ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
24 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ՍՈՒՐԻԱՀԱՅՈՒԹԵԱՆ ԿԱԶՄԱԿԵՐՊՈՒԱԾ ՊԱՐՊՈՒՄ` ՔԱՆԻ ԴԵՌ ՈՒՇ ՉԷ…-Սեւակ Յակոբեան

Իսկական արիւնահեղութիւնը տակաւին նոր կրնայ սկսիլ...
06 հունիսի, 2016 | 07:39

 

syria halepԴարձեալ մտահոգիչ լուրեր կու գան Հալէպէն: Նորութիւն չէ, սակայն անցնող շաբթուան այնտեղի արհաւիրքը կրկնապատկուած կ՛երեւի: Հայ զոհերն ու վիրաւորներն ալ շատ…: Ըստ վերջին լուրերուն մարդկային զոհերէն բացի վնասուած է Հալէպի Զուարթնոց եկեղեցին, անոր կողքը գտնուող հայկական դպրոցը, ինչպէս նաեւ այլ հայապատկան շինութիւններ։

Ընկերային համացանցն ու հայկական լրատուական միջոցները ողողուած են Հալէպի լուրերով…: Հայկական News.am-ի կայքէջին վրայ կը կարդանք. «Պատահականութիւն չի կրնար ըլլալ Գերմանիոյ խորհրդարանին կողմէ Հայոց Ցեղասպանութիւնը ճանչցող բանաձեւի ընդունումէն ետք՝ Հալէպի հայկական թաղերուն բուռն ռմբակոծութեան տակ առնուիլը»: NEWS.am-ի հետ զրուցած է թրքագէտ Անդրանիկ Իսպիրեան: Ըստ իրեն «Սուրիոյ մէջ հակամարտութեան սկսելէ ետք, Թուրքիան իր կողմէ ֆինանասաւորուող ու ղեկավարուող ահաբեկչական խմբաւորումները կ՛ուղղորդէ՝ յատուկ թիրախաւորելու Սուրիոյ հայկական բնակավայրերը»: Իսպիրեան յիշատակած է 2014 թուականի Ապրիլ 24-էն 2 օրեր առաջ՝ Տէր Զօրի Սրբոց Նահատակաց եկեղեցւոյ պայթեցումը, ինչպէս նաեւ Քեսապի ժամանակաւոր գրաւման պարագան, երբ Թուրքիոյ տարածքէն անարգել ահաբեկիչները զինամթերքով մտած էին հայաբնակ Քեսապ:

Վերոյիշեալ զրոյցը կամ վերլուծումը տրամաբանական ըլլայ, իրականութիւն թէ՞ «դաւադրութեան տեսութիւն» (Conspiracy Theory), մեզի կը մնայ ամէն պարագայի լրջօրէն մօտենալ սուրիահայութեան հարցին:

Այս մասին շատ անդրադարձած եմ ատենին: Այս անգամ եւս եւ կրկնութեան գինով երեւի կ՛արժէ դարձեալ սրտագին կոչ մը ուղղել հոս՝ ամէն գինով փրկելու սուրիահայոց՝ ի մասնաւորի Հալէպահայոց մարդկային անգին կեանքը գէթ:

Հակառակ մեր զգացական փափաքին, որ շուտ վերջ գտնէ այս պատերազմը, Սուրիոյ հարցը շա՜տ երկար կը թուի ըլլալ:  Հակառակ ակնկալուածին ու մեր իղձերուն՝ կրնայ նաեւ նոր սկսած համարուիլ: Չորս կողմի օրինակները շատ են…:

Սուրիահայութեան «ժխտումի հոգեվիճակ»ը (denial) աւելի քան հասկնալի է: Մեր գրաւեալ հողերուն աշխարհագրականօրէն ամենամօտիկ շրջանը չհայաթափելու մղձաւանջն ալ տեղին է…: Սակայն ինչպէ՞ս կարելի է փրկել մնացորդացին հոգիները: Ո՞վ կրնայ ապահովել անոնց ֆիզիքական ապահովութիւնը…:

Արդեօք ատենը հասած չէ՞ կազմակերպուած պարպումի (evacuation-ի) ռազմավարութեան մը մշակումին, սփիւռքահայ կազմակերպութիւններու եւ Հայրենի պետութեան համագործակցութեամբ…:

Ե՞րբ պէտք է ձեռնարկենք այս քայլին, մինչ պատերազմական գօտիի մը մէջ քաղաքացիներ ունեցող ամենախեղճ պետութիւնն ալ՝ նման քայլի կը ձեռնարկէ ամէնուրեք…: Հայրենի պետութեան դժուարութիւնները հասկնալի են, սակայն ո՞ւր է Սփիւռքը, որուն ազգային դիմագիծի պահպանման ռահվիրան եղած է սուրիահայութիւնը…: Ո՞ւր է սփիւռքահայութեան ղեկավարութիւնը: Մեր ղրկած ծածկոցները, հագուստեղենը, ուտեստեղէնն ու լումաները կրնան շուտով բանի մը չծառայել: Ես կը հաւատամ, որ սուրիահայութիւնը հոգեբանական ցուցմունքի եւ քաջալերանքի պէտքը ունի… գոնէ ժամանակաւորապէս պարպելու իր ծննդավայրը… եւ անմիջապէս:

Այս տողերը գրողս այն մարդոց կարգին է, որոնք կը հաւատան, թէ դժբախտաբար Սուրիոյ արհաւիրքը իր սկզբնաւորութեան մէջ կը գտնուի՝ հակառակ անցնող տարիներու աւերածութիւններուն ու մարդկային մեծաթիւ զոհերուն: Իսկական արիւնահեղութիւնը տակաւին նոր կրնայ սկսիլ…: Ուրեմն օն դէպի սուրիահայութեան կազմակերպուած պարպում, թէկուզ ժամանակաւորապէս: Ես կը հաւատամ, որ այս է օրուայ հրամայականը… քանի դեռ ուշ չէ…:

ՍԵՒԱԿ ՅԱԿՈԲԵԱՆ

Լիբանանի «Զարթօնք» օրաթերթի գլխաւոր խմբագիր


Առնչվող նյութեր
1. ՀԱԼԷՊԱՀԱՅ ՀԱՄԱՅՆՔԱՊԵՏՆԵՐԸ ՀԱՅ ԾԵՐԱՆՈՑԻՆ ՄԷՋ
2. Հայաստանի խիզախ հյուպատոսը հրաժեշտ տվեց Հալեպին
3. IDeA-ն աջակցում է Հայաստան տեղափոխված սիրիահայ 15 դպրոցականների
4. ՀՅԴ Լիբանանի Հայ Դատի Մարմինի Պատուիրակութիւնը Հանդիպում Ունեցաւ Չեխիոյ Դեսպանին Հետ
5. Հայոց ցեղասպանության 102-րդ տարելիցին նվիրված միջոցառումներ Դամասկոսում
6. Թրամփի հարձակումը Սիրիայի վրա սխալ էր մի շարք պատճառներով
7. ԴԱՀԵՇԸ կրկին դադարեցրել է Հալեպի ջրի մատակարարումը
8. Զօրակցութիւն Հալէպի Հայերուն՝ Ֆրանսիայից
9. Սիրիահայերի հիմնախնդիրներով զբաղվող միջգերատեսչական հանձնաժողովի կազմն ընդլայնվեց «Գալուստ Կյուլպենկյան» հիմնարկության ֆինանսական աջակցությամբ
10. ՄԱԿ-ի տարբեր կառույցներ հանդես են եկել Սիրիայի հարցով համատեղ հայտարարությամբ. 300 հազար երեխա մնում է պաշարման մեջ

Մեկնաբանություն

Վերջին լուրեր
1.Երեւանի ավագանու ընտրություններում առաջատարը ,,Իմ քայլը,, կուսակացությունների դաշինքն է՝ 80.7 տոկոսով
2.Իսպանիա. Հայաստանին նվիրված տոնական համերգ Սանտա Կոլոմա դե Գրամանետիում
3.«Իմ առաջադրանքը ձեզ շատ պարզ է` ամեն օր լուծել թեկուզ փոքր, բայց որևէ կոնկրետ խնդիր». Վարչապետը հանդիպել է Արարատի մարզի համայնքների ղեկավարներին
4.Գաֆեսճյան արվեստի կենտրոնում տեղի ունեցավ Հայաստանում Եվրոպական Ժառանգության օրերի պաշտոնական բացումը
5.ՀՀ քաղաքացիական ավիացիայի կոմիտեի նախագահի այցը Չինաստան
6.Երեւանի ավագանու ընտրությունների կապակցությամբ Եվրոպայի Հայերի Համագումարի կոչը Երեւանցիներին.
7.Ռումանիոյ Հայոց Թեմի առաջնորդ Տ. Տաթև եպիսկոպոս Հակոբյանի շնորհավորական ուղերձը ՀՀ անկախության 27-րդ տարեդարձի առիթով
8.Հայաստանի անկախության 27-ամյակին նվիրված միջոցառում Լիոնում
9.ԱՌԱՋԻՆԷՆ ՄԻՆՉԵՒ ՉՈՐՐԱՐԴ ՀԱՅԱՍՏԱՆԻ ՀԱՆՐԱՊԵՏՈՒԹԻՒՆ. ԱՆԿԱԽՈՒԹՅԱՆ ՕՐ
10.Պապը Կը Շնորհաւորէ Մխիթարեան Միաբանութեան 300ամեակը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: