հովիվ, Յուզեֆ Նաումովիչը, Գլիվիցեի Յուզեֆ Թեոդորովիչի անվան հայ համայնքի ներկայացուցիչ Բոգդան Կասպրովիչը և Լեհ-հայկական հիմնադրամի նախագահ Արսեն Հովսեփյանը:


Համաժողովի ամփոփիչ քննարկման թեման հայապահպանության խնդիրներն էր, որը վարեց Լեհաստանում ՀՀ դեսպան Էդգար Ղազարյանը։
Համաժողովի շրջանակներում Վարշավայի Գյուղատնտեսության Ազգային գրադարանի ճեմասրահում կազմակերպվել էր Լեհաստանում բնակվող հայազգի գեղանկարիչ Գրիգոր Ասլանյանի նկարների ցուցահանդեսը, ինչպես նաև Իսպանիայում բնակվող հայազգի գործիչ Արարատ Ղուկասյանի «Փնտրտունքերի ճանապարհին» բանաստեղծությունների ժողովածուի լեհաստանյան շնորհանդեսը:

 


Առնչվող նյութեր
1. Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
2. Դեսպան Էդգար Ղազարյանի և գործընկերների հրաժեշտի պաշտոնական արարողություն Լեհաստանում հավատարմագրված դիվանագիտական կորպուսի կողմից
3. Սամվել Մկրտչյանը՝ Լեհաստանում Հայաստանի դեսպան
4. Աբովյանի «Վերք Հայաստանի» գիրքը լեհերեն. շնորհանդես Կրակովում
5. Լեհական Շչեցինեկ քաղաքում բացվեց հայկական խաչքար
6. Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
7. ԵԱՀԿ Մարդկային հարթության իրականացման տարեկան հանդիպումը Վարշավայում
8. Լեհաստանի հեղինակավոր «w SIECI HISTORII» ամսագիրը Հայաստանի մասին հոդվածաշար է հրապարակել
9. Լեհահայոց նոր հոգևոր հովիվն է Տ. Ներսես աբեղա Հարությունյանը
10. Լեհաստանաբնակ հայ նկարիչներ Հելեն Հարութի եւ Սուրեն Վարդանյանի ցուցահանդեսը Լուբաչով քաղաքում

Մեկնաբանություն

Վերջին լուրեր
1.Քիմիական զենքի կոնվենցիայի մասնակից պետությունների 23-րդ կոնֆերանսը
2.Գավառում վերաբացվեց Լևոն Քալանթարի անվան դրամատիկական թատրոնը
3.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
4.Մտորումներ Լատվիայի անկախության 100-ամյակի առթիվ
5.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
6.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
7.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
8.Եվրամիությունը աջակցում է «Հայաստանում ընտրական գործընթացների աջակցություն» ծրագրին
9.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
10.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: