ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ՍՓԻՒՌՔԻ ՆԱԽԱՐԱՐՈՒԹԵԱՆ ԵՒ ՖՐԱՆՍԱՀԱՅ ԸՆԿԵՐԱԿՑՈՒԹԻՒՆՆԵՐԸ ՀԱՄԱԿԱՐԳՈՂ ԽՈՐՀՈՒՐԴԻ (CCAF) ՀԱՄԱԳՈՐԾԱԿՈՒԹԵԱՆ ՎՐԻՊԱԾ ԱՌԻԹԸ

18 հունիսի, 2013 | 19:46

ՓԱՐԻԶ-ՀՀ Սփիւռքի նախարարութիւնը, Մարսիլիոյ «Գերազանցութեան շաբթուան,, աւարտին՝ Շաբաթ Յունիս 22, ժամը 14էն 19.30, նախքան փակման համար նախատեսուած մեծ ընթրիքը, Եւրոպայի հայկական կազմակերպութիւններուն ուղղուած փոքրիկ համագումար մը կազմակերպած է, որուն վերնագիրն է՝ «Հայաստան-Սփիւռք գործակցութիւնը Ցեղասպանութեան 100րդ տարելիցին ընդառաջ,, եւ որուն հրաւիրած է կարգ մը կազմակերպութիւններ՝ առանց նախապէս խորհրդակցած ըլլալու Ֆրանսահայ ընկերակցութիւնները համակարգող խորհուրդի (CCAF) հետ։ Այս վերջինս, հաղորդագրութեամբ մը կը յայտնէ, թէ պիտի չմասնակցի Սփիւռքի նախարարութեան կազմակերպած այս համագումարին՝ դժգոհելով անոր ինքնագլուխ նախաձեռնութենէն։ Այս մասին գրում է Փարիզի ,, Նոր Յառաջը,,։

Ֆրանսահայ գաղութը կը տառապի հիւլէականացումէ, հաղորդակցութեան պակասէ, տեղեկատւութեան բացակայութենէ։ Ամէն կազմակերպութիւն իրեն համար ստեղծած է ինքնիր միջավայրը, ունի իր համակիրները, իր գործունէութեան դաշտը։ Ի բացառեալ մի քանի համագաղութային կազմակերպութիւններէ, հայկական միութիւններու ղեկավարութիւնը կը դժուարանայ ինքզինք վերանորոգելու, կը թերանայ սերնդափոխութեան, երիտասարդութեան հետ կամրջումի առաքելութիւններուն մէջ։

Բոլոր կազմակերպութիւններուն մէջ եզակի տեղ կը գրաւէ Ֆրանսահայ ընկերակցութիւնները համակարգող խորհուրդը (CCAF), որով իր անունէն մեկնած՝ համակարգողի պաշտօն կը ճանչնայ ինքզինքին։ Այն ինչ ժամանակին որոշ չափով եկեղեցւոյ վարչութիւնները կ՚ապահովէին, նախ «24 Ապրիլ» կոմիտէն, յետոյ՝ 2000ական թուականներէն սկսեալ՝ CCAF-ը, իբր համակարգող խորհուրդ, այդ դերը ստանձնեցին։ Սակայն անոր կրած անունը խաբուսիկ է, թիւրիմացութեան առիթ ստեղծող։ Ինչո՞ւ։ Որովհետեւ մինչեւ օրս CCAF-ը բացի Ապրիլ 24ի համագաղութային ոգեկոչումէ եւ Ցեղասպանութեան ճանաչման առընչուած գործունէութենէ, հայկական ընկերակցական ոչ մէկ բնագաւառ համակարգած է։ Ո՛չ կրթական, ո՛չ մշակութային, ո՛չ լրատուական, ո՛չ ընկերային, ոչ գաղթականական, ո՛չ նիւթական աջակցութեան, դրամահաւաքի…։ Պիտի ըսենք, որ գաղութի հիւլէականացած իրավիճակին հիմնական դարմանը պիտի ըլլար համակարգումը։ Կը մնայ յուսալ որ CCAF ստանձնէ ինքնիրեն վերապահած պաշտօնը՝ ամբողջութեամբ, արհեստավարժութեամբ։

Իւրաքանչիւր նախաձեռնութիւն որ կը միտի համախմբելու, կամուրջ ստեղծելու միութիւններու, միջեւ գովելի է ու քաջալերելի։ Այս սկզբունքային մեկնակէտը հաստատելէ ետք, կը մնայ հասկնալ թէ ինչո՞ւ Սփիւռքի նախարարութիւնը կը նախաձեռնէ համագումարի մը՝ առանց տեղւոյն կազմակերպութիւններու ղեկավարութեան հետ կանխօրօք համաձայնած ըլլալու։ Պիտի ըսէինք քաղաքավարական նուազագոյն պահանջն է այս։ Ինչպէս նաեւ համագործակցութեան։ Ֆրանսայի Հայաստանի դեսպանութիւնը վարժ է CCAF-ի հետ գործակցելու։ Ինչպէ՞ս կ՚ըլլայ որ այս անգամ վրիպած է նախնական համաձայնութիւն մը գոյացնելէ։

Ժ.Չ.

,,Նոր Յառաջը,, հրապարակել է նաեւ CCAF-Ի նամակը

CCAF-Ի ՊԱՏԱՍԽԱՆԸ ՍՓԻՒՌՔԻ ՆԱԽԱՐԱՐՈՒԹԵԱՆ

«Տիկի՛ն նախարարուհի, շատ ուշ լսեցինք, որ ժողով մը կը կազմակերպէք Յունիս 22ին Մարսիլիոյ մէջ:

Կը հաւատանք, որ CCAF-ի անդամ ընկերակցութիւններու ալ համաձայնութեամբ՝ կանոնաւոր ժողովները կրնան իրենց նպաստը ունենալ մեր գործունէութեանց համակարգումի գործին մէջ:

Սակայն կը ցաւինք, որ այս ձեռնարկը կազմակերպուած է առանց համաձայնութեան, ինչ որ կը յառաջացնէ իրաւասութեան հարցեր:

Բոլորս բախտն ունինք Ֆրանսայի մէջ՝ CCAF-ի նման կառոյց մը ունենալու, որ կը համակարգէ ընկերակցութիւնները, հակառակ իրենց տարբերութիւններուն: Հայկական աշխարհին մէջ այս եզակի գրաւը յաջողեցանք, որովհետեւ գիտցանք յարգել բոլորն ալ:

Նախնական համաձայնութիւնը անշրջանցելի պայմանն է մեր յառաջիկայ գործակցութեան:

Հետեւաբար, կը հասկնաք, որ պիտի չկարենանք մասնակցիլ նշեալ ժողովին:

Տիկի՛ն նախարարուհի, ընդունեցէք մեր յարգանքին հաւաստիքը:

Արա Թորանեան  եւ Մուրատ Փափազեան

CCAF-ի համանախագահներ


Մեկնաբանություն

Վերջին լուրեր
1.Գավառում վերաբացվեց Լևոն Քալանթարի անվան դրամատիկական թատրոնը
2.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
3.Մտորումներ Լատվիայի անկախության 100-ամյակի առթիվ
4.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
5.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
6.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
7.Եվրամիությունը աջակցում է «Հայաստանում ընտրական գործընթացների աջակցություն» ծրագրին
8.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
9.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
10.Գարեգին Բ- Նիկոլ Փաշինյան հանդիպում Մայր Աթոռում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: