ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ստեղծվեց Եվրոպական Խորհրդարան-Հայաստանի բարեկամության խումբը

09 հունվարի, 2013 | 22:40

ՊՐՒՔՍԵԼ.- Այսօր Եւրոպական Միութեան խորհրդարանի շէնքէն ներս, պաշտօնապէս յայտարարուեցաւ Եւրոպական խորհրդարան – Հայաստան բարեկամական խումբի ստեղծումը, նախագահութեամբ դոկտ. Էլենի Թէոխարուսի (Եւրոպայի Ժողովրդական Կուսակցութիւն, Կիպրոս), եւ ներկայութեամբ ՀՀ Ազգային ժողովի 25-անդամ պատուիրակութեան մը, նախագահ Յովիկ Աբրահամեանի գլխաւորութեամբ։ Բարեկամութեան խումբի ստեղծման ներկայ էր նաեւ Եւրոմիութեան կրթութեան, մշակոյթի, բազմալեզուականութեան եւ երիտասարդական հարցերու  յանձնակատար տիկին Անտրուլա Վասիլիու։ Բացումի պաշտօնական խօսքերուն յաջորդեց հիւրասիրութիւն մը, ներկայ պելճիքահայ կազմակերպութիւններու ներկայացուցիչներուն եւ անձնաւորութիւններուն համար։

Եւրոպական խորհրդարան – Հայաստան բարեկամութեան խումբի ստեղծման գաղափարը յղացաւ Եւրոպայի Հ.Յ.Դ Հայ Դատի գրասենեակը, եւ Եւրոմիութեան մօտ ՀՀ մշտական ներկայացուցչութեան հետ սերտ համագործակցութեամբ, եւ դոկտ. Էլենի Թէոխարուսի անվերապահ համաձայնութեամբ ստանձնելու խումբի պատասխանատուութիւնն ու նախագահութիւնը, յաջողութեան հասաւ սոյն նախաձեռնութիւնը։

Եւրոխորհրդարան – Հայաստան բարեկամութեան խումբի նախագահ Էլենի Թէոխարուս իր խօսքին մէջ նշեց, թէ ան մեծ պատուով ստանձնած է սոյն պաշտօնը, որ իրար աւելի մօտ պիտի բերէ Եւրոմիութիւնն ու Հայաստանը, եւ թէ այս խումբը Հայաստանի դէպի Եւրոմիութիւն ճամբան աւելի լայն կը բանայ։ Ան շարունակելով ըսաւ, թէ հայ ժողովուրդը անցեալին եղած է ցեղասպանութեան զոհ Թուրքիոյ կողմէ, ճնշուած՝ Խորհրդային կարգերու կողմէ եւ ինքզինք ազատած ազերի լուծէն՝ Արցախի անկախութեամբ։ Թէոխարուս իր խօսքը աւարտեց ըսելով, թէ հայկական մշակոյթով, երաժշտութեամբ, արուեստով ու բանաստեղծութեամբ եւ Մասիսներու կախարդական ներկայութեամբ մենք հոգեպէս միա՛յն կը հարստանանք։

Ապա, ՀՀ Ազգային ժողովի նախագահ Յովիկ Աբրահամեան, իր խօսքով բարձր գնահատեց այս խումբին կազմութիւնը, որ աւելի պիտի խթանէ Եւրոմիութիւն – Հայաստան կապերը, որոնք ներկայիս արդէն կը գտնուին ամենէն բարձր մակարդակի վրայ։ ՀՀ Ազգային ժողովի նախագահը նշեց Հայաստանի կառուցողական մասնակցութիւնը Եւրոպական միութեան զանազան ծրագիրներուն, ինչպիսին են Արեւելեան հարեւանութիւնը, Եւրոնեսթի խորհրդարանական վեհաժողովը, ներկայիս ընթացքի մէջ եղող եւ գրեթէ իր աւարտին հասնելիք Եւորմիութիւն – Հայաստան համագործակցութեան համաձայնագիրը եւ խոր ու համապարփակ առեւտրական ազատ գօտիի համաձայնագիրն ու վիզաներու ազատ համակարգը։

Պարոն Յովիկ Աբրահամեան յատկապէս նշեց Ազրպէյճանի ապատեղեկատուութիւնը Եւրոմիութեան շրջանակներէն ներս, եւ թէ բարեկամութեան խումբի անդամները իրենց կարելին կ’ընեն ու պիտի ընեն բացայայտելու իրականութիւնը որպէսզի ճիշդ կողմնորոուի եւրոխորհրդարանը։ 

Եւրոպայի Հայ Դատի գրասենեակի նախագահ Գասպար Կարապետեան ողջունելով խումբի կազմութիւնը, իր գոհունակութիւնը յայտնեց, որ երեսունէ աւելի եւրոերեսփոխաններ ընդունած են մաս կազմել բարեկամութեան այս խումբին, որոնց կարեւոր մէկ մասը ներկայ էր եւ ստորագրութեամբ վաւերացուց իր մասնակցութիւնը, իսկ պիտի շարունակուի աշխատանքը ապահովելու համար այլ եւրոերեսփոխաններու անդամակցութիւնը։ Գասպար Կարապետեան բարձր գնատահատելով Էլենի Թէոխարուս – ՀՀ դեսպանատուն – Եւրոպայի Հ.Յ.Դ. Հայ Դատի Գրասենեակ համագործակցութիւնը, իր վստահութիւնը յայտնեց, թէ այս խումբը պիտի ունենայ յաջող աշխատանքային ծրագիր եւ գործունէութիւն, ա՛լ աւելի մօտ բերելով Հայաստանն ու Եւրոպական Միութիւնը՝ խորհրդարաններու ճամբով։ «Ծրագրի մէջ է Եւրոպական խորհրդարանի անդամներու այցը Հայաստան եւ Արցախ», ըսաւ Կարապետեան։

Եւրոպայի Հ.Յ.Դ Հայ Դատի գրասենեակ

Orer.eu


Առնչվող նյութեր
1. ԻՆՍՏԻՏՈՒՑԻՈՆԱԼ ԱՋԱԿՑՈՒԹՅՈՒՆ ՀԱՅԱՍՏԱՆԻ ՀԱՄԱՅՆՔՆԵՐԻ ՄԻՈՒԹՅԱՆԸ (ՀՀՄ)
2. Մհեր Սահակյան. «Չինաստանի Մեկ գոտի, մեկ ճանապարհ նախաձեռնությունը և Հայաստանը» /նոր գիրք/
3. Ինչպե՞ս մեկ օրում մաքրել Հայաստանն աղբից և սկսել ապրել մաքուր երկրում
4. ԹԱՅՄ. Նիկոլ Փաշինյանը ժողովրդավարության երազը վառ պահող 4 խաչակիրներից մեկն է
5. ՀԲԸՄ-ն ներկայացնում է անհրաժեշտ էլեկտրոնային գրքեր ու հավելվածներ Հայաստանի մասին
6. Վաշինգտոն. Սմիթսոնյան հաստատության փառատոնը ներկայացնելու է Հայաստանի մշակույթը, արհեստն ու արվեստը
7. Հայաստանն այսօր նշում է Առաջին Հանրապետության 100-ամյակը
8. Սփյուռքի նախարարն առաջարկում է Սփյուռքի համար խորհրդարան ձևավորել Հայաստանում
9. Կառավարության բոլոր անդամները նշանակված են. 17 նախարար, երեք փոխվարչապետ, ոստիկանապետ եւ ազգային անվտանգության ծառայության տնօրեն
10. Ռուբեն Վարդանյանը եւ Նուբար Աֆեյանը շնորհավորում են Նիկոլ Փաշինյանին Հայաստանի վարչապետ ընտրվելու առիթով

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: