ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ստեփանակերտից հեռարձակվում է ,,Թալիշստանի ձայնը,, ռադիոկայանը

29 մարտի, 2013 | 20:10

ՍՏԵՓԱՆԱԿԵՐՏ- Մարտի 20-ից Արցախի տարածքից իր հաղորդումներն է հեռարձակում «Թալիշստանի ձայնը,, ռադիոկայանը. այսօր լրագրողներին հայտնել են ԵՊՀ իրանագիտության ամբիոնի ղեկավար, իրանագետ Գառնիկ Ասատրյանը եւ եւ «Մոդուս Վիվենդի,, կենտրոնի ղեկավար Արա Պապյանը:

Ըստ ,,Երկիր մեդիա,, հեռուստաընկերության, ռադիոկայանի բացումը Իրանագիտության կովկասյան կենտրոնի եւ «Մոդուս վիվենդի,,-ի նախաձեռնությունն է եւ հետապնդում է հումանիտար նպատակներ: Այն կարելի է դիտարկել նաեւ մարդու իրավունքների պաշտպանության տեսանկյունից:

Գառնիկ Ասատրյանի խոսքով` Ադրբեջանում բնակվում է մոտ 2 մլն թալիշ, եւ «Թալիշստանի ձայնը,, , ըստ էության, թալիշերենով հաղորդումներ հեռարձակող առաջին ռադիոկայանն է: Հաղորդումների տեւողությունը 1 ժամ է, 10-15 րոպե տրամադրվում է ադրբեջաներենով նորություններին: Աշխատանքներում ներգրավված են արցախցի մասնագետներ, ուսանողներ, գիտնականներ, նաեւ թալիշների մի խումբ:

Արա Պապյանը նշել է, որ Շուշի քաղաքը, որպես ռադիոկայանի հաղորդումների հեռարձակման վայր, ընտրվել է տեխնիկական պատճառներով, նաեւ` որ Շուշին եղել է Հարավային Կովկասի մշակութային կենտրոններից մեկը: Նա հայտարարել է, որ ռադիոկայանը մեծ ընդունելություն է գտել. աշխարհի տարբեր ծայրերից թալիշներն արձագանքում են, օգնում նյութեր հավաքել, ընդ որում դրանք այնքան շատ են, որ դժվար է մեկ ժամանոց հաղորդման մեջ ներառել:

Ի դեպ, չնայած ադրբեջանական ԶԼՄ-ների տարածած լուրերին, թե ռադիոկայանը քաղաքական հաղորդումներ է հեռարձակում, մինչ օրս որեւէ քաղաքական նախադասություն չի հնչել, ծրագրերը նվիրված են բացառապես թալիշների մշակույթին, պատմությանը, ազգային երաժշտությանը: Մեղադրանքներ են հնչել նաեւ Իրանի հասցեին, սակայն Ադրբեջանում Իրանի դեսպանությունը հայտարարել է, որ որեւէ կապ չունի նախաձեռնության հետ:

Այս պահին, ըստ ադրբեջանական ԶԼՄ-ների, Արցախի եւ Ադրբեջանի սահմանին աշխատում են Ադրբեջանի կապի նախարարության մասնագետները, որոնց նպատակը ռադիոկայանի աշխատանքները խափանելն է:

 


Մեկնաբանություն

Վերջին լուրեր
1.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
2.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
3.Եվրամիությունը աջակցում է «Հայաստանում ընտրական գործընթացների աջակցություն» ծրագրին
4.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
5.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
6.Գարեգին Բ- Նիկոլ Փաշինյան հանդիպում Մայր Աթոռում
7.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
8.Արման Նուռի անհատական մեծ ցուցահանդեսը Վենոզայում
9.Հայաստանի դպրոցներում կներդրվի Աշխարհատեղեկատվական համակարգը
10.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: