ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ստրասբուրգը նեղանում է Ադրբեջանից

11 հունիսի, 2014 | 13:52

strasbourg-boude-l-azerbaidjanԼարվածությունը Եվրոպայի խորհրդի և Ադրբեջանի միջև ևս մեկ աստիճանով բարձրացավ այն պահից, երբ այդ երկիրը ստանձնեց նախագահությունը Նախարարների խորհրդում: Դրա հետևանքով Ստրաստբուրգում դադարեցվեց Ադրբեջանի նախագահությանը վերաբերվող գովազդային վահանակների շրջանառությունը: Ստրասբուրգում ընդունված է աջակցել Եվրոպայի խորհրդի նախարարների կոմիտեի նախագահությանը:

Եվրոպայի խորհրդի 47 անդամ երկրներից որևէ մեկը յուրաքանչյուր վեց ամիսը մեկ ստանձնում է Նախարարների խորհրդի նախագահությունը:

Ստրասբուրգում 2009թ.-ից ընդգծված կերպով նշվում են որոշ միջոցառումներ` կապված ԵԽ Նախարարների խորհրդի նախագահության հետ: Սկզբում շատ խորհրդանշական ձևով անցկացվում էր դրոշների բարձրացումը քաղաքապետարանի դիմաց` Բոժիլի հրապարակում, այնուհետև դրան ավելացավ բազմաթիվ տրամվայների շրջանառությունը, որոնք ներկված էին նախագահող երկրի դրոշի գույներով: Եվ ի վերջո, միջոցառումներին ավելացավ նաև համագործակցության շրջանակներում անցկացվող մշակութային ծրագիրը:

 Շատ քննադատական վերաբերմունք երկրի նկատմամբ

Ադրբեջանի նախագահության համար ամեն ինչ սկսվեց իր հունով. դրոշների բարձրացումը տեղի ունեցավ, ինչպես և պլանավորված էր, մայիսի սկզբին: Սակայն մի քանի օրից նոր միջադեպ տեղի ունեցավ Եվրոպայի խորհրդի շրջանակներում` Բաքվի մասնակցությամբ:

Ադրբեջանը մերժեց սոցիալիստական կուսակցության պատգամավոր, ֆրանսիացի Ռենե Ռուքեի վիզան, ով ԵԽ խորհրդարանական վեհաժողովում ղեկավարում է ֆրանսիական պատվիրակությունը և ԵԽԽՎ փոխնագահն է: Նա պետք է նիստի մասնակցեր Ադրբեջանի մայրաքաղաքում: Ադրբեջանի կառավարությունը դա հիմնավորեց նրանով, որ Ռուքեն ավելի վաղ այցելել էր Լեռնային Ղարաբաղի հայկական անկլավ:

Որպես պատժամիջոց` ԵԽ Խորհրդարանական վեհաժողովը որոշում կայացրեց չեղյալ հայտարարել երկու տարվա ընթացքում Բաքվում նախանշված բոլոր միջոցառումները:

Ադրբեջանը երկար տարիների ընթացքում մատնացույց է արվում մարդու իրավունքների պաշտպանությամբ զբաղվող բազմաթիվ կազմակերպությունների կողմից, որոնք Բաքվին մեղադրում են մարդու իրավունքների խախտումների և խոսքի ազատության սահմանափակումների համար: Բացի այդ, ապրիլին Եվրոպայի խորհրդի Մարդու իրավունքների հանձնակատար Նիլս Մուիժնիկսը հանդես եկավ Ադրբեջանի վերաբերյալ բավական քննադատական զեկույցով:

Բայց Ստրասբուրգի քաղաքապետարանի կողմից Ադրբեջանի նախագահությունն ուղեկցող միջոցառումների չեղարկումը մարդու իրավունքների խախտում չէ: «Մենք Եվրոպայի խորհրդի նստավայր-քաղաք ենք», – բացատրում է Եվրոպական հարցերով պատասխանատու-օգնական Նավել Ռաֆիկը: -«Նույնիսկ եթե արձանագրվում են ժողովրդավարական գործունեության խախտումներ, մենք չենք կարող մեջքով պտտվել դեպի այդ երկիրը: Պետք է երկխոսել: Այս հարցերում մենք կարծիքների փոխանակում ենք սկսում, որպեսզի երկխոսության հնարավորություն ընձեռենք և ազդեցություն ունենանք: Սակայն Ռենե Ռուքեի պարագայում տեղի է ունենում Եվրոպայի խորհրդի աշխատանքների խախտում, և մենք չենք կարող այն ընդունել»:

Այսպես, ստրասբուրգյան տրամվայներից հանվել են ադրբեջանական նախագահության խորհրդանիշները: Հանվել է նաև Ադրբեջանի նախագահության շրջանակներում անցկացվող մշակութային միջոցառումները գովազդող վահանակը:

http://www.dna.fr/edition-de-strasbourg/2014/06/11/strasbourg-boude-l-azerbaidjan

Առնչվող նյութեր
1. Ազրպէյճանական փորձերը անգամ եւս ձախողեցան Եւրոխորհրդարանի մէջ
2. Զոհրաբ Մնացականյանը մասնակցեց Ժողովրդավարության համաշխարհային ֆորումին
3. Զոհրաբ Մնացականյանը հանդիպեց Ստրասբուրգի Հայ համայնքի և ԵԽ հայազգի պաշտոնյաների հետ
4. Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
5. Եվրոպայի խորհրդում նշվեց Երևանի 2800-ամյակը
6. Ստրասբուրգի Մայր տաճարում ելույթ ունեցավ «Նաղաշ» համույթը
7. Ստրասբուրգ. Եվրոպայի խորհրդում նշվեց Հայաստանի Անկախության տոնը
8. Վահրամ Կաժոյան. Ադրբեջանը պարբերաբար կոպտորեն խախտում է Բանդունգյան սկզբունքները
9. Հայաստանի և Ադրբեջանի արտաքին գործերի նախարարների հանդիպումը
10. ԻՆՍՏԻՏՈՒՑԻՈՆԱԼ ԱՋԱԿՑՈՒԹՅՈՒՆ ՀԱՅԱՍՏԱՆԻ ՀԱՄԱՅՆՔՆԵՐԻ ՄԻՈՒԹՅԱՆԸ (ՀՀՄ)

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: