ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ՍՏՐԱՍԲՈՒՐԳ. ՀՀ մշտական ներկայացուցիչ Պարույր Հովհաննիսյանի հանդիպումը համալսարանի ռեկտորի հետ

14 մարտի, 2017 | 16:38

paruir hovhannisian

 

Մարտի 13-ին Եվրոպայի խորհրդում ՀՀ մշտական ներկայացուցիչ Պարույր Հովհաննիսյանը հանդիպում ունեցավ Ստրասբուրգի համալսարանի ռեկտոր Միշել Դենեկենի հետ, որի ընթացքում քննարկվեցին հնարավոր համագործակցության մի շարք ծրագրեր:

Միշել Դենեկենը դեսպանին տեղեկացրեց, որ Ստրասբուրգի համալսարանն ավանդական կապեր է պահպանում ՀՀ բուհական հաստատությունների, մասնավորապես՝ աստվածաբանության և քիմիայի ֆակուլտետների հետ: Ռեկտորը նաև խոսեց Ստրասբուրգի համալսարանում ուսումնառություն ստացող հայ ուսանողների մասին:

Պարույր Հովհաննիսյանը գոհունակությամբ արձանագրեց, որ հայ-ֆրանսիական բազմաոլորտ համագործակցության ամենադինամիկ ճյուղերից մեկը գիտակրթական ոլորտն է` շահագրգռվածություն հայտնելով Ստրասբուրգի համալսարանի հետ այդ ոլորտում համատեղ ծրագրերի իրականացման վերաբերյալ:

Զրուցակիցները պայմանավորվեցին աշխատանքներ տանել ակադեմիական շրջանակների և վերլուծական կենտրոնների մասնակցությամբ գիտաժողովներ և կլոր սեղաններ կազմակերպելու ուղղությամբ:

 Orer.eu

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: