ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ստորագրվել է ոչ վարակիչ հիվանդությունների կանխարգելման և դրանց դեմ պայքարի աշգաբադյան ,,Առողջություն 2020,, հռչակագիրը

04 դեկտեմբերի, 2013 | 18:50

ԱՇԳԱԲԱԴ-Առողջապահության համաշխարհային կազմակերպության Աշգաբադում ընթացող նախարարական համաժողովում այսօր ստորագրվեց ոչ վարակիչ հիվանդությունների կանխարգելման և դրանց դեմ պայքարի աշգաբադյան հռչակագիրը` «Առողջություն 2020» քաղաքականության իրավիճակի ենթատեքստում։ Այս մասին հայտնում է Հայաստանի առողջապահության նախարարությունը։ Համաժողովում Հայաստանը ներկայացնում է ՀՀ առողջապահության նախարար Դերենիկ Դումանյանը։

ԱՀԿ եվրոպական տարածաշրջանի անդամ երկրների առողջապահության նախարարները, առողջության պահպանման փորձագետները, քաղաքացիական հասարակության, ինչպես նաև միջգերատեսչական կազմակերպությունների ներկայացուցիչները` դեմ առ դեմ կանգնելով ոչ վարակիչ հիվանդություններով պայմանավորված բեռի և վտանգի առջև, որպես գլոբալ շարժման մասնակիցներ հանդես են եկել միասնական ճակատով։ Համատեղ պայքարը կընթանա ոչ վարակիչ հիվանդությունների ռիսկի չորս ընդհանուր գործոնների` ծխելու, ալկոհոլի չարաշահման, անառողջ սննդի և ֆիզիկական թերակտիվության դեմ։

Եվրոպական տարածաշրջանում վերջին տարիներին չափազանց կարևորվում է հանրային առողջությունը, որն իր արտացոլումն է գտել «Առողջություն 2020» համաեվրոպական քաղաքականությունում, ինչն էլ տարածաշրջանի բոլոր երկրների, այդ թվում` Հայաստանի առողջապահության ոլորտի համար ազգային ռազմավարության ու ծրագրերի հիմք է հանդիսացել։

«Մենք ուսումնասիրել ենք մարդկության զարգացման և ոչ վարակիչ հիվանդությունների միջև առկա ամուր կապը, ինչպես նաև արդյունավետ համագործակցության շնորհիվ արագ արդյունքների հասնելու հնարավորությունները: Մենք ընդունում ենք տարածաշրջանային գործողությունների, ինչպես նաև համագործակցության կարևորությունն ազգային մակարդակով ոչ վարակիչ հիվանդությունների դեմ պայքարում միջոցառումներն ակտիվացնելու գործում»,-ասվում է հռչակագրում։

 


Առնչվող նյութեր
1. Տեսակետ. Համազգային երկրորդ հռչակագրին ընդառաջ…
2. Արցախի եւ Հայաստանի մի խումբ հասարակական գործիչներ դատապարտում են իշխանությունների Ադրբեջանին հող զիջելու դիրքորոշումը
3. ԾԻԾԵՌՆԱԿԱԲԵՐԴԻ ՀՈՒՇԱՀԱՄԱԼԻՐՈՒՄ ՀՐԱՊԱՐԱԿՎԵԼ Է ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑԻ ՀԱՄԱՀԱՅԿԱԿԱՆ ՀՌՉԱԿԱԳԻՐԸ
4. Բժշկական ապահովագրությունը Հայաստանում կդառնա պարտադիր

Մեկնաբանություն

Վերջին լուրեր
1.Գավառում վերաբացվեց Լևոն Քալանթարի անվան դրամատիկական թատրոնը
2.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
3.Մտորումներ Լատվիայի անկախության 100-ամյակի առթիվ
4.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
5.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
6.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
7.Եվրամիությունը աջակցում է «Հայաստանում ընտրական գործընթացների աջակցություն» ծրագրին
8.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
9.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
10.Գարեգին Բ- Նիկոլ Փաշինյան հանդիպում Մայր Աթոռում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: